ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ຟູດແພນດ້າ ຜູ້ໃຫ້ບໍລິການສັ່ງຊື້ ແລະ ຈັດສົ່ງອາຫານອອນລາຍ ຜ່ານແອັບພິເຄຊັ້ນ ເຈົ້າທຳອິດໃນ ສປປ ລາວ ໄດ້ປະກາດເຖີງວາລະແຫ່ງຄວາມສຳເລັດທາງທຸລະກິດ ໃນຖານະຜູ້ໃຫ້ບໍລິການສົ່ງອາຫານເຈົ້າທຳອິດ ທີ່ເປີດໃຫ້ບໍລິການຄົບ 18 ແຂວງທົ່ວປະເທດໃນວັນທີ 1 ຕຸລາ 2021 ນີ້  ແລະ ຖືວ່າເປັນການເຕີບໂຕຢ່າງກ້າວກະໂດດໃນເວລາພຽງບໍ່ຮອດ 2 ປີ 

ຟູດແພນດ້າ ໄດ້ເປີດໂຕໃນປະເທດລາວໃນທ້າຍ ປີ 2019, ຖືກຂັບເຄື່ອນດ້ວຍກົນລະຍຸດ ແລະ ຍຸດທະສາດທີ່ແຂງແກ່ນ, ຟູດແພນດ້າ ໄດ້ສ້າງໂອກາດໃນການສ້າງລາຍໄດ້ໃຫ້ກັບ ພະນັກງານສົ່ງອາຫານ ໄຣເດີ້, ຍັງໄດ້ຊ່ວຍບັນດາຮ້ານອາຫານ , ຮ້ານຄ້າເຕີບໂຕໃນທຸລະກິດອອນລາຍ ແລະ ຍັງມອບປະສົບການທີ່ດີ ຄວາມສະດວກສະບາຍໃຫ້ກັບລູກຄ້າທົ່ວປະເທດນຳອີກ. ນອກຈາກນັ້ນ ຍັງໄດ້ສ້າງເສດຖະກິດຂັ້ນທ້ອງຖິ່ນໃຫ້ກ້າວສູ່ຍຸກດີຈີຕອລ  ເຊິ່ງລູກຄ້າໄດ້ຮັບຄວາມສະດວກສະບາຍ ແລະ ບໍລິການສົ່ງທີ່ວ່ອງໄວ. ຮ້ານອາຫານທ້ອງຖິ່ນ, ຮ້ານສະດວກຊື້ຕ່າງໆ ລວມທັງພະນັກງານສົ່ງອາຫານ ໄຣເດີ້ ທົ່ວປະເທດ ລ້ວນແລ້ວແຕ່ໄດ້ຮັບຜົນປະໂຫຍດທາງດ້ານການສ້າງລາຍໄດ້ຈາກແອັບ ຫຼື ລະບົບຂອງ ຟູດແພນດ້າ. 

ຈຳນວນຮ້ານອາຫານ ແລະ ຮ້ານຄ້າມີການເພີ່ມຂຶ້ນຢ່າງຕໍ່ເນື່ອງ, foodpanda ເຮັດໃຫ້ຮ້ານອາຫານທ້ອງຖິ່ນ ທຸລະກິດອາຫານ ເຂົ້າເຖີງໂລກຂອງທຸລະກິດອອນລາຍ ແລະ ເຕີບໂຕໄປຕາມຍຸກຂອງວິຖີໃໝ່ (New Normal). ຍອດຂາຍຫຼາຍຮ້ານມີການເພີ່ນຂຶ້ນ ຫຼາຍສິບ ເທົ່າໂຕທຽບກັບເມື່ອກ່ອນ ແລະ ແນ່ນອນ ພະນັກງານສົ່ງອາຫານໄຣເດີ້ເຊັ່ນດຽວກັນ

ບ່ອນສະແດງໂຄສະນາ
ທ່ານ ນາງ ທັນຍາລັດ ຈະເລີນສຸກ, ຜູ້ອຳນວຍການ ແລະ ຜູ້ກໍ່ຕັ້ງ ຟູດແພນດ້າ ລາວ

ທ່ານ ນາງ ທັນຍາລັດ ຈະເລີນສຸກ, ຜູ້ອຳນວຍການ ແລະ ຜູ້ກໍ່ຕັ້ງ ຟູດແພນດ້າ ລາວ ໄດ້ກ່າວວ່າ: ໃນຖານະເປັນຜູ້ລິເລີ່ມ ໃນທຸລະກິດສົ່ງອາຫານໃນປະເທດລາວ, ພວກເຮົາໄດ້ເຫັນການປ່ຽນແປງ ແລະ ການເຕີບໂຕຂອງອຸດສະຫະກຳສົ່ງອາຫານໃນ ເກືອບ 2 ປີທີ່ຜ່ານມາ. ພວກເຮົາໄດ້ເຫັນຫລາຍພັນທຸລະກິດ, ຮ້ານຄ້າ, ຮ້ານອາຫານ ເຕີບໂຕແລະຂະຫຍາຍທຸລະກິດຂອງເຂົາເຈົ້າ ແລະ ຫຼາຍພັນພະນັກງານຈັດສົ່ງອາຫານ ໄຣເດີ້ ມີລາຍໄດ້ຜ່ານລະບົບຂອງພວກເຮົາ ແລະ ມື້ນີ້, ພວກເຮົາພູມໃຈ ແລະ ດີໃຈຫລາຍທີ່ຈະໄດ້ສ້າງໂອກາດໃຫ້ກັບອີກຫຼາຍພັນຮ້ານອາຫານ, ຮ້ານຄ້າ ແລະ ພະນັກງານ ໄຣເດີ້ ໂດຍການຂະຫຍາຍຂອບເຂດການບໍລິການ ຂອງພວກເຮົາ ໄປຮອດທຸກແຂວງຂອງປະເທດລາວແລ້ວ

ທ່ານຍັງໄດ້ໃຫ້ຮູ້ຕື່ມວ່າ: ຕັ້ງແຕ່ເຮົາສ້າງຕັ້ງຟູດແພນດ້າ ໃນ ສປປ ລາວ ເຮົາມີຮ້ານຄ້າທີ່ຢູ່ໃນລະບົບຫຼາຍກວ່າ 7000 ຮ້ານ ແລະ ໄຣເດີ້ ຫຼາຍກວ່າ 4000 ກວ່າຄົນ ໃນນີ້, ໄຣເດີ້ ທີ່ເຮັດເຕັມເວລາ ໝາຍຄວາມວ່າໄຣເດີ້ ທີ່ເຮັດວຽກຢ່າງຕໍ່າ 8 ຊົ່ວໂມງ ແລະ ເຮັດປະມານ 28 ມື້ຕໍ່ເດືອນ ແມ່ນຈະມີລາຍໄດ້ປະມານ 8,000,000-9,000,000 ກີບ/ເດືອນ, ສ່ວນໄຣເດີ້ທີ່ເຮັດພາດທາມ ສະເລ່ຍແລ້ວ ອາທິດໜຶ່ງບໍ່ຕໍ່າກວ່າ 1,000,000 ກີບ/ອາທິດ

“ການຂະຫຍາຍການບໍລິການຂອງທົ່ວປະເທດ, ຟູດແພນດ້າ ໄດ້ສ້າງລະບົບທີ່ຍຶນຍົງ  ໂດຍສະເພາະໃຫ້ກັບຮ້ານຄ້ານ້ອຍໆຢູ່ຕາມເມືອງຕ່າງໆທົ່ວປະເທດລາວ,ໃນເມື່ອພວກເຮົາກຳລັງກ້າວສູ່ຍຸກ new normal ຫຼື ການໃຊ້ຊີວິດປົກກະຕິ ຮູບແບບໃໝ່, ສະນັ້ນ ທຸລະກິດຕ້ອງໄດ້ມີການປັບໂຕຢ່າງຕໍ່ເນື່ອງ, ດ້ວຍເຫດຜົນດັ່ງກ່າວ ຟູດແພນດ້າ ເອງຈຶ່ງໃຫ້ຄຳໝັ້ນສັນຍາວ່າຈະສຶບຕໍ່ພັດທະນາການບໍລິການຂອງພວກເຮົາ ເພື່ອທີ່ຈະໃຫ້ຕອບສະໜອງຄວາມຕ້ອງການຂອງຄົນລາວເຮົາ” ທ່ານ ນາງ ທັນຍາລັດ ໄດ້ກ່າວ

ນອກຈາກນີ້, ໃນເດືອນ ສິງຫາ 2021 ທີ່ຜ່ານມາ. ຟູດແພນດ້າເອງກໍ່ໄດ້ເປີດໂຕ pandamart, ເຊິ່ງໃຫ້ບໍລິການທາງດ້ານເຄື່ອງໃຊ້ສອຍ ຊີວິດປະຈຳວັນ ທີ່ສົ່ງໃຫ້ລູກຄ້າພາຍໃນ 25 ນາທີ ແລະ ນອກຈາກນັ້ນ, ຍັງຈະມີແຜນຂະຫຍາຍ pandamart ໄປຍັງແຂວງໃຫ່ຍໆໃນປີຖັດໄປ

ເພື່ອເປັນການສະເຫຼີມສະຫຼອງ ການໃຫ້ບໍລິການທົ່ວ 18 ແຂວງ, ຟູດແພນດ້າໄດ້ນຳສະເໜີ 2 ລະຫັດສ່ວນຫຼຸດພິເສດໃຫ້ກັບລູກຄ້າໄດ້ໃຊ້ໃນເວລາສັ່ງອາຫານເຊັ່ນ: ລະຫັດ EVERYWHERE ຫຼຸດ 20% ທີ່ລູກຄ້າສັ່ງ 40,000 ກີບຂຶ້ນໄປ ແລະ ຫຼຸດສູງສຸດ 12,000 ກີບ ໝົດເຂດວັນທີ 31 ຕຸລາ 2021 ນີ້

ໃນແຄມເປນນີ້, ຟູດແພນດ້າລາວ ຍັງໄດ້ຂອບໃຈມາຍັງລູກຄ້າທຸກທ່ານທີ່ໄດ້ໃຫ້ການສະໜັບສະໜູນຕະຫລອດມາ ຕັ້ງແຕ່ເລີ່ມຕັ້ນ, ລວມທັງຄູ່ຮ່ວມທຸກລະກິດ ໂດຍເພາະ ຮ້ານອາຫານ ຮ້ານຄ້າ ແລະ ພະນັກງານສົ່ງອາຫານໄຣເດີ້ ຜູ້ທີ່ມອບການບໍລິການທີ່ດີທີ່ສຸດໃຫ້ກັບທາງລູກຄ້າທົ່ວປະເທດ

ບ່ອນສະແດງໂຄສະນາ

ອອກ​ຈາກ REPLY ເປັນ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້