ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ຕາມການໃຫ້ສໍາພາດຂອງ ທ່ານ ຄໍາພູ ສຸກຈະເລີນ ກໍາມະການພັກເມືອງ ຫົວໜ້າຫ້ອງການກະສິກໍາ ແລະ ປ່າໄມ້ເມືອງລອງ ໃນຄັ້ງວັນທີ 28 ມິຖຸນາ ປີ 2022 ນີ້, ທ່ານໄດ້ໃຫ້ຮູ້ວ່າ: ມາຮອດປະຈຸບັນການປັກດໍາເຂົ້ານາປີຂອງຊາວກະສິກອນທົ່ວເມືອງລອງ ສໍາເລັດແລ້ວ 60 % ຂອງເນື້ອທີ່ທັງໝົດ 1.019 ເຮັກຕາ ແລະ ເຂົ້າເນີນສູງ ສໍາເລັດແລ້ວ 90% ຂອງເນື້ອທີ 2.383 ເຮັກຕາ ພາຍຫຼັງທີ່ໄດ້ເລີມປັກດໍາມາແຕ່ຕົ້ນເດືອນມີຖຸນາ 2022 ເປັນຕົ້ນມາ

ສໍາລັບແນວພັນເຂົ້າທີ່ຊາວກະສິກອນນິຍົມ ປູກໃນປີນີ້, ສ່ວນຫຼາຍແມ່ນແນວພັນເຂົ້າພື້ນເມືອງ ເປັນຕົ້ນແມ່ນເຂົ້າຕາຂຽດ, ເຂົ້າໄກ່ນ້ອຍ, ເຂົ້າອົບໂປບ ແລະ ເຂົ້າອານນ້ອຍ; ຄາດວ່າຜົນຜະລີດເຂົ້ານາປີຈະໃຫ້ໄດ້ 5 ໂຕນຕໍ່ 1 ເຮັກຕາ ແລະ ເຂົ້າເນີນສູງໃຫ້ໄດ້ 1,6 ໂຕນຕໍ່ 1 ເຮັກຕາ;

ຖ້າທຽບໃສ່ປີຜ່ານມາເຫັນວ່າປີີນີ້ມີເນື້ອທີ່ນາຫຼຸດລົງຈາກປີຜ່ານມາ  ສາເຫດຍ້ອນວ່າປະຊາຊົນຈໍານວນໜື່ງ ໄດ້ຫັນປ່ຽນໄປປູກພືດທົດແທນ ໃນເຂດທີ່ບໍ່ມີຊົນລະປະທານພຽງພໍ; ນອກຈາກການຜະລິດເຂົ້ານາປີແລ້ວ ທາງຫ້ອງການກະສິກໍາ ແລະ ປ່າໄມ້ເມືອງ ຍັງໄດ້ລົງຊູກຍູ້ສົ່ງເສີ່ມໃຫ້ຊາວກະສິກອນ ປູກພືດ ເປັນສີນຄ້າປະເພດຕ່າງໆເຊັ່ນວ່າ: ປູກອ້ອຍ ແລະ ມັນຕົ້ນ ມີເນື້ອທີ່ທັງໝົດ 6.800 ກວ່າເຮັກຕາ

ບ່ອນສະແດງໂຄສະນາ
ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ຂ່າວ: ຄໍາອ່ອນ ແສງອຸ່ນ

Hits: 11

LEAVE A REPLY

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້