ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ຄູບາ ສະຫວີວັນ ຖືວ່າເປັນທີ່ຮູ້ຈັກມາຈາກການເຮັດຄລິບວິດີໂອທຳມະ ໃນຮູບແບບທີ່ເຂົ້າໃຈງ່າຍ ປະສົມປະສານສານກັບຄະຕິທຳໃຫ້ຄົນຮຸ່ນໃໝ່ໄດ້ສຶກສາຮຽນຮູ້ 

ມື້ນີ້, ອິນໄຊລາວ ຈື່ງຈະພາທຸກຄົນໄປຮູ້ຈັກກັບ ຄູບາ ສະຫວີວັນ ສຸລິນທອນ ຄູບາທີ່ສອນທຳມະໃນສື່ອອນລາຍ ໃຫ້ຫຼາຍຂື້ນ

ຄູບາ ສະຫວີວັນ ສຸລິນທອນ ເກີດເມື່ອວັນທີ 16 ຕຸລາ 1999 ທີ່ ບ້ານຕານ ເມືອງ ທ່າແຂກ ແຂວງຄໍາມ່ວນ ຈົບການສຶກສາສົງດົງໂດກ ແລະ ປັດຈຸບັນກຳລັງສຶກສາພຣະພຸດທະສາສະໜາ ທີ່ ມະຫາວິທະຍາໄລຈຸລາລົງກອນ ປະເທດໄທ ປີທີ 3 

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ປັດຈຸບັນ, ຄູບາ ສະຫວີວັນ ມີຜູ້ຕິດຕາມໃນ Facebook 172,494 ບັນຊີ ແລະ ໃນ TIKTOK 48,2K   

ຄູບາ ສະຫວີວັນ ໄດ້ເປີດເຜີຍກັບອິນໄຊລາວວ່າ: ສື່ອອນລາຍເປັນສິ່ງທີ່ສຳຄັນຫຼາຍ ໃນການເຜີຍແຜ່ພຸດທະສາສະໜາ ໃນຍຸກປະຈຸບັນນີ້.​ ແຕ່ເຮົາກໍ່ບໍ່ປະຕິເສດວ່າ ສື່ອອນລາຍເປັນດາບສອງຄົມ ແຕ່ເຮົາຈະເວົ້າເຖິງຄົມທີ່ມັນດີ ເຊີ່ງມັນເຮັດໃຫ້ການເຜີຍແຜ່ພຸດທະສາສະໜາ ມັນເຂົ້າເຖີງຫຼາຍຂື້ນ ແລະ ໄວຂື້ນ. ເຮົາສາມາດຜະລິດລາຍການທຳມະໄດ້

ຄວາມຫວັງໃນການໃຊ້ສື່ອອນລາຍຂອງຄູບາ ແມ່ນເພື່ອຢາກນຳໃຊ້ມາຕີຂະຫຍາຍສັດຈະທຳ ມາຮັບໃຊ້ພຸດທະສາສະໜາ, ເພາະວ່າ ການເຜີຍແຜ່ທຳມະຜ່ານສື່ອອນລາຍນີ້ ກໍ່ແມ່ນການປັບຕົວຕາມຍຸກຕາມສະໄໝ ສາມາດເຂົ້າເຖີງຄົນຍຸກໃໝ່ໄດ້ດີຂື້ນ

“ຮູ້ສຶກດີໃຈ ທີ່ມີຜູ້ຕິດຕາມຜົນງານການເຜີຍແຜ່ທຳມະຂອງຄູບາ, ເພາະຈຸດປະສົງຫຼັກຂອງເຮົາ ກໍ່ແມ່ນການເຜິີຍແຜ່ຜົນງານທຳມະຢູ່ແລ້ວ ແລະ ການມີຜູ້ຕິດຕາມຫຼາຍຂື້ນ ກໍ່ໝາຍເຖີງວ່າມີຄົນສົນໃຈໃນທຳມະຫຼາຍຂື້ນ ” ຄູບາ ສະຫວີວັນ ໄດ້ກ່າວ

ນອກຈາກນີ້, ຄູບາ ສະຫວີວັນ ຍັງໃຫ້ຮູ້ຕື່ມວ່າ: ສຳລັບການຜະລິດສື່ຕ່າງໆ ບໍ່ວ່າຈະເປັນຮູບແບບວິດີໂອ ຫຼື ຮູບພາບປະກອບຂໍ້ຄວາມ ແມ່ນໄດ້ເຮັດເອງ ພຽງຄົນດຽວ, ໂດຍການສຶກສາຜ່ານຊ່ອງທາງອອນລາຍ ຮຽນເຮັດເທື່ອລະເລັກລະນ້ອຍ, ສ່ວນທຳມະທີ່ນຳມາເຜີຍແຜ່ ແມ່ນມີການປະຍຸກໃຫ້ເຂົ້າກັບຄົນຍຸກໃໝ່ ໄວໜຸ່ມຍຸກໃໝ່ ເພື່ອໃຫ້ເຂົາເຈົ້າເຂົ້າເຖີງ ແລະ ເຂົ້າໃຈງ່າຍ

ແນວໃດກໍ່ຕາມ, ຄູບາ ສະຫວີວັນ ຍັງໄດ້ຝາກເຖີງຄູບາ ຫຼື ສຳມະເນນ ອົງອື່ນໆທີ່ໃຊ້ສື່ອອນລາຍ ຢາກໃຫ້ໃຊ້ໃນທາງທີ່ຖືກທີ່ເໝາະ ເພື່ອເຜີຍແຜ່ທຳມະໃນຍຸກສະໄໝປັດຈຸບັນ

ທ່ານສາມາດຕິດຕາມຜົນງານຂອງ ຄູບາ ສະຫວີວັນ ສຸລິນທອນ ໄດ້ທີ່ເຟສບຸກ ສະຫວີວັນ ສຸລິນທອນ

LEAVE A REPLY

Please enter your comment!
Please enter your name here