ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ເມື່ອກ້າວເຂົ້າສູ່ລະຝົນ, ອາຫານຍອດນິຍົມໃນໄບຍະນີ ກໍ່ຕ້ອງແມ່ນຫອຍ ເຊີ່ງຫອຍໃນບ້ານເຮົາກໍ່ມີຫຼາຍໆຊະນິດ ແຕ່ມື້ນີ້, ອິນໄຊລາວ ຈະພາໄປຮູ້ຈັກກັບ 3 ຫອຍ ທີ່ມີລັກສະນະຄ້າຍຄືກັນ ຈົນເກືອບເບີ່ງບໍ່ອອກວ່າຫອຍຫຍັງເປັນຫອຍຫຍັງ

ຫອຍປັງ / Dark Green Apple snail

ລັກສະນະພາຍນອກໂດຍທົ່ວໄປຄ້າຍຄືກັບຫອຍໂອກ ແລະ ຫອຍປາກກວ້າງ, ແຕ່ມີຊິ້ນທີ່ນຸ່ມກວ່າ, ຄົນຈຶ່ງນິຍົມນຳຫອຍປັງມາເຮັດກ້ອຍອັນແສນແຊບສ້ອຍ, ເພາະຫອຍປັງມີກີ່ນຄາວນ້ອຍກວ່າຫອຍໂອກ ແລະ ຫອຍກິນຫຍ້າ

ລັກສະນະພາຍນອກ ຈະມີຮູບຮ່າງ ຫຼື ຮູບຊົງຄ້າຍໄຂ່ ແລະ ກົ້ນແຫຼມ, ສີຈະເປັນສີຂຽວ ຫຼື ສີຂຽວອົມເຫຼືອງປົນສີນ້ຳຕານ, ຂອບປາກບາງ, ເປືອກດ້ານໃນຈະເປັນສີສົ້ມ, ປາກບໍລິເວນຝາໜາ ແລະ ຄ້າຍຮູບໝາກມ່ວງ ແລະ ກຽວເປືອກມີ 4 ກຽວ.

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ຫອຍໂອກ / Apple Snailn

ລັກສະນະທົ່ວໄປຂອງຫອຍໂອກ ຫຼື ຫອຍໂຄ່ງ ເປືອກມີລັກສະນະໂພງກົມເປັນກຽວ, ຊ່ອງປາກຂອງເປືອກກວ້າງ, ມີຝາໜາ ແລະ ປິດຄັກແນ່, ຕິນແປ  ແລະ ກວ້າງ, ໂຕຫອຍຈະມີຈະງອຍປາກແບ່ງເປັນສອງຮິມ, ແຕ່ລະຮີມຈະມີໜວດຮຽວ ແລະ ຍາວຫຼາຍ, ຕາຢູ່ທີ່ບໍລິເວັນກົກໜວດ, ຍອດກົ້ນເປືອກສັ້ນ ຫຼື ເກືອບແປ, ເປືອກຈະມັກເປັນສີຂຽວປົນສີນ້ຳຕານ ເປັນສີລ້ວນທັ້ງເປືອກ ຫຼື ເປັນລາຍສີເຫຼືອງ, ຂອບປາກຈະບາງເປືອກດ້ານໃນຂອງຂອບປາກຈະມີສີຂາວ ຫຼື ສີເຫຼືອງປົນສີສົ້ມ, ປາກບໍລິເວັນຝາປິດຄ້າຍຮູບໝາກມ່ວງ ແລະ ກຽວມີປະມານ 3 ຮອບກຽວ

ຫອຍປາກກວ້າງ ຫຼື ຫອຍເຊີຣີ / Golden apple snail

ຫອຍປາກກວ້າງເປັນຫອຍນໍ້າຈືດຊະນິດຫນຶ່ງ ມີລັກສະນະຄືຫອຍໂອກ ແຕ່ເປືອກອ່ອນກວ່າ, ຝາບາງ ເປືອກມີສີຂຽວເຂັ້ມປົນດໍາ ໂຕແກ່ອາຍຸປະມານ 3 ເດືອນສາມາດປະສົມພັນໄດ້, ຫຼັງຈາກປະສົມພັນໄດ້ 1-2 ວັນ ໂຕແມ່ກໍ່ຈະວາງໄຂ່ຕາມຕົ້ນເຂົ້າ, ກິ່ງໄມ້, ເຫງົ້າໄມ້ແຄມນໍ້າ ຫຼື ຂ້າງຄັນນາໃນຍາມກາງຄືນ. ຫອຍໂຕແມ່ສາມາດວາງໄຂ່ໄດ້ຕະຫຼອດປີ ໂດຍສະເພາະລະດູຝົນ, ໄຂ່ມີສີບົວເກາະຕິດກັນເປັນກຸ່ມ, ກຸ່ມລະປະມານ 1.000-1.200 ຫນ່ວຍຂຶ້ນກັບຂະຫນາດຂອງຫອຍໂຕແມ່ ເຊິ່ງຈະມີໄລຍະໄຂ່ 7-12 ມື້ ແລະ ຈະແຕກເປັນໂຕນ້ອຍ

ແນວໃດກໍ່ຕາມ, ຫອຍທັງ 3 ນີ້ ຄົນລາວເຮົາກໍ່ມັກຈະນຳມາປຸງແຕ່ງອາຫານຄ້າຍໆກັນ ເປັນຕົ້ນປີ້ງ, ຕົ້ມ, ກ້ອຍ, ແລະ ອົບ ແລ້ວແຕ່ຜູ້ມັກກິນ. ແລ້ວທ່ານເດ ມັກເອົາໄປເຮັດຫຍັງກິນ

LEAVE A REPLY

Please enter your comment!
Please enter your name here