ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ເປັນເວລາເກືອບສອງປີແລ້ວ ທີ່ພະຍາດໂຄວິດ-19 ຢູ່ກັບພວກເຮົາ ບໍ່ວ່າທຸລະກິດໃດກໍ່ຕາມ ຕ່າງໄດ້ຮັບຜົນກະທົບຈາກວິກິດດັ່ງກ່າວນີ້, ຍິ່ງມີຕົວເລກຜູ້ຕິດເຊື້ອໃນຊຸມຊົນ ກໍ່ຍິ່ງກະທົບຫຼາຍຂື້ນ ເພາະຕ້ອງໄດ້ມີການປິດເມືອງ ປິດບ້ານ ທີ່ມີຜູ້ຕິດເຊື້ອໃນຊຸມຊົນ. ຕໍ່ກັບຮ້ານຂາຍເຄື່ອງບໍລິໂພກ ເຊີ່ງແຕ່ລະຮ້ານກໍ່ຍັງມີຄ່າໃຊ້ຈ່າຍຫຼາຍ ທັງຄ່າເຊົ່າສະຖານທີ່, ຄ່າຈ້າງພະນັກງານ ແລະ ອື່ນໆອີກຈຳນວນໜຶ່ງ

ແລະ ປັດຈຸບັນນີ້, ຫຼາຍໆຮ້ານກໍ່ຄົງມີຄວາມກັງວົນວ່າຈະປັບຕົວແນວໃດ ເຖິງຈະໃຫ້ຢູ່ລອດໃນສະຖານະການແບບນີ້. ມື້ນີ້ ອິນໄຊລາວ ມີການປັບຕົວຂອງ ຮ້ານຊີ້ນດາດໂລ 55,000 ກີບ ທີ່ໄດ້ຮັບຜົນກະທົບໃນຄັ້ງນີ້ ມາແລກປ່ຽນໃຫ້ຟັງ

ທ່ານ ນາງ ອະໂນະຍາ ກອນນິວົງ ເຈົ້າຂອງຮ້ານ ຊີ້ນດາດໂລ 55,000 ກີບ ໄດ້ເລົ່າໃຫ້ອິນໄຊລາວຟັງວ່າ: ໂຄວິດ-19 ກັບມາລະບາດໃນຊຸມຊົນຮອບນີ້ ຖືວ່າມີຜົນກະທົບຫຼາຍທີ່ສຸດ ຍິ່ງຕົວເລກສູງຂື້ນເທົ່າໃດ ມາດຕະການຕ່າງໆ ກໍ່ຈະເຂັ້ມຂື້ນ. ທັງນີ້, ທາງຮ້ານຂອງພວກເຮົາ ກໍ່ໄດ້ມີການປະຕິບັດຕາມມາດຕະການຕ່າງໆຂອງລັດທີ່ວາງອອກຢ່າງສະເໝີ. ຕອນທຳອິດທີ່ມີແຈ້ງການໃຫ້ປິດຮ້ານມິນິມາກ ແລະ ຮ້ານອຸປະໂພກ-ບໍລິໂພກ ຕາມແຄມທາງ.

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

“ທາງຮ້ານພວກເຮົາກໍ່ໄດ້ກຽມພ້ອມທີ່ຈະປິດ ແລະ ຄິດວ່າຈະຫັນມາຂາຍຜ່ານຊ່ອງທາງອອນລາຍ 100 % ແຕ່ຫຼັງຈາກນັ້ນ, ທາງພາກລັດກໍ່ໄດ້ອະນຸຍາດໃຫ້ເປີດຄືນໄດ້ ແລະ ເພື່ອເປັນການສະໜອງອາຫານໃຫ້ສັງຄົມໄດ້ຢ່າງພຽງພໍ ທາງຮ້ານພວກເຮົາຈື່ງໄດ້ມີການເປີດໜ້າຮ້ານ ແຕ່ຈະມີການຮັກສາມາດຕະການຕ່າງໆຢ່າງເຂັ້ມງວດ ເປັນຕົ້ນແມ່ນ: ການໃຫ້ລູກຄ້າສັ່ງກັບບ້ານ ແຕ່ພະນັກງານໃນຮ້ານຈະເປັນຄົນຄີບເລືອກອາຫານໃຫ້, ພະນັກງານທຸກຄົນໄດ້ສັກວັກຊີນຄົບ 2 ໂດສ, ໃສ່ໜ້າກາກອະນາໄມ,ມີນ້ຳຢາລ້າງມືໃຫ້ລູກຄ້າ ແລະ ເວລາຮັບເງິນມາ ກໍ່ຕ້ອງໄດ້ມີການຂ້າເຊື້ອຄັກແນ່” ທ່ານກ່າວຕື່ມ

ທ່ານກ່າວຕື່ມວ່າ: ແຕ່ແນວໃດກໍ່ຕາມ ທາງຮ້ານຂອງພວກເຮົາ ກໍ່ຍັງໄດ້ກຽມແຜນການຂາຍໃນອະນາຄົດທີ່ເຮົາບໍ່ອາດຈະຄາດເດົາໄດ້ວ່າຈະເກີດຫຍັງຂື້ນອີກ, ແຕ່ເພື່ອກຽມຄວາມພ້ອມ ແລະ ຮັບມືໄດ້ໄວ ພວກເຮົາຈະໄດ້ມີການຂາຍອອນລາຍຄວບຄູ່ກັບການຂາຍໜ້າຮ້ານ ແລະ ສື່ສານກັບລູກຄ້າຜ່ານຊ່ອງທາງອອນລາຍໃຫ້ຫຼາຍຂື້ນ ເພື່ອວ່າມື້ໃດ ພວກເຮົາຕ້ອງໄດ້ປ່ຽນມາຂາຍອອນລາຍ 100 % ພວກເຮົາກໍ່ຈະຮັບມືໄດ້ ແລະ ທັງເປັນການຮຽນຮູ້ປັບປຸງການບໍລິການ, ການຂົນສົ່ງ ແລະ ອື່ນໆ ໃຫ້ດີຂື້ນ

ສຸດທ້າຍຢາກຝາກເຖິງທຸກຄົນ ທີ່ກຳລັງພົບກັບບັນຫາຕ່າງໆວ່າ: ປັບຕົວ-ອົດທົນ-ຮຽນຮູ້ ທີ່ຈະຢູ່ກັບມັນ ເຮົາອາດຈະພົບເຈີບັນຫາທີ່ຫຍຸ້ງຍາກ ແຕ່ຍັງມີອີກຫລາຍຄົນທີເຈີປັນຫາຫນັກກ່ອນເຮົາ ເຊື່ອວ່າຖ້າເຮົາບໍ່ທໍ້ຖອຍ ຕັ້ງສະຕິ ເຮົາກໍ່ຈະຢູ່ກັບມັນ ແລະ ຜ່ານມັນໄປໄດ້ດ້ວຍດີ

LEAVE A REPLY

Please enter your comment!
Please enter your name here