ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ເນື່ອງຈາກໃນຫຼາຍມື້ທີ່ຜ່ານມາ, ໃນສື່ອອນລາຍປະເທດໄທ ໄດ້ມີການເຜີຍແຜ່ຂ່າວສານທີ່ມີລັກສະນະເຊີນຊວນຄົນໄທ ທີ່ອາໄສຢູ່ໃນ ສປປ ລາວ ໄປຮັບການສັກວັກຊີນປ້ອງກັນໂຄວິດ-19 ໄດ້ ໂດຍສະມາດເລືອກໄດ້ວ່າຈະສັກວັກຊີນຍີ່ຫໍ້ໃດ ລວມທັງໄຟເຊີ້

ແຕ່ຖ້າເບີ່ງຄືນແລ້ວ, ໂດຍອີງຕາມເພຈທາງການຂອງ ສປປ ລາວ ເຮົາ ບໍ່ມີຂໍ້ຄວາມ ແລະ ປະໂຫຍກໃດທີ່ບອກວ່າ “ເຊີນຊວນຄົນໄທໃນລາວໄປສັກວັກຊີນປ້ອງກັນພະຍາດໂຄວິດ-19 ແລະ ມີສິດເລືອກສັກວັກຊີນໄດ້ ວ່າຈະສັກຊີໂນຟາມ ຫຼື ໄຟເຊີ້”

ຕາມຄວາມເປັນຈີງແລ້ວ, ເພີ່ນໄດ້ແຈ້ງເຖິງກຸ່ມເປົ້າໝາຍ ແລະ ເອກະສານອ້າງອີງເຖິງ ສຳລັບຜູ້ທີ່ສາມາດສັກວັກຊີນໄຟເຊີ້ໄດ້ ໃນນະຄອນຫຼວງວຽງຈັນມີ 3 ກຸ່ມເປົ້າໝາຍຄື:

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ
  • ຜູ້ເຖົ້າອາຍຸ 60 ປີຂຶ້ນໄປ ໃຫ້ຖືບັດປະຈຳໂຕ ຫຼືສຳມະໂນຄົວມານຳ
  • ຜູ້ທີ່ເປັນພະຍາດປະຈຳຕົວ ໃຫ້ຖືໜັງສືຕິດຕາມການກວດພະຍາດ ແລະ ໃບກວດຕ່າງໆມານຳ
  • ສຳລັບຄົນຕ່າງປະເທດນັ້ນ ໃຫ້ຖືບັດຢືນຢັນສະຖານທີ່ເຮັດວຽກມານຳ

ແລະ ຍັງລະບຸຢ່າງຊັດເຈນວ່າ: ທ່ານໃດທີ່ບໍ່ຢູ່ກຸ່ມເປົ້າໝາຍ ແລະ ບໍ່ມີເອກະສານອ້າງອີງນັ້ນ ຈະບໍ່ໄດ້ຮັບການສັກວັກຊີນໄຟເຊີ້ຢ່າງເດັດຂາດ

ນອກຈາກນີ້,​ ສຳນັກຂ່າວສານ “ປະເທດລາວ Pathedlao” ຍັງໄດ້ອອກມາເວົ້າເຖິງປະເດັ່ນເລື່ອງຄົນຕ່າງຊາດກັບການຮັບວັກຊີນໂຄວິດ-19 ຜ່ານລາຍການເວທີມະຫາຊົນ ໃນວັນທີ 15 ມິຖຸນາ 2021 “ບໍ່ວ່າສັນຊາດໃດ ທີ່ດຳລົງຊີວິດໃນລາວ ລ້ວນແຕ່ມີສິດສັກວັກຊີນ”

ໂດຍພິທີກອນໄດ້ກ່າວວ່າ: “ຕາມນະໂຍບາຍຂອງລັດຖະບານລາວ ທີ່ມີການສັກວັກຊີນປ້ອງກັນໂຄວິດ ບໍ່ໄດ້ເຈາະຈົງສະເພາະຄົນລາວເທົ່ານັ້ນ ຄົນຕ່າງປະເທດທີ່ອາໄສ ຫຼື ດຳລົງຊີວິດຢູ່ໃນລາວ ກໍ່ໄດ້ຮັບສິດນີ້ເຊັ່ນກັນ ນີ້ຄືນະໂຍບາຍບໍ່ໄດ້ເລືອກປະຕິບັດຂອງລັດຖະບານລາວ ຫຼື ເອີ້ນວ່າ ເປັນຫຼັກປະຕິບັດທາງການແພດ ແລະສາທາລະນະສຸກ ບໍ່ວ່າຄົນເລົ່ານັ້ນຈະເປັນຄົນຕ່າງຊາດ ຫຼື ທູດທີ່ອາໄສໃນແຜນດິນລາວ”

ໃນວີດີໂອນີ້ ຍັງມີການສຳພາດຄົນຕ່າງຊາດທີ່ອາໄສທີ່ໄດ້ຮັບວັກຊີນແລ້ວ 3 ຄົນ ໄດ້ແກ່ທ່ານນາງ ແສງແກ້ວ ຫົວໜ້າວິທະຍຸສາກົນແຫ່ງປະເທດຈີນ ປະຈຳລາວ (ຄົນຈີນ) ທ່ານ ເຍືອງດົ່ງບ່າວ ຜູ້ແທນກຸ່ມບໍລິສັດຢາງພາລາຫວຽດນາມ (ຄົນຫວຽດນາມ) ແລະ ທ່ານ ນາງ ນັດທະອອນ ມະຫິດທິກຸນ ກຳມະການຜູ້ຈັດການບໍລິສັດບິກບຣູເອເຈັນຊີລາວ (ຄົນໄທ)

ແນວໃດກໍ່ຕາມ, ຈາກທີ່ພິທີກອນໄດ້ກ່າວໃນລາຍການເວທີມະຫາຊົນນັ້ນ, ສາມາດເວົ້າໄດ້ວ່າ ລັດຖະບານລາວ ໄດ້ປະຕິບັດຕໍ່ຄົນຕ່າງຊາດ ທີ່ອາໄສຢູ່ໃນ ສປປ ລາວ ຢ່າງເທົ່າທຽມກັນ ບໍ່ມີການໃຫ້ສິດທິພິເສດແກ່ຊາດໃດຊາດໜຶ່ງ ໃນການເລືອກສັກວັກຊີນຕາມທີ່ເປັນຂ່າວໃນສື່ອອນລາຍໃນປະເທດໄທ

LEAVE A REPLY

Please enter your comment!
Please enter your name here