ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

TikTok ແອັບພິເຄຊັນວີດີໂອສັ້ນສຸດຮິດ ເປັນແອັບທີ່ສາມາດຂຶ້ນເປັນອັນດັບໜຶ່ງຂອງການດາວໂຫລດຫຼາຍທີ່ສຸດໃນໂລກ, ເຊິ່ງກວ່າຈະມາເປັນແອັບພິເຄຊັນທີ່ຄົນນິຍົມໃຊ້ກັນຈົນເຖິງທຸກມື້ນີ້ ກໍ່ຕ້ອງຜ່ານຫຼາຍປັດໄຈຈຶ່ງມາເຖິງຈຸດນີ້

ໃນປີ 2016 TikTok  ຖືກພັດທະນາຂຶ້ນມາໃນປະເທດຈີນ ແລະກໍ່ເປີດໂຕແອັບພິເຄຊັນໃນປີດຽວກັນ, ປີ 2017 ແອັບ TikTok ກໍ່ໄດ້ເປີດໂຕໃນຕະຫຼາດຂອງຕ່າງປະເທດ ແລະເຖິງປີ 2020 ທີ່ຜ່ານມານີ້ TikTok ກໍ່ຂຶ້ນເປັນແອັບທີ່ມີຍອດດາວໂຫລດສູງເຖິງ 850 ລ້ານຄັ້ງທົ່ວໂລກ ເຊິ່ງສ່ວນໜຶ່ງກໍ່ເປັນຜົນມາຈາກວິກິດໂຄວິດ-19

ໃນປີ 2020 ກໍ່ເກີດປາກົດການ “ດາວຕິກຕ໋ອກ” ເຊິ່ງເປັນຜົນມາຈາກແອັບພິເຄຊັນ TikTok ກຳລັງເປັນທີ່ນິຍົມ ເປັນແອັບເບິ່ງວີດີໂອທີ່ມີຄົນເບິ່ງຫຼາຍທີ່ສຸດໃນໂລກ ຍ້ອນມີທັງຄວາມມ່ວນ, ຄວາມສ້າງສັນຂອງຄອນເທັ້ນ ຊຶ່ງໃຊ້ງານງ່າຍ, ເສບຕິດໄດ້ໄວ ແລະມີຄວາມບັນເທີງຈົນອາດຈະເຮັດໃຫ້ຕິດເລີຍກໍ່ໄດ້

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ສຳລັບປັດໄຈທີ່ TikTok ເປັນທີ່ນິຍົມຍ້ອນມີ ລະບົບແລະການມີສ່ວນຮ່ວມຂອງຜູ້ໃຊ້ງານ ລະບົບໜ້າຫຼັກຈະສະແດງວີດີໂອ ທີ່ຜູ້ໃຊ້ງານໃຫ້ຄວາມສົນໃຈ ບໍ່ວ່າຈະເປັນໄລຍະເວລາການເບິ່ງ, ຄອນເທັ້ນຕ່າງໆ ຫຼືຜູ້ຄົນທີ່ເຮົາຕິດຕາມ, ໃນຂະນະທີ່ໜ້າຫຼັກຂອງບາງຄົນອາດຈະມີແຕ່ວີດີໂອເຕັ້ນ,ບາງຄົນເປັນວີດີໂອເຮັດອາຫານ ຫຼືວ່າບາງຄົນອາດຈະເປັນ How To ຕ່າງໆ ເຊິ່ງຈະເຮັດໃຫ້ຜູ້ໃຊ້ງານສົນໃຈໃນຄອນເທັ້ນເຫຼົ່ານັ້ນຫຼາຍຂຶ້ນ

ອີກໜຶ່ງປັດໄຈທີ່ເຮັດໃຫ້ຄວາມນິຍົມເພີ່ມທະວີຄູນຫຼາຍຂຶ້ນຄື Trend ທີ່ແຜ່ຫຼາຍເຊັ່ນ: Challenge ການເຕັ້ນ, ເພງຍອດນິຍົມ, ເອັບເຟັກຍອດຮິດ ສິ່ງເຫຼົ່ານີ້ເຮັດໃຫ້ວີດີໂອຂອງຜູ້ໃຊ້ງານໄດ້ຮັບງານຕອບຮັບຫຼາຍຂຶ້ນ, ນອກຈາກນີ້ ຍັງມີສຽງເພງ ແລະ ສຽງພາກຂອງຜູ້ໃຊ້ງານ ກໍ່ສາມາດເລືອກໃຊ້ເພື່ອນຳໄປສ້າງຄອນເທັ້ນໃນຮູບແບບຂອງຕົນເອງໄດ້ອີກດ້ວຍ ເຊິ່ງເຮັດໃຫ້ TikTok ກ້າວໜ້າຂຶ້ນຢ່າງໄວວາ

LEAVE A REPLY

Please enter your comment!
Please enter your name here