ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ການເຮັດບຸນປ່ອຍສັດນັ້ນ, ຖືວ່າເປັນການເຮັດບຸນທີ່ໄດ້ຕໍ່ຊີວິດຂອງສັດທີ່ປ່ອຍ ແຕ່ຖ້າຫາກປ່ອຍບໍ່ຖືກສະຖານທີ່ ຫຼື ທຳມະຊາດຂອງສັດນັ້ນໆ ກໍ່ຈະເປັນການເຮັດບາບ ເພາະມັນຈະບໍ່ສາມາດດຳລົງຊີວິດຢູ່ລອດໄດ້ ໃນສະພາບແວດລ້ອມ ທີ່ບໍ່ແມ່ນບ່ອນຢູ່ອາໄສຂອງມັນ

ປ່ອຍເຕົ່າ

ເຊື້ອກັນວ່າ ການປ່ອຍເຕົ່ານັ້ນ ເປັນເສຍເຄາະໃຫ້ຄົນທີ່ເຈັບໄຂ້ໄດ້ປ່ວຍເຊົາໄວໆ ແລະ ມີອາຍຸໝັ່ນຂວັນຢືນ ຈະຊ່ວຍໃຫ້ ມີໂຊກລາບ ເນື່ອງຈາກພະໂພທິສັດເຄີຍກິນເຕົ່າ ເຕົ່າຈຶ່ງເປັນລັກສະນະຂອງຄວາມມີອາຍຸຍືນ ຄວາມໝັ້ນຄົງ ແລະ ໂຊກລາບ

ແຕ່ການປ່ອຍເຕົ່າບໍ່ຄວນປ່ອຍໃນບ່ອນທີ່ມີກະແສນໍ້າໄຫຼແຮງ ຄວນເປັນບ່ອນທີ່ມີນໍ້ານິ້ງໆ ດິນຊຸ່ມໆ ເພາະເຕົ່າບໍ່ສາມາດດຳລົງຊີວິດໃນກະແສນໍ້າແຮງໆໄດ້ ເທົ່າກັບເຮົາເຮັດບາບຫຼາຍກວ່າເຮັດບຸນ

ບ່ອນສະແດງໂຄສະນາ

ປ່ອຍອ່ຽນ

ເພື່ອຄວາມລາບລື່ນ ພົ້ນຈາກອຸປະສັກ ໄປສູ່ຈຸດໝາຍໄດ້ຢ່າງໄວວາ ການງານດີ ການເງິນຈະເລີນຮຸ່ງເຮືອງ

ຮູບການປ່ອຍທີ່ຜິດວິທີ

ການປ່ອຍອ່ຽນລົງໃນນໍ້າຂອງ ຫຼື ທ່າວັດຕ່າງໆ ທີ່ຕິດແຄມນໍ້ານັ້ນ ອາດບໍ່ໄດ້ຊ່ວຍຊີວິດສັດ ຫຼື ໄດ້ບຸນແທ້ໆ, ເນື່ອງຈາກທຳມະຊາດຂອງອ່ຽນມັກຢູ່ບໍລິເວນລຳຫ້ວຍ ໜອງນໍ້າ ຄອງ ບຶງ ທີ່ມີດິນຂີ້ຕົມໃຫ້ມຸດ. ແຕ່ເມື່ອເຮົາເອົາອ່ຽນໄປປ່ອຍລົງແຄມນ້ຳໃຫ່ຍ ທີ່ໄຫຼແຮງ ກໍ່ຈະເຮັດໃຫ້ອ່ຽນ ຢູ່ຊື່ໆເພາະທົນຄວາມແຮງຈອງກະແສນໍ້າບໍ່ໄຫວ ແລ້ວພະຍາຍາມລອຍຫຼົບໄປບ່ອນແຄມຝັ່ງ ສຸດທ້າຍກໍ່ຖືກກຸ່ມພໍ່ຄ້າຈັບມາຂາຍຊໍ້າໃຫມ່ໄດ້ຢ່າງງ່າຍດາຍ

ໃຫ້ນຳອ່ຽນໄປປ່ອຍລົງນໍ້າທີ່ມີດິນຊຸ່ມໆ ແລະ ນໍ້າໄຫຼບໍ່ແຮງ ເປັນຕົ້ນແມ່ນ: ຫ້ວຍ ແລະ ທົ່ງນາ ເພາະເຂົາຈະໄດ້ດຳລົງຊີວິດລອດ

ປ່ອຍກົບ ແລະ ຫອຍ

ເປັນການອຸທິດສ່ວນກຸສົນ ໃຫ້ເຈົ້າກຳນາຍເວນ ຊ່ວຍໃຫ້ພົ້ນວິບາກກຳເກົ່າ ເພາະເປັນສັດທີ່ຈຳສິນ ຕັດເຄາະກຳ ທັງຫຼາຍທີ່ເຄີຍສ້າງໄວ້ຕໍ່ກັນ

ກົບ ແລະ ຫອຍ ກໍ່ຄ້າຍຄືກັບອ່ຽນ ທຳມະຊາດຢູ່ຕາມຄອງ ໜອງ ບຶງ ຂຸດຮູຢູ່ຕາມທົ່ງນາ ຕາມຂີ້ຕົມ

ນອກຈາກສັດເຫຼົ່ານີ້ແລ້ວ, ປາບາງຊະນິດທີ່ບໍ່ຄວນປ່ອຍລົງໃນແຫຼ່ງນ້ຳທຳມະຊາດ ເຊັ່ນ: ປາດຸກພັນ, ປານິນພັນ ແລະ ປາຕ່າງປະເທດອື່ນໆອີກດ້ວຍ ເພາະຈະເປັນການທຳລາຍລະບົບນິເວດຂອງປາທ້ອງຖິ່ນ

Hits: 1

ບ່ອນສະແດງໂຄສະນາ

ອອກ​ຈາກ REPLY ເປັນ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້