ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ອີກບໍ່ພໍເທົ່າໃດມື້, ກໍ່ຈະຮອດບຸນຫໍ່ເຂົ້າປະດັບດິນແລ້ວ ເຊີ່ງຫຼາຍໆຄົນ ກໍ່ຄົງຈະກະກຽມເຄື່ອງຂອງເພື່ອກະກຽມເຮັດຫໍ່ເຂົ້າ

ເຊີ່ງໃນຫຼາຍປີຜ່ານມາ, ຍຸກສະໄໝປ່ຽນໄປ ໃນເມືອງໃຫ່ຍ ເຮົາກໍ່ມັກຈະພົບເຫັນການໃຊ້ ຖ້ວຍໂຟມພລາດສະຕິກ ຫຼື ຖົງຢາງພລາດສະຕິກ ຈຳນວນໜຶ່ງໃນການເຮັດຫໍ່ເຂົ້າ ເຊີ່ງມັນໄດ້ສົ່ງຜົນກະທົບຕໍ່ສິ່ງແວດລ້ອມເປັນຈຳນວນຫຼາຍ

ມື້ນີ້, ອິນໄຊລາວ ຈື່ງຢາກເຊີນຊວນທຸກຄົນກັບມາໃຊ້ຖ້ວຍໃບຕອງ ຕາມຮອຍປູ່ຍ່າຕາຍາຍຂອງພວກເຮົາ ທີ່ເພີ່ນພາເຮັດສືບຕໍ່ກັນມາ

ບ່ອນສະແດງໂຄສະນາ

ການເຮັດຖ້ວຍໃບຕອງນັ້ນ, ກໍ່ບໍ່ມີຂັ້ນຕອນທີ່ຫຍຸ້ງຍາກຫຼາຍຄືທີ່ຄິດ, ທັງນີ້ ພວກເຮົາຍັງສາມາດໃຊ້ຊ່ວງເວລານີ້ ເພື່ອເປັນການປູກຝັ່ງລູກຫຼານ ໃຫ້ໄດ້ຮຽນຮູ້ການເຮັດຫໍ່ເຂົ້າອີກດ້ວຍ

1. ແບບທີທຳອິດ

ນຳໃບຕອງຈຸ່ມໃນນໍ້າອຸ່ນພໍໃຫ້ອ່ອນໂຕ ພັບຂອບໃບຕອງຂຶ້ນ (ບໍ່ຕ້ອງຮີດຂອບ) ຈາກນັ້ນຈັບກີບທີ່ມຸມແລ້ວດຶງເຂົ້າມາທາງກາງ ອີກມຸມກໍ່ໃຫ້ຈັບກີບແລ້ວດຶງເຂົ້າຫາຈີບອັນທຳອິດພັບໃຫ້ກີບໃບຕອງທັບກັນແລ້ວຄັດດ້ວຍໄມ້ ໃຫ້ເຮັດແບບດຽວກັນທັງ 2 ດ້ານ

2. ແບບທີ 2

ຕັດໃບຕອງເປັນຮູບວົງມົນແລ້ວນໍາໄປລວກໃນນໍ້າຮ້ອນເພື່ອໃຫ້ໃບຕອງອ່ອນໂຕ ເວລາພັບຈະໄດ້ບໍ່ແຕກ ນໍາໃບຕອງທີ່ລວກແລ້ວຂຶ້ນພັກໃຫ້ເຢັນແລ້ວເຊັດໃບຕອງໃຫ້ແຫ້ງຈາກນັ້ນຈັບຈີບໃບຕອງຄັດດ້ວຍໄມ້ ເຮັດໃຫ້ຄົບທັງ 4 ມຸມ

3. ແບບທີ 3

ຕັດໃບຕອງເປັນຮູບສີ່ຫຼ່ຽມ ພັບມຸມທັງ 4 ດ້ານເຂົ້າຫາຈຸດສູນກາງ ພັບມຸມດ້ານເທິງ ແລະ ດ້ານລຸ່ມເຂົ້າຫາທາງກາງແລ້ວຍິບດ້ວຍລວດຍິບເຈ້ຍ ຈາກນັ້ນພີກະທົງອອກ ໃຊ້ນິ້ວກົດກະທົງໃຫ້ເປັນຊົງ

4. ແບບທີ 4

ຕັດເປັນຮູບສີ່ຫ່ຽມຜືນຜ້າ 1 ແຜ່ນ ຈີກໃບຕອງເປັນເສັ້ນກ້ວາງ 2 ນິ້ວອີກ 2 ເສັ້ນ ໃຫ້ຍາວກວ່າໃບຕອງແຜ່ນທຳອິດປະມານ 2 1/2 ນິ້ວ ນຳໃບຕອງທັ້ງ 3 ໃບມາຍິບຕິກກັບໃບຕອງແຜ່ນໃຫຍ່ ຕັດປາຍໃບຕອງທັງສອງເສັ້ນຍາວ 1 ນິ້ວ ຈາກນັ້ນດຶງປາຍໃບຕອງເຂົ້າຫາກັນແລ້ວເກາະເອົາໄວ້ດ້ວຍຮອບຕັດ

5. ແບບທີ 5

ລ້າງໃບຕອງໃຫ້ສະອາດ ພັບຂອບໃບຕອງດ້ານດ້ານກວ້າງລົງປະມານ 1 ນິ້ວ ຈາກນັ້ນບີບທາງກາງໃຫ້ເປັນມຸມຍິບດ້ວຍລວດຍີບເຈ້ຍ ເຮັດຄືກັນທັງ 2 ດ້ານ ສ່ວນດ້ານຂ້າງແນງຍາວໃຫ້ຈັບກີບພັບເຂົ້າຫາກັນ ເຍັບດ້ວຍລວດເຍັບເຈ້ຍທັງ 2 ຂ້າງ

6. ແບບທີ 6

ຕັດໃບຕອງເປັນຮູບວົງມົນ 2 ແຜ່ນຊ້ອນກັນ ຈັບກິບເຂົ້າມາດ້ານໜຶ່ງ ເຍັບດ້ວຍລວດເຍັບເຈ້ຍ ຈາກນັ້ນຈັບກິບອີກດ້ານໜຶ່ງກັບກີບທີ່1 ຂຶ້ນມາແລ້ວຍິບດັ່ງຮູບທີ່ 2 ອີກສອງດ້ານກໍ່ໃຫ້ຈັບກິບຂຶ້ນແລ້ວຍິບຄືກັນ ຈະໄດ້ກະທົງສີ່ມຸມ

ບ່ອນສະແດງໂຄສະນາ

ອອກ​ຈາກ REPLY ເປັນ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້