ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ເມື່ອເວົ້າເຖິງ, ກາເຟສຳເລັດຮູບແບບບັນຈຸຂວດ ຫຼາຍຄົນກໍ່ຄົງຈະຄິດເຫັນກາເຟແບຣນຈາກຕ່າງປະເທດ ທີ່ມີວາງຂາຍຕາມຊຸບເປີມາກເກັດ ແລະ ຮ້ານຄ້າທົ່ວໄປຢ່າງຫຼວງຫຼາຍ. ແຕ່ຮູ້ບໍ່ວ່າ ຢູ່ບ້ານເຮົາ ກໍ່ມີແບຣນເຄື່ອງດື່ມກາເຟທີ່ເປັນຂອງຄົນລາວ ແບຣນລາວ ແລະ ໃຊ້ເມັດກາເຟຈາກຊາວສວນໃນລາວເອງ

ໂພມະນີ ແກ້ວປະເສີດ ເຈົ້າຂອງຜະລິດຕະພັນກາເຟ ຍົກລໍ້ທູໂກ ແລະ ຫອມກາເຟ ຜູ້ທີ່ມີຄວາມພະຍາຍາມຊອກຫາທຸລະກິດທີ່ມີທ່າແຮງ ບວກກັບປະສົບການທີ່ຄອບຄົວເຮັດຄ້າຂາຍ ໂດຍເລີ່ມຕົ້ນທຸລະກິດດ້ວຍເງິນທຶນພຽງ 10 ກວ່າລ້ານກີບ ຈົນກາຍເປັນແບຣນເຄື່ອງດື່ມລາວທີ່ໄດ້ຮັບກາໝາຍໂອດ໊ອບ ເຊີ່ງເປັນກາໝາຍທີ່ກາລັນຕີໄດ້ເຖິງຄວາມເປັນລາວທີ່ສຸດ

ທ່ານ ນາງ ໂພມະນີ ແກ້ວປະເສີດ ໄດ້ໃຫ້ສຳພາດວ່າ: ຊີວິດຂອງຕົນນັ້ນ ກ່ອນຈະກາຍມາເປັນເຈົ້າຂອງຜະລິດຕະພັນກາເຟຍົກລໍ້ທູໂກ ທີ່ມີຊື່ສຽງໄດ້ນັ້ນ ແມ່ນໄດ້ຜ່ານການເຮັດອາຊີບຫຼາຍຢ່າງນັບຕັ້ງແຕ່ການເປັນພະນັກງານຫ້ອງການ, ປູກເຫັດ, ຂາຍນ້ຳຊົງ ແລະ ຄ້າຂາຍນຳຄອບຄົວມາກ່ອນ ແລະ ໄດ້ເບິ່ງເຫັນທ່າອຽງຂອງທຸລະກິດດ້ານກາເຟໃນບ້ານເຮົາ ໂດຍສະເພາະຢູ່ນະຄອນຫຼວງວຽງຈັນ ໂດຍໄດ້ເລີ່ມຕົ້ນເຮັດເປັນແບຣນກາເຟລາວຍົກລໍ້ ໃນທ້າຍປີ 2012 ດ້ວຍເງິນປະມານ 10 ກວ່າລ້ານກີບ ໂດຍການເຮັດເປັນຕູບ ແລະ ໄດ້ຊື້ເຄື່ອງລອງເຮັດຂາຍໃນງານບຸນຊ່ວງເຮືອທ່າວັດຈັນ ເຊິ່ງໄດ້ຮັບການຕອບຮັບທີ່ດີເກີນຄາດ, ຫຼັງຈາກນັ້ນກໍ່ໄດ້ເອົາເງິນຕໍ່ເງິນຄືຂາຍໄດ້ ເອົາເງິນໄປຊື້ເຄື່ອງໃໝ່ມາຂາຍຕໍ່ ຈົນຕໍ່ຍອດຈາກເງິນກ້ອນນ້ອຍໝູນວຽນເປັນກ້ອນໃຫຍ່ຂຶ້ນ ພ້ອມທັງໄດ້້ມີການຂະຫຍາຍສາຂາ ແລະ ແຟນຊາຍເປັນ 100 ກວ່າຮ້ານໃນທົ່ວປະເທດ ແລະ ຫຼຼັງຈາກນັ້ນມາຊ່ວງໜຶ່ງກະແສວິພາກຈາກກຸ່ມລູກຄ້າວ່າລົດຊາດແຕ່ລະສາຂາຄືບໍ່ຄືກັນ  ຄວາມນິຍົມກໍ່ເລີ່ມຫຼຸດລົງ. ສະນັ້ນ, ເພື່ອຮັກສາຊື່ສຽງຂອງກາເຟລາວຍົກລໍ້ບໍ່ໃຫ້ຫາຍໄປ ກໍ່ເລີຍມີການຕໍ່ຍອດເຮັດເປັນກາເຟບັນຈຸຂວດພາຍໃຕ້ຍີ່ຫໍ້ “ຍົກລໍ້ທູໂກ ໃນທ້າຍປີ 2016 ເຊິ່ງການເຮັດອອກມາຈໍາໜ່າຍທໍາອິດ ກໍມີກະແສຕອບຮັບທີ່ໜ້າພໍໃຈຫຼາຍ ແລະ ໄດ້ຂາຍມາຈົນມີຍອດການຜະລິດ ແລະ ຍອດຈຳໜ່າຍຫຼາຍພໍສົມຄວນ ນັບເປັນຫຼາຍພັນຂວດຕໍ່ມື້ ໂດຍໄດ້ເຂົ້າວາງຈຳໜ່າຍຢູ່ຮ້ານສະດວກຊື້ຊັ້ນນຳໃນລາວ ກວມເອົາ 90% ແລະ ຮ້ານຄ້າຍ່ອຍທົ່ວໄປ ກວມຢູ່ປະມານ 60 ຫາ 70%.

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ທ່ານ ນາງ ໂພມະນີ ໃຫ້ຮູ້ຕື່ມອີກວ່າ: ຜ່ານການເຮັດທຸລະກິດກາເຟນີ້ມາ ແມ່ນເປັນທຸລະກິດທີ່ມີຄວາມພາກພູມໃຈ ແລະ ແບຣນສິນຄ້າຂອງພວກເຮົາ ກໍ່ໄປຖືກໃຈນັກທຸລະກິດຂອງປະເທດເພື່ອນບ້ານນຳອີກ ເຊິ່ງທາງພວກເຮົາກໍ່ໄດ້ຮັບເປັນທີ່ປຶກສາໃຫ້ການແນະນຳດ້ານການຜະລິດ, ການຫຸ້ມຫໍ້, ການເກັບຮັກສາ, ຂັ້ນຕອນຕ່າງໆເຊິ່ງເປັນໜຶ່ງຄວາມພູມໃຈ. ນອກຈາກນີ້, ທ່ານຍັງເຜີຍວ່າ ເປັນຫຍັງຍົກລໍ້ທູໂກ ຈຶ່ງສາມາດຕີຕະຫຼາດໄດ້ ແມ່ນເປັນເພາະຮູ້ເລື່ອງດ້ານການຕະຫຼາດ ແລະ ຈະເກາະຕິດເລື່ອງການຕະຫຼາດຢູ່ຕະຫຼອດ, ຈາກຄອບຄົວເຮັດທຸລະກິດເຄື່ອງດື່ມຢູ່ແລ້ວ, ພໍມີຄວາມຮູ້ເລື່ອງກນຕະຫຼາດມັນກໍ່ໄປຕໍ່ໄດ້ໝົດ, ສ່ວນເລື່ອງຄວາມແຊບ ຈະບໍ່ເອົາມາເປັນຈຸດແຂງ ເພາະຄວາມແຊບຕ້ອງມີຢູ່ໃນທຸລະກິດອາຫານທຸກທຸລະກິດຢູ່ແລ້ວ ເຊິ່ງເຈົ້າຕ້ອງເລີ່ມຈາກຄວາມແຊບ ແລະ ຕໍ່ດ້ວຍດ້ານການຕະຫຼາດ ເຊິ່ງຍົກລໍ້ທູໂກ ເຮັດໄດ້ໃນຈຸດນັ້ນ.

ເຖິງວ່າໃນໄລຍະ 2 ປີນີ້, ທົ່ວໂລກກຳລັງປະເຊີນກັບການລະບາດຂອງພະຍາດໂຄວິດ-19 ລວມທັງປະເທດລາວເຮົາ. ເຊີ່ງມັນໄດ້ກາຍເປັນອຸປະສັກ ແຕ່່ວ່າຊອກຫາທາງດີໆກໍຈະມີວີທີແກ້ ແລະ ຕ້ອງຢູ່ກັບມັນ ຕິດຕາມທຸກຖານະການ ແລະ ໂຊກດີທີ່ເຮົາມີທຸລະກິດຮອງ ເຊິ່ງບ່ອນໜຶ່ງບໍ່ມີກຳໄລ, ບ່ອນໜຶ່ງໄປບໍ່ໄດ້ ກໍ່ຍັງມີອີກບ່ອນທີ່ມີກຳໄລ ເຊິ່ງມັນຊ່ວຍໄດ້, ບາງທຸລະກິດ ເປັນຫຍັງຈຶ່ງມີການແຕກລາຍທຸລະກິດອອກໄປເຮັດຫຼາຍຢ່າງຍ້ອນຫຼຸດຄວາມສ່ຽງລົງ ເພາະຖ້າທຸລະກິດໃດໜຶ່ງຫຼຸດທຶນ ຫຼື ໄປບໍ່ໄດ້ ຍັງມີທຸລະກິດໜຶ່ງມາຄ້ຳໄວ້ ແຕ່ຖ້າເຮັດທຸລະກິດດຽວເມື່ອພົບວິກິດຈະເຖິງຂັ້ນລົ້ມລະລາຍໄດ້. ສະນັ້ນ, ການເຮັດທຸລະກິດຈຶ່ງຢາກແນະນຳວ່າໃຫ້ເຮັດຫຼາຍຢ່າງຄວບຄູ່ກັນເຊັ່ນ: ພວກເຮົາເຮັດທຸລະກິດຍົກລໍ້ທູໂກ ເຮົາມີກຳໄລບໍ່ສູງເລີຍ ຕົວທີ່ເຮັດໃຫ້ເຮົາຢູ່ໄດ້ແມ່ນໄດ້ເຮັດຫຼາຍຢ່າງ, ເຮັດທຸລະກິດຫຼາຍອັນ ຍົກຕົວຢ່າງ: ທີມງານໄປສົ່ງຍົກລໍ້ທູໂກ ເຮົາກໍ່ຝາກເຄື່ອງລາວຍົກລໍ້ໄປສົ່ງນຳ, ຝາກເຄື່ອງຫອມກາເຟ ໄປສົ່ງນຳ ພາບລວມຄືເຮົາເຮັດທຸລະກິດຫຼາຍຕົວມັນຈິງຢູ່ໄດ້ ແລະ ໃນຊ່ວງໂຄວິດ-19 ກໍ່ເຮັດທຸລະກິດອາຫານຂາຍທາງອອນລາຍນຳ ທ່ານ ນາງ ໂພມະນີ ແກ້ວປະເສີດ ກ່າວໃນຕອນທ້າຍ

ປັດຈຸບັນ, ທ່ານ ນາງ ໂພມະນີ ແກ້ວປະເສີດ ແມ່ນເປັນເຈົ້າຂອງກາເຟລາວຍົກລໍ້ ສົ່ງອອກຕ່າງແຂວງ ປະມານ 30 ສາຂາ, ເຈົ້າຂອງຮ້ານຫອມກາເຟ ມີ 28 ສາຂາ ແລະ ຜະລິດຕະພັນຍົກລໍ້ທູໂກ

LEAVE A REPLY

Please enter your comment!
Please enter your name here