ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ວັນທີ 20 ຕຸລາ 2021, ກອງປະຊຸມສຳມະນາທາງໄກວ່າດ້ວຍ “ການແລກປ່ຽນທາງດ້ານທຸລະກິດລະຫວ່າງ ແມ່ນໍ້າຂອງ-ຍີ່ປຸ່ນ ໃນຍຸກດິຈິຕອນ” ໄດ້ຖືກຈັດຂຶ້ນທີ່ສູນຝຶກອົບຮົມ ແລະ ຮ່ວມມືສາກົນ (ICTC), ນະຄອນຫຼວງວຽງຈັນ. ກອງປະຊຸມດັ່ງກ່າວໄດ້ຖືກຈັດຂຶ້ນໂດຍພາຍໃຕ້ການຮ່ວມມືກັນລະຫວ່າງສະຖາບັນການຕ່າງປະເທດຂອງກະຊວງການຕ່າງປະເທດລາວ ແລະ ສະຖານທູດຍີ່ປຸ່ນປະຈໍາ ສປປ ລາວ ເພື່ອສະເຫຼີມສະຫຼອງປີແຫ່ງການຮ່ວມມື ຍີ່ປຸ່ນ-ແມ່ນໍ້າຂອງ 2021 ແລະ ຊຸກຍູ້ສົ່ງເສີມສາຍພົວພັນທາງດ້ານເສດຖະກິດລະຫວ່າງ ຍີ່ປຸ່ນ-ລາວ ແລະ ພາກພື້ນແມ່ນໍ້າຂອງ

“ປີແຫ່ງການຮ່ວມມື ຍີ່ປຸ່ນ-ແມ່ນໍ້າຂອງ ຈະເປັນປີແຫ່ງການຊຸກຍູ້ມິດຕະພາບອັນດີງາມ ແລະ ເກົ່າແກ່ຂອງສອງຊາດ ລາວ-ຍີ່ປຸ່ນ ແລະ ເພີ່ມທະວີການຮ່ວມມືຂອງສອງປະເທດໃຫ້ເລິກເຊິ່ງຍິ່ງໆຂຶ້ນກ່ວາເກົ່າ” ກ່າວໂດຍ ທ່ານ ທອງຜ່ານ ສະຫວັນເພັດ ຮອງລັດຖະມົນຕີກະຊວງການຕ່າງປະເທດລາວ

ທ່ານ ທອງຜ່ານ ສະຫວັນເພັດ ຮອງລັດຖະມົນຕີກະຊວງການຕ່າງປະເທດລາວ

ທ່ານ ເຄໂຊ ທາເກວະກະ ໄດ້ມີຄໍາເຫັນວ່າ ການສ້າງທຸລະກິດໃຫ້ຫຼາຍຂຶ້ນໂດຍຜ່ານການເສີມສ້າງສັກກະຍະພາບແມ່ນເປັນສິ່ງທີ່ສໍາຄັນເປັນຢ່າງຍິ່ງຕໍ່ການເຊື່ອມໂຍງໄປສູ່ ການພັດທະນາເສດຖະກິດຂອງລາວ ແລະ ທັງຍັງແມ່ນການປັບປຸງສະພາບແວດລ້ອມການລົງທຶນນໍາອີກ. ທ່ານທູດຍັງໄດ້ກ່າວຕື່ມອີກວ່າ

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

“ການຄ້າແບບດິຈິຕອນໃນທ່າມກາງການແຜ່ລະບາດຂອງເຊື້ອພະຍາດບໍ່ແມ່ນແຕ່ເປັນສິ່ງທ້າທາຍເທົ່ານັ້ນ, ແຕ່ຍັງໝາຍເຖິງໂອກາດອັນດີງາມອັນໜຶ່ງໃຫ້ແກ່ປະເທດລາວນໍາອີກ” ທ່ານ ເຄໂຊ ທາເກວະກະ ເອກອັກຄະລະສະທູດ ຍີ່ປຸ່ນ ປະຈຳ ສປປ ລາວ

ນອກຈາກນີ້, ທ່ານ ຄາວາບາຕະ ທາກາຊິ, ນັກເສດຖະສາດຍີ່ປຸ່ນປະຈໍາທີ່ປະເທດສິງກະໂປຍັງໄດ້ປາທະຄາຖາແບບທາງໄກ ແລະ ນໍາສະເໜີກ່ຽວກັບການລິເລີ່ມຢ່າງນໍາໜ້າ ແລະ ການຈັດຕັ້ງປະຕິບັດທີ່ດີ ຈາກປະເທດຍີ່ປຸ່ນ ແລະ ບັນດາປະເທດທົ່ວໂລກໃນຂົງເຂດການຄ້າແບບດິຈິຕ່ອນ.  ທ່ານ ຄາວາບາຕະ ຍັງໄດ້ກ່າວເຖິງໂອກາດຊ່ອງທາງດ້ານທຸລະກິດຫຼັງໂຄວິດ-19 ໃຫ້ແກ່ນັກປະກອບການລາວ ແລະ ນໍາສະເໜີກ່ຽວກັບໂອກາດ, ຄວາມສ່ຽງ ແລະ ການດໍາເນີນທຸລະກິດທີ່ມີປະສິດທິພາບໃນຍຸກດິຈິຕອນນໍາອີກ.

ໃນຕົ້ນເດືອນເມສາທີ່ຜ່ານມາ, ພະນະທ່ານ ພັນຄໍາ ວິພາວັນ, ນາຍົກລັດຖະມົນຕີແຫ່ງ ສປປ ລາວ ໄດ້ປຶກສາຫາລືແບບທາງໄກກັບ ພະນະທ່ານ ຊູງະ ໂຢຊິຮິເດະ, ນາຍົກລັດຖະມົນຕີແຫ່ງປະເທດຍີ່ປຸ່ນ ແລະ ໄດ້ມີການຢືນຢັນຮັບຮອງເອົາແຜນງານອັນໃໝ່ກໍ່ຄື “ແຜນປະຕິບັດງານເພື່ອຄວາມກ້າວໜ້າຂອງການເປັນຄູ່ຮ່ວມຍຸດທະສາດລະຫວ່າງ ສປປ ລາວ ແລະ ຍີ່ປຸ່ນ” ທັງສອງປະເທດໄດ້ຢືນຢັນເຖິງຄວາມຕັ້ງໃຈຂອງການຮ່ວມມືໃຫ້ເລິກເຊິ່ງຍິ່ງຂຶ້ນໃນການພັດທະນາເສດຖະກິດແບບດິຈິຕ່ອນ ແລະ ການເສີມສ້າງສັກກະຍະພາບຂອງຜູ້ປະກອບການ ແລະ ຜູ້ຈັດການດ້ານທຸລະກິດຂອງລາວທີ່ນອນຢູ່ໃນແຜນງານດັ່ງກ່າວ.

LEAVE A REPLY

Please enter your comment!
Please enter your name here