ສະຖານະການ “Covid” ທີ່ແຜ່ລາມມາເປັນເວລາດົນ, ເຮັດໃຫ້ປະຊາຊົນຈໍານວນຫຼາຍ ລຶ້ງເຄີຍກັບການໃຊ້ ສະເປ ແອວກໍຮໍລ້າງມື ໂດຍບໍ່ຮູ້ວ່າ ມັນເປັນອັນຕະ ລາຍຕໍ່ຮ່າງກາຍໄດ້. ຈໍານວນຄົນເຈັບທີ່ເພີ່ມຂຶ້ນ ຈາກລະບົບທາເດີນຫາຍໃຈ ເຮັດໃຫ້ທ່ານໝໍ ຕ້ອງອອກມາເຕືອນ ແລະ ແນະນໍາວິທີການນໍາໃຊ້ ແອວກໍຮໍ ຢ່າງຖືກຕ້ອງ.
ດຣ. ວິໄນ ໂບເວຈາ, ຜູ້ຊ່ຽວຊານດ້ານລະບົບທາງເດີນຫາຍໃຈ ໄດ້ອອກມາໃຫ້ຄວາມຮູ້ກ່ຽວກັບ ການສູດດົມ ລະອອງສະເປແອວກໍຮໍ ວ່າມີອັນຕະລາຍຕໍ່ສຸຂະພາບ, ເນື່ອງຈາກວ່າ ໄລຍະຫຼັງໆ ມານີ້ ມີຄົນເຈັບທີ່ປ່ວຍກ່ຽວກັບລະບົບທາງເດີນຫາຍໃຈ. ຈາກການສູດດົມ ລະອອງສະເປແອວກໍຮໍ ແບບບໍ່ຮູ້ໂຕ.
ດຣ. ວິໄນ ກ່າວວ່າ ແອວກໍຮໍ ມີຜົນຕໍ່ການທຳລາຍເຊລ. ບໍ່ວ່າຈະເປັນເຊລຜິວໜັງ, ເຊວເຍືື່ອບຸ (epithelial cells) ຫຼື ເຊື້ອແບັກທີເຣຍ, ໄວຣັສ ສາມາດທໍາລາຍໄດ້ໝົດ.
“ເມື່ອມັນຈັບກັບເຊລ ມັນຈະດູດນ້ຳອອກ ເຊລກໍຈະແຫ້ງ ແລະ ຕາຍ. ແລະ ກົນໄກທີສອງ ແອວກໍຮໍ ຍັງສາມາດຊຶມຜ່ານຜະໜັງເຊລ ເຂົ້າໄປທໍາລາຍທາດໂປຼຕີນ ເຮັດໃຫ້ເຊລແຕກໄດ້, ສັງເກດຈາກ ເວລາທີ່ເຮົາ ທາແອວກໍຮໍ ຍີ່ຫໍ້ ທີ່ມີເປີເຊັນຫຼາຍໆ ເຮົາຈະມີຄວາມຮູ້ສຶກແສບຮ້ອນ ຫຼື ບາງຄົນມີອາການແພ້ ແອວກໍຮໍ ໄດ້ງ່າຍ.”
ອາການແພ້ ແອວກໍຮໍ.
FDA (Food and Drug Adminstration) ໄດ້ອອກຄໍາເຕືອນໃຫ້ລະມັດລະວັງການໃຊ້ສະເປແອວກໍຮໍ ເພາະອາດຈະເຮັດໃຫ້ເກີດ ອາການແຊກຊ້ອນທີ່ບໍ່ຮູ້ໂຕ.
ອາການເບື້ອງຕົ້ນ ທ່ານໝໍບອກວ່າ: ຈະມີອາການວິນຫົວ, ໜັກຫົວ, ເຈັບຫົວ, ປຸ້ນທ້ອງ, ປວດຮາກ, ສ່ວນອາການທີ່ມີຫຼາຍຂຶ້ນ ແມ່ນມີອາການຕັນດັງ, ແສບຄໍ, ແສບປາກ, ມີກະເທີ່ຫຼາຍຂຶ້ນ, ຫາຍໃຈຫອບ ເຊິ່ງຈໍາເປັນຕ້ອງໄດ້ປຶກສາທ່ານແພດ.
ຖ້າຈະລ້າງມືໃຫ້ໃຊ້ເຈວພຽງຢ່າງດຽວກໍພໍແລ້ວ ຫຼັງຈາກທີ່ໃຊ້ຄວນລໍຖ້າໃຫ້ແຫ້ງ ແລະວາງໄວ້ບ່ອນທີ່ສູງ ປ້ອງກັນບໍ່ໃຫ້ເດັກນ້ອຍຫຼິ້ນ ຖ້າໃຊ້ໃນລົດ ຫຼື ລິຟ ຕ້ອງລໍຖ້າໃຫ້ມັນ ລະເຫີຍກ່ອນ.
ລ້າງມືດ້ວຍນ້ຳແມ່ນດີທີ່ສຸດ.
ລ້າງມືດ້ວຍສະບູຢ່າງໜ້ອຍ 20 ວິນາທີ, ລ້າງໃຫ້ສະອາດ ພຽງພໍທີ່ຈະທໍາລາຍເຊື້ອພະຍາດຢູ່ໃນມືຂອງພວກເຮົາ ໂດຍສະເພາະ ໂຄວິດ-19 ເພາະມັນແມ່ນມາດຕະຖານທີ່ຖືກແນະນໍາເປັນອັນດັບໜຶ່ງ.
ແຕ່ຖ້າທ່ານບໍ່ສາມາດລ້າງດ້ວຍສະບູ ຫຼື ລ້າງມືໄດ້ ຈຳເປັນຕ້ອງໃຊ້ສະເປແອວກໍຮໍ ຫຼື ເຈວລ້າງມື, ໂດຍພື້ນຖານແລ້ວ, ທ່ານໝໍ ແນະນຳວ່າເຈວລ້າງມື້ຜະສົມແອວກໍຮໍ ແມ່ນເໝາະສົມກວ່າ, ເພາະວ່າມັນຖືກສ້າງຂຶ້ນເພື່ອເຮັດໃຫ້ຖູ ຫຼື ເຮັດຄວາມສະອາດມື. ນອກຈາກນີ້ ເຈວຍັງມີສານລະລາຍ,ມີສານປ້ອງກັນຜິວໜັງ ຫຼື ມືຂອງເຮົາຈາກອາການແພ້ຕ່າງໆ ເຊິ່ງຂໍ້ດີຂອງເຈວແມ່ນບໍ່ມີລະອອງຟຸ້ງກະຈາຍ.
ສ່ວນ ສະເປ ແອວກໍຮໍ ຄວນຈະນຳໃຊ້ເພື່ອເຮັດຄວາມສະອາດພື້ນທີ່, ອຸປະກອນ, ວັດສະດຸ, ແຕ່ກໍມີຫຼາຍຄົນ ນຳໃຊ້ໃຂການສີດຮ່າງກາຍ ເພາະນັ້ນຖືວ່າເປັນອັນຕະລາຍຫຼາຍກວ່າ.
ທີ່ມາ: https://bit.ly/37DBbqx
