ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ລັດວິສະຫະກິດການບິນລາວ ໄດ້ແຈ້ງຜ່ານແຟນເພຈວ່າ: ຈະມີການຈັດຖ້ຽວບິນພິເສດ ໃນຮູບແບບມະນຸດສະທໍາ ໂດຍລະບຸໄວ້ມີສອງມື້ຄື: ວັນທີ 5 ພະຈິກ 2021 ແລະ ວັນທີ 10 ທັນວາ 2021 ໂດຍມີລາຍລະອຽດດັ່ງນີ້:

ໃນເດືອນ ພະຈິກ (ວັນທີ 05 ພະຈິກ 2021) (QV443) ວຽງຈັນ-ບາງກອກ ເວລາບິນ 11:45 ເວລາໄປເຖິງ 13:05, (QV444) ບາງກອກ-ວຽງຈັນ ເວລາບິນ 14:05 ເວລາໄປເຖິງ 15:25

ແລະ ເດືອນ ທັນວາ 2021 (ວັນທີ 10 ທັນວາ 2021) (QV443) ວຽງຈັນ-ບາງກອກ

ບ່ອນສະແດງໂຄສະນາ

ເວລາບິນ 11:45 ເວລາໄປເຖິງ 13:05, (QV444) ບາງກອກ-ວຽງຈັນ, ເວລາບິນ 14:05 ເວລາໄປເຖິງ 15:25

ໂດຍຖ້ຽວບິນອາດມີການປ່ຽນແປງຕາມເງື່ອນໄຂ ແລະ ບໍ່ສາມາດຕໍ່ເຄື່ອງໄປປະເທດທີ່ສາມໄດ້

ສຳລັບ, ຂັ້ນຕອນການດໍາເນີນເອກະສານໃນການເດີນທາງເຂົ້າປະເທດໄທ (Update) ບຸກຄົນທີ່ໄດ້ຮັບອະນຸຍາດເດີນທາງເຂົ້າປະເທດໄທ ຕາມເງື່ອນໄຂຂອງລັດຖະບານແຫ່ງລາດຊະອານາຈັກໄທວາງອອກ ຕ້ອງໄດ້ປະກອບເອກະສານດັ່ງລຸ່ມນີ້:

  • ເພື່ອເປັນເອກະສານປະຈຳຕົວໃນການຊື້ປີ້ເຮືອບິນ ເດີນທາງເຂົ້າປະເທດໄທ.
  • ຜູ້ໂດຍສານຕ້ອງໄດ້ກຳນົດມື້ເດີນທາງ ເພື່ອຂໍໃບຢັ້ງຢືນການຈອງບ່ອນຈາກການບິນລາວ ໄປປະກອບເອກະສານເພື່ອຂໍອະນຸຍາດເດີນທາງຈາກກົງສູນໄທປະຈຳປະເທດລາວ.
  • ໃບຈອງໂຮງແຮມ ຫຼື ໂຮງຫມໍກັກຕົວ Alternative Hospital Quarantine (AHQ) ລາຍຊື່ໂຮງແຮມ ສາມາດເຂົ້າໄປທີ່ເວັບໄຊ http://www.hsscovid.com , https://bit.ly/3556nel
  • ປະກັນສຸຂະພາບ Covid-19 ທີ່ມີວົງເງິນປິ່ນປົວ 100,000USD ທີ່ສາມາດນຳໃຊ້ຢູ່ປະເທດໄທໄດ້ ຂໍ້ມູນເພີ່ມຕື່ມສາມາດເຂົ້າໄປເວັບໄຊ http://covid19.tgia.org.
  • ຂໍໃບອະນຸຍາດ ເດີນທາງເຂົ້າປະເທດໄທ Certificate of Entry (COE) ສາມາດຂໍອະນຸຍາດທີ່ເວັບໄຊ https://cotthailand.mfa.go.th.
  • ຂໍ Visa ເຂົ້າປະເທດໄທ(ສຳລັບສັນຊາດລາວທີ່ຢູ່ເກີນ 30ວັນ).
  • ໃບຢັ້ງຢືນຜົນກວດ Covid-19 ແບບ RT-PCR ທີ່ຜົນກວດເປັນລົບ (Nagative) ແລະ ອອກໃຫ້ບໍ່ເກີນ 72 ຊົ່ວໂມງກ່ອນເດີນທາງ.
  • ໃບອະນຸຍາດເດີນທາງອອກນອກປະເທດຈາກກົມກົງສູນກະຊວງການຕ່າງປະເທດລາວ (ສະເພາະຄົນລາວເທົ່ານັ້ນ).
  • ສຳລັບຄົນເຈັບທີ່ຕ້ອງການເດີນທາງໄປປິ່ນປົວພະຍາດຢູ່ປະເທດໄທ ຕ້ອງມີໃບຢັ້ງຢືນການນັດປິ່ນປົວຈາກໂຮງຫມໍ ແລະ ໃບຈອງ
  • ໂຮງຫມໍເພື່ອກັກໂຕ (ສາມາດມີຜູ້ຕິດຕາມໄປໄດ້ບໍ່ເກີນ 02 ຄົນ).
  • ໃບ COE & VISA ແມ່ນທາງກົງສູນແຫ່ງປະເທດໄທ ປະຈຳ ສ.ປ.ປ ລາວ ເປັນຜູ້ອອກໃຫ້.
  • ສຳລັບຄົນລາວທີ່ໄປທ່ອງທ່ຽວ ພາຍໃນ 30 ວັນ ລວມມື້ກັກໂຕ 14 ວັນ ແມ່ນຍົກເວັ້ນ Visa ແຕ່ຕອ້ງໄດ້ຂໍໃບ COE (ໃນກໍລະຢູ່ເກີນ 30 ວັນຕ້ອງໄດ້ຂໍ visa ຕາມລະບຽບການ).
  • ພາຍຫລັງໄດ້ເອກະສານຄົບແລ້ວ ສົ່ງເອກະສານທັງຫມົດ ໃຫ້ພະນັກງານການບິນລາວ ເພື່ອມາອອກປີ້ເຮືອບິນ.
  • ພິມເອກະສານທັງຫມົດ ອອກເປັນ 01 ຊຸດ ເພື່ອຖືຕິດຕົວຂຶ້ນເຮືອບິນ ໃນເວລາທີ່ເຈົ້າຫນ້າທີ່ກວດກາເອກະສານ.
ບ່ອນສະແດງໂຄສະນາ

ອອກ​ຈາກ REPLY ເປັນ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້