ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

“ເຖົ້າ” ເຊື່ອວ່າຫຼາຍຄົນຮູ້ດີອາຍຸຂອງຕົນເອງບໍ່ໄດ້ໜ້ອຍໆ ບໍ່ໄດ້ໜຸ່ມສາວແລ້ວ ຫາກມີຄົນເບິ່ງວ່າເຮົາເຖົ້າ ທັງທີ່ອາຍຸແທ້ໆຂອງເຮົາຍັງຢູ່ໄວໜຸ່ມ ດັ່ງນັ້ນ, ເຮົາເລີຍຮູ້ສຶກບໍ່ມັກໃຫ້ໃຜມາຕອກຢໍ້າແບບນີ້

ເຖິງວ່າ ອາຍຸຂອງເຮົາຈະຫຼາຍແທ້ໆ ຫຼື ຢູ່ໃນຊ່ວງອາຍຸກາງຄົນ ໄວໜຸ່ມສາວ ກໍ່ຄົງຈະບໍ່ມີໃຜຢາກເບີ່ງຄຶວ່າຕົນເອງໜ້າເຖົ້າກວ່າອາຍຸ ແລະ ຖ້າເປັນໄປໄດ້ ຍິ່ງຢາກໃຫ້ໜ້າອ່ອນກວ່າໄວ ເວົ້າງ່າຍໆກໍ່ຄື ຈະຄວບຄຸມໃຫ້ຮ່າງກາຍຂອງຕົນເອງບໍ່ໄດ້ຮັບຜົນກະທົບຈາກອາຍຸ ທີ່ເພີ່ມຂຶ້ນທຸກໆມື້

ມື້ນີ້, ອິນໄຊລາວ ໄດ້ນຳເອົາພຶດຕິກຳດີໆ ທີ່ໃຊ້ໃນຊີວິດປະຈຳວັນ ທີ່ຊ່ວຍຊະລໍຄວາມເຖົ້າໄດ້ ລອງມາເບີ່ງ ແລະ ນຳໄປປັບໃຊ້ນຳກັນ

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ການນັ່ງສະມາທິ

ການນັ່ງສະມາທິໄດ້ພິສູດແລ້ວວ່າສາມາດເຮັດໃຫ້ສະໝອງຂອງຄົນເຮົາປ່ຽນໄປໃນທິດທາງທີ່ດີຂຶ້ນໄດ້ແທ້ ໂດຍ Sara Lazar ນັກປະສາດວິທະຍາແຫ່ງ Harvard Medical School ແລະ Massachusetts General Hospital ໄດ້ສຶກສາກ່ຽວກັບ ການນັ່ງສະມາທິ ໂດຍການສະແກນສະໝອງຂອງຜູ້ທີ່ນັ່ງສະມາທິ ພົບວ່າຄົນທີ່ນັ່ງສະມາທິເປັນເວລາດົນ ຈະມີສານສີເທົາໃນເຍື້ອຫຸ້ມສະໝອງສ່ວນທີ່ຄວບຄຸມການໄດ້ຍິນ ແລະ ປະສາດສຳຜັດເພີ່ມຂຶ້ນ Lazar ລະບຸໄວ້ວ່າທີ່ມັນເພີ່ມຂຶ້ນນັ້ນ ມາຈາກການເອົາໃຈໃສ່ ແລະ ມີສະຕິຢູ່ກັບການຫາຍໃຈ

ເພີ່ມກິດຈະກຳການຫຼີ້ນ

ຢ່າເອົາແຕ່ຈິງຈັງຢ່າງດຽວ ຫາເວລາວ່າງ ເພີ່ມກິດຈະກຳຕ່າງໆ ຫຼື ລອງຫຼີ້ນເກມຝຶກສະໝອງເປັນຕົວເລືອກທີ່ດີທີ່ສຸດ ມີການສຶກສາພົບວ່າ ການຝຶກສະໝອງຢ່າງເປັນປະຈຳ ຊ່ວຍເພີ່ມປະສິດທິພາບໃນການເຮັດວຽກຂອງສະໝອງໄດ້ ໃນການທົດລອງທາງຄຣີນິກໃນກຸ່ມຜູ້ສູງອາຍຸ ແຕ່ 56-71 ປີ ແບ່ງອອກເປັນ 2 ກຸ່ມ ກຸ່ມໜຶ່ງໃຫ້ມາຮັບການຝຶກສະໝອງ ແລະ ການອົບຮົມດ້ານການຄວາມເຂົ້າໃຈ ເປັນເວລາ 12 ອາທິດ ສ່ວນອີກກຸ່ມໜຶ່ງທີ່ເຮັດໜ້າທີ່ເປັນກຸ່ມຄວບຄຸມຈາກນັ້ນວັດການເຮັດວຽກຂອງສະໝອງ

ໂດຍນັກວິໄຈພົບວ່າ ຜູ້ທີ່ຢູ່ໃນກຸ່ມຝຶກສະໝອງ ແລະ ການອົບຮົມຄວາມຮູ້ຄວາມເຂົ້າໃຈມັນ ມີສັກກະຍະພາບໃນການຕອບສະໜອງຂອງສະໝອງຊີກໜ້າເພີ່ມຂຶ້ນຢ່າງ ເມື່ອທຽບກັບກຸ່ມທີ່ມີໜ້າທີ່ເປັນຜູ້ຄວບຄຸມ ຊຶ່ງໝາຍຄວາມວ່າສະໝອງຂອງພວກເຮົາບໍ່ຈຳເປັນຕ້ອງເຮັດວຽກຢ່າງໜັກ

ເຮັດໃຫ້ໂຕເອງບໍ່ວ່າງຢູ່ຕະຫຼອດ

ເວົ້າງ່າຍກໍ່ຄື ພະຍາຍາມຫາແນວເຮັດ ດີກວ່ານັ່ງຢູ່ລ້າໆເຊັ່ນ ການໃຊ້ກັບເວລາກັບໝູ່ ແລະ ຄອບຄົວຈະເຮັດໃຫ້ເຈົ້າບໍ່ຕ້ອງຮູ້ສຶກວ່າຕົວເອງແຕກແຍກອອກຈາກຄອບຄົວເມື່ອອາຍຸຫຼາຍຂຶ້ນ ຫຼື ຈະລອງໄປເປັນອາສາສະໝັກ ກໍ່ເປັນວິທີທີ່ດີໃນການແກ້ເຫງົາ ໃນຂະນະດຽວກັນກໍ່ໄດ້ຊ່ວຍເຫຼືອຄົນອື່ນອີກດ້ວຍ ຫຼື ຖ້າຄົນມີຄວາມຮັກກິດຈະກຳສານຄວາມສຳພັນແໜ້ນໜາ ກໍ່ຊ່ວຍໄດ້ ການມີເພດສຳພັນດ້ວຍຄວາມຮັກອາທິດລະສອງຄັ້ງ ຈະຊ່ວຍເພີ່ມຮໍໂມນເທສໂທສເຕີໂລນໃນຜູ້ຊາຍ ແລະ ສາມາດຫຼຸດອາຍຸຈິງຂອງເຈົ້າໄດ້ເກືອບ 3 ປີ

ເພີ່ມຄວາມຢືດຢຸ່ນຂອງຮ່າງກາຍ

ຄວາມຍືດຢຸ່ນຂອງຮ່າງກາຍຄົນເຮົາຈະຫຼຸດລົງເລື້ອຍໆ ເມື່ອເຮົາອາຍຸຫຼາຍຂຶ້ນ ແລ້ວນໍາໄປສູ່ການແຕກຫັກງ່າຍ ເຖິງຢ່າງໃດກໍ່ຕາມ National Academy of Sports Medicine ໄດ້ກ່າວວ່າການວາງແຜນເພີ່ມຄວາມຢືດຢຸ່ນໃຫ້ກັບຮ່າງກາຍ ສາມາດຊ່ວຍໃຫ້ເຈົ້າມີຄວາມຄ່ຶງຕົວເພີ່ມຂຶ້ນເຖິງອາຍຸຈະຫຼາຍແລ້ວກໍ່ຕາມ ແລ້ວເຈົ້າຮູ້ບໍ່ວ່າການທີ່ເຮົາໄປອອກແດດ ຮັບວິຕາມິນດີຍາມເຊົ້າພຽງບໍ່ເທົ່າໃດນາທີໃນທຸກໆມື້ ກໍ່ສາມາດສ້າງຄວາມແຕກຕ່າງໄດ້ແລ້ວ

ຢ່າລະເລີຍການເຂົ້າສັງຄົມ

ເພາະຄວາມເຫງົາສາມາດສົ່ງຜົນເສຍຕໍ່ສຸຂະພາບຈິດຂອງເຈົ້າໄດ້ ທີ່ສຳຄັນຄື ມັນມີຜົນກະທົບລົງໄປເຖິງລະດັບຢີນໃນຮ່າງກາຍເລີຍ ແລະ ອາດເຖິງກັບເຮັດໃຫ້ອາຍຸສັ້ນລົງອີກດ້ວຍ ມີການວິໄຈທີ່ຊີ້ໃຫ້ເຫັນໂທດຂອງການຢູ່ຄົນດຽວ ວ່າອາດສົ່ງຜົນເສຍຕໍ່ເທໂລເມຍ ເຊີ່ງເປັນສ່ວນໜຶ່ງຂອງ DNA ຢູ່ທີ່ສ່ວນທ້າຍຂອງໂຄໂມໂຊມ ໂດຍມັນຈະສັ່ນລົງທຸກຄັ້ງທີ່ມີການແບ່ງໂຕ ໂດຍທີ່ສາມາດບົ່ງບອກໄດ້ວ່າເຮົາຈະມີຊີວິດໄດ້ດົນນານອີກເທົ່າໃດ ໂດຍເທໂລເມຍຍາວຂຶ້ນຈະສຳພັນກັບການເຖົ້າທີ່ຊ້າລົງ ໂລກໄພໄຂ້ເຈັບທີ່ກ່ຽວຂ້ອງກັບອາຍຸນ້ອຍລົງ ເຮັດໃຫ້ຜົນລັບໂດຍທົ່ວໄປຄືຈະມີອາຍຸໄຂຍືນຍາວຂຶ້ນ

ມີການສຶກສານົກແກ້ວສີເທົາອາຟິກກາຖືກກັງຂັງໃຫ້ຢູ່ໂຕດຽວ ພົບວ່າມີເທໂລເມຍທີ່ສັ້ນກວ່ານົກແກ້ວທີ່ອາໄສຢູ່ກັບຝູງ ນອກຈາກນີ້ຍັງມີການສຶກສາທີ່ຜ່ານມາເປັນຫຼັກຖານສະໜັບສະໜູນເພີ່ມຂຶ້ນເລື້ອຍໆ ວ່າການແຍກຕົວອອກຈາກສັງຄົມ ແລະ ປັດໄຈກົດດັນອື່ນໆ ອາດເປັນອັນຕະລາຍຕໍ່ເທໂລເມຍຂອງຄົນເຮົາ ໂດຍມີຜົນໃຫ້ເທໂລເມຍສັ້ນລົງ ນອກຈາກນີ້ຄວາມເຫງົາຍັງເພີ່ມຄວາມສ່ຽງຕໍ່ພາວະໂລກຊຶມເສົ້າ ຄວາມຜິດປົກກະຕິທາງສະຕິປັນຍາ ໂລກຫົວໃຈ ແລະ ພາວະຮ້າຍແຮງອື່ນໆ ທີ່ຄ້າຍກັບໂທດຂອງໂລກອ້ວນ ແລະ ການສູບຢາ, ສະນັ້ນ ຢ່າລະເລີຍການເຂົ້້າສັງຄົມ ໝັ່ນພົບປະຜູ້ຄົນໝູ່ເພື່ອນ

ອອກກຳລັງກາຍ

ການອອກກຳລັງກາຍບໍ່ພຽງແຕ່ໃຫ້ຜົນປະໂຫຍດທາງຮ່າງກາຍ ແລະ ຈິດໃຈຂອງເຈົ້າເທົ່ານັ້ນ ແຕ່ຍັງຊ່ວຍໃຫ້ກ້າມເນື້ອແຂງແຮງຂຶ້ນອີກດ້ວຍ ເພາະການອອກກຳລັງກາຍຊ່ວຍຊະລໍການເສື່ອມຖອຍຂອງສຸຂະພາບເຊວຕ່າງໆ ໃນຮ່າງກາຍ ທີ່ອາດຈະຄ່ອຍໆສູນເສຍປະສິດທິພາບລົງໄປພ້ອມກັບອາຍຸທີ່ຫຼາຍຂຶ້ນແລະ ຄວາມເຖົ້າ

ກິນອາຫານທີ່ດີ ມີປະໂຫຍດ

ອາຫານທີ່ບໍ່ຜ່ານການຂັດສີຈະໃຫ້ປະໂຫຍດຕໍ່ຮ່າງກາຍໄດ້ຫຼາຍກວ່າ ໂດຍຊ່ວຍໃຫ້ເຈົ້າໄດ້ຮັບສານອາຫານທີ່ຈຳເປັນໃນຮູບທີ່ຍັງຄົງຄຸນຄ່າທາງອາຫານໄດ້ດີທີ່ສຸດ ຫຼີກລ້ຽງນໍ້າຕານ ເພາະການບໍລິໂພກນໍ້າຕານສາມາດເຊື່ອມໂຍງກັບໂລກໄພຕ່າງໆເຊັ່ນ ໂລກເບົາຫວານ ແລະ ໂລກເອົາໄຊເມີ້ ໄດ້

ນອນຫຼັບໃຫ້ພຽງພໍ

ເປັນເລື່ອງປົກກະຕິທີ່ຮູບແບບການນອນຂອງພວກເຮົາຈະປ່ຽນໄປເມື່ອເຮົາອາຍຸຫຼາຍຂຶ້ນ ແລະ ນີ້ອາດເປັນໜຶ່ງປັດໄຈທີ່ເຮັດໃຫ້ຄົນທີ່ມີອາຍຸຫຼາຍຂຶ້ນພັກຜ່ອນບໍ່ພຽງພໍເທົ່າທີ່ຄວນສະເລ່ຍ 6 ຊົ່ວໂມງ ຫຼື ໜ້ອຍກວ່າ, ສະນັ້ນ ຄວນມີວິທີການຊ່ວຍໃນການນອນຫຼັບ ເຊັ່ນ: ຫຼຸດຜ່ອນການບໍລິໂພກຄາເຟອີນ ຈັດວາງເຄື່ອງນອນ ຫຼື ອຸປະກອນຕ່າງໆ ທີ່ຈະຊ່ວຍໃຫ້ເຮົາພັກຜ່ອນໄດ້ຕາມຕ້ອງການ

ຜ່ອນຄາຍຄວາມຄຽດ

ຄວາມຄຽດເປັນສາເຫດໃນການເກີດໂລກໄພໄຂ້ເຈັບຕ່າງໆ ໂດຍຄວາມຄຽດຊໍາເຮື້ອ ອາດນໍາໄປສູ່ພາວະຊຶມເສົ້າ ໂລກຫົວໃຈ ແລະ ພາວະຮ້າຍແຮງອື່ນໆ ໂລກໄພໄຂ້ເຈັບເຫຼົ່ານີ້ອາດເຮັດໃຫ້ຊ່ວງເວລາໃນຊີວິດຫາຍໄປຫຼາຍປີເລີຍ ຢ່າປ່ອຍໃຫ້ຄວາມຄຽດທຳຮ້າຍຮ່າງກາຍ ແລະ ຈິດໃຈ

ລອງໃຊ້ເທັກນິກການຜ່ອນຄາຍຄວາມຄຽດແບບຕ່າງໆ ທີ່ເໝາະສົມກັບໂຕເອງ ເຊັ່ນ: ຫຼີ້ນໂຍຄະ ຫຼື ການນັ່ງສະມາທິ ເຊິ່ງ 2 ວິທີນີ້ຮັບການພິສູດທາງວິທະຍາສາດແລ້ວວ່າລົດລະດັບຄວາມຄຽດໄດ້

ພິຈາລະນາອາຫານເສີມ

ເຖິງວ່າຈະກິນດີຢູ່ດີ ແລະ ໝັ້ນໃຈໃນສຸຂະພາບຮ່າງກາຍ ແຕ່ເຈົ້າກໍ່ອາດຂາດສານອາຫານບາງຢ່າງ ຫຼືບໍ່ໄດ້ຮັບພຽງພໍຈາກການກິນອາຫານແບບປົກກະຕິ ໂດຍສະເພາະເມື່ອເຈົ້າອາຍຸຫຼາຍຂຶ້ນ ເຈົ້າບໍ່ຈຳເປັນໃນການໄດ້ຮັບສານອາຫານບາງປະເພດຫຼາຍກວ່າທີ່ເຄີຍໄດ້ຮັບມາໃນຊ່ວງໄວໜຸ່ມ ເພື່ອໃຫ້ເປັນຜູ້ສູງໄວທີ່ສຸຂະພາບດີ ໂດຍມີອາຫານເສີມຈໍານວນໜຶ່ງທີ່ມີປະສິດທິພາບໃນການປ້ອງກັນການເກີດໂລກໄດ້ເຊັ່ນ, ນໍ້າມັນປາ ທີ່ມີສ່ວນໃນການປ້ອງກັນໂລກຫົວໃຈ ແລະ ໂລກຫຼອດເລືອດສະໝອງ

ກິນແອກໍຣໍໃຫ້ເປັນຢາ

ການກິນແອວກໍຮໍໃນປະລິມານທີ່ເໝາະສົມ ຊ່ວຍເພີ່ມລະດັບຄໍເລດເຕີລໍ HDL ເຊິ່ງເປັນໄຂມັນຊະນິດດີຕໍ່ຮ່າງກາຍ ໂດຍສະເພາະວາຍແດງທີ່ອາດມີລິດບໍາລຸງຫົວໃຈ ທຽບເທົ່າເຄື່ອງດື່ມບໍ່ມີແອວກໍຮໍ ປະເພດຊາຂຽວ ແລະ ກາເຟ ສ່ວນໃນກາເຟ ມີສານຕ້ານອະນຸມູນອິດສະລະ ເຊິ່ງຊ່ວຍໃນການຕໍ່ຕ້ານອາການເຈັບປ່ວຍຕ່າງໆທີ່ກ່ຽວຂ້ອງກັບອາຍຸ

ເຮັດໃຫ້ສະໝອງເຮັດວຽກຢູ່ຕະຫຼອດ

ເມື່ອອາຍຸຫຼາຍຂຶ້ນ ການເຮັດວຽກຂອງລະບົບຕ່າງໆໃນຮ່າງກາຍກໍ່ເສື່ອມຖອຍລົງໄປຕາມອາຍຸ ສະໝອງກໍ່ເຊັ່ນກັນ ມັນຈະຄ່ອຍໆເສື່ອມລົງ, ແຕ່ຮູ້ບໍ່ວ່າສະໝອງນັ້ນສາມາດຮັກສາໂຕມັນເອງໄດ້ ຫາກພະຍາຍາມບໍລິຫານສະໝອງ ໃຫ້ສະໝອງໃຊ້ງານຢ່າງສະໝໍ່າສະເໝີ ແລະ ຈະຊ່ວຍເສີມສ້າງການເຮັດວຽກຂອງລະບົບປະສາດ ຫຼື ສາມາດຫຼຸດຄວາມສ່ຽງທີ່ຈະເຮັດໃຫ້ຄວາມຈຳເຊື່ອມ

ເບິ່ງແຍງຜິວພັນຂອງໂຕເອງ

Beautiful woman asia is washing her face on pink background.

ຜິວພັນຂອງເຈົ້າບອກໄດ້ວ່າອາຍຸເຈົ້າເທົ່າໃດ ເຊິ່ງຖ້າບໍ່ເຄຍເບິ່ງແຍງຜິວພັນເລີຍທັງຜິວໜ້າ ແລະຜິວກາຍ ຜົນຂອງມັນກໍ່ຄືເຖ່ົ້າລົງ, ດັ່ງນັ້ນເຮົາຄວນເບິ່ງແຍງແບບພື້ນຖານເຊັ່ນ ໃຊ້ຄີມກັນແດດເພື່ອປ້ອງກັນຮອງຮອຍ, ໃຊ້ຄີມ ຫຼື ໂລຊັ້ນ ແລະ ດື່ມນໍ້າໃຫ້ຫຼາຍໆ

ຂໍຂອບໃຈຂໍ້ມູນຈາກ: Eat This, Not That!

LEAVE A REPLY

Please enter your comment!
Please enter your name here