ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ນັບຕັ້ງແຕ່ເລີ່ມມີການລະບາດຂອງພະຍາດໂຄວິດ-19 ໃນປະເທດລາວເຮົາ, ແພດ-ໝໍ ແລະ ບຸກຄະລາກອນທີ່ກ່ຽວຂ້ອງທີ່ເຮັດໜ້າທີ່ເປັນດ່ານອື່ນໆ ທີ່ໄດ້ສຸມໃສ່ທຸກວິທີທາງ ເພື່ອຕອບໂຕ້ ຮັກສາ ແລະ ບັນເທົາວິກິດນີ້ ໃຫ້ຜ່ານໄປໂດຍໄວ ເຊີ່ງນັ້ນ, ອາດຈະເຮັດໃຫ້ບຸກຄະລາກອນທາງການແພດບາງຄົນ ບໍ່ມີໂອກາດໄດ້ກັບບ້ານເພື່ອໄປຫາຄອບຄົວດ້ວຍຊໍ້າ

ເຊີ່ງໃນໄລຍະຜ່ານມາ, ກໍ່ພົບວ່າ ມີບຸກຄະລາກອນດ່ານໜ້າ ທີ່ໄດ້ຮັບເຊື້ອພະຍາດໂຄວິດ-19 ຈາກການສໍາພັດໃກ້ຊິດກັບຜູ້ທີ່ຕິດເຊື້ອພະຍາດໂຄວິດ-19

ມື້ນີ້, ອິນໄຊລາວ ໄດ້ມີໂອກາດໂອລົມກັບ ບຸກຄະລາກອນທາງການແພດ ທີ່ເຮັດໜ້າທີ່ໃນການຕອບໂຕ້ພະຍາດໂຄວິດ-19 ທ່ານໜຶ່ງ

ບ່ອນສະແດງໂຄສະນາ

ທ່ານ ນາງ  ວຽງຄອນ ສິລິປັນໂຍ ໜ່ວຍງານຕອບໂຕ້ໄວ (ປະຈຳໂຮງໝໍເມືອງ ສີສັດຕະນາກ ໂດຍທ່ານໄດ້ໃຫ້ສຳພາດວ່າ: ການປະຕິບັດໜ້າທີ່ ທີ່ຕ້ອງໄດ້ໃກ້ຊິດກັບຜູ້ຕິດເຊື້ອພະຍາດໂຄວິດ-19 ນີ້, ບຸກຄາລະກອນທາງການແພດ ແມ່ນມີຄວາມສ່ຽງຮອບດ້ານທີ່ສຸດ ເຊີ່ງຈະຕ້ອງໄດ້ພະຍາຍາມປ້ອງກັນຕົນເອງຢ່າງເຂັ້ມງວດ ເພື່ອຄອບຄົວ ແລະ ຄົນຮອບຂ້າງ. ແຕ່ພວກເຮົາກໍ່ຕ້ອງໄດ້ເຮັດໃຫ້ສຸດຄວາມສາມາດ ເຖິງວ່າຈະລຳບາກພຽງໃດກໍ່ຕາມ ແຕ່ເພື່ອປະຊາຊົນ ເພື່ອສັງຄົມ ພວກເຮົາຕ້ອງໄດ້ອົດທົນ ແລະ ຈະຜ່ານຜ່າວິກິດນີ້ໄປໄດ້ດ້ວຍດີ

ທ່ານ ນາງ  ວຽງຄອນ ສິລິປັນໂຍ ໜ່ວຍງານຕອບໂຕ້ໄວ

ທ່ານ ນາງ  ວຽງຄອນ ຍັງໄດ້ໃຫ້ຮູ້ຕື່ມວ່າ: ນອກຈາກຈະມີການປ້ອງກັນຕົນເອງໃນຂະນະທີ່ປະຕິບັດໜ້າທີ່ແລ້ວ ພວກເຮົາ ຍັງໄດ້ມີການເກັບຕົວຢ່າງເພື່ອກວດຫາເຊື້ອພະຍາດໂຄວິດ-19 ທຸກໆ 14 ວັນ ທັງນີ້, ກໍ່ເພື່ອເປັນການສ້າງຄວາມໝັ້ນໃຈໃຫ້ກັບຕົນເອງ ຄອບຄົວ ແລະ ຄົນຮອບຂ້າງ

“ເຖິງວ່າບາງຄັ້ງຕ້ອງໄດ້ປະຈຳການເກືອບເດືອນ, ບໍ່ໄດ້ກັບໄປຫາຄອບຄົວ ແຕ່ດ້ວຍຄວາມຄິດຮອດເຊີ່ງກັນແລະກັນ ກໍ່ໄດ້ມີການໂທຫາລູກ ໃນຊ່ວງເວລາທີ່ວ່າງພຽງເລັກນ້ອຍ ກໍ່ສາມາດຄາຍຄວາມຄິດຮອດໄດ້” ທ່ານ ນາງ  ວຽງຄອນ ກ່າວ

ນອກຈາກນີ້, ທ່ານ ນາງ  ວຽງຄອນ ຍັງໄດ້ຝາກເຖິງປະຊາຊົນ ທີ່ກໍາລັງຈໍາກັດບໍລິເວນ ຫຼື ທີ່ກໍາລັງຮັບການປິ່ນປົວພະຍາດໂຄວິດ-19 ໃຫ້ມີຄວາມອົດທົນ, ປະຕິບັດຕາມມາດຕະການຂອງແພດ-ໝໍຢ່າງເຂັ້ມງວດ, ແຮງງານລາວ ທີ່ກັບມາຈາກຕ່າງປະເທດ ກໍ່ຂໍໃຫ້ຄວາມຮ່ວມມືກັບເຈົ້າໜ້າທີ່ ບໍ່ລັກໂຕນອອກບ່ອນຈຳກັດບໍລິເວນ ເພື່ອຄອບຄົວ-ສັງຄົມ ແລະ ຂ້າພະເຈົ້າສັນຍາວ່າເຮົາຈະຜ່ານຜ່າອຸປະສັກນີ້ໄປນຳກັນ

Hits: 0

ບ່ອນສະແດງໂຄສະນາ

ອອກ​ຈາກ REPLY ເປັນ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້