ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ເສັ້ນທາງຊາຍໜຸ່ມ ສິລະປິນ ຜູ້ມີຂໍ້ຈຳກັດດ້ານຮ່າງກາຍ ແຕ່ໄດ້ໃຊ້ຂໍ້ຈຳກັດນີ້ ໃຫ້ເປັນແຮງຊຸກຍູ້ ໃຫ້ເກີດຄວາມດຸໝັ່ນ ຝຶກຝົນ ໂດຍການໃຊ້ອະໄວຍະວະທີ່ມີຢູ່ ຈົນກາຍເປັນຄວາມສາມາດພິເສດ ສ້າງສັນສິລະປະຂື້ນໄດ້ຢ່າງງົດງາມ

ສີວັນ ສີບຸນເຮືອງ ອາຍຸ 25 ປີ. ປັດຈຸບັນ ຢູ່ບ້ານຕານມີໄຊ ເມືອງ ໄຊທານີ ນະຄອນຫຼວງວຽງຈັນ ໂດຍສີວັນໄດ້ເລົ່າໃຫ້ຟັງວ່າ ຕົນເອງໄດ້ສູນເສຍແຂນທັງສອງຂ້າງ ຕອນເມື່ອອາຍຸໄດ້ 16 ປີ ເນື່ອງຈາກເກີດອຸບັດເຫດໄຟຟ້າຊ໋ອດ ໃນຂະນະທີ່ຊ່ວຍວຽກພໍ່

ຫຼັງຈາກນັ້ນ, ສີວັນໄດ້ເລີ່ມຝຶກຝົນຕົນເອງໃນດ້ານສິລະປະນີ້ຕັ້ງແຕ່ອາຍຸ 17 ປີ

ບ່ອນສະແດງໂຄສະນາ

ສີວັນ ຍັງໄດ້ເລົ່າໃຫ້ອິນໄຊລາວຟັງ ເຖິງຈຸດເລີ່ມຕົ້ນກ່ອນທີ່ຈະມາຝຶກຝົນເອົາດີດ້ານນີ້ວ່າ: ຂ້າພະເຈົ້າໄດ້ເລີ່ມຝຶນຝົນການແຕ້ມຮູບ ຫຼັງຈາກທີ່ຕົນເອງໄດ້ເສຍແຂນທັງສອງຂ້າງໄປໄດ້ປີໜຶ່ງ ເນື່ອງຈາກວ່າຕົນເອງຢາກຊອກຫາພອນສະຫວັນໃນຕົນເອງທີ່ເຫຼືອຢູ່.

ສີວັນເລົ່າຕື່ມວ່າ: ຕົນເອງແມ່ນໄດ້ແຮງບັນດານໃຈມາຈາກຜູ້ພິການແຂນຄົນໜຶ່ງ (ປະເທດເພື່ອນບ້ານ) ທີ່ເພີ່ນສາມາດແຕ້ມຮູບໄດ້. ຄິດວ່າເຮົາກໍ່ຕ້ອງເຮັດໄດ້ເຊັ່ນກັນ ໂດຍຕົນເອງໄດ້ຕັ້ງໃຈຝຶກຝົນມາເລື່ອຍໆ ຈົນສາມາດແຕ້ມຮູບຂາຍສ້າງລາຍຮັບໃຫ້ກັບຄອບຄົວໄດ້

ເນື່ອງຈາກວ່າຕົນເອງບໍ່ມີແຂນ ຈື່ງຈຳເປັນຕ້ອງຝຶກຝົນຕົນເອງຫຼາຍກວ່າຄົນປົກກະຕິ 2-3 ເທົ່າ ສີວັນກ່າວ

ນອກຈາກນີ້, ສີວັນຍັງໄດ້ຝາກເຖິງຜູ້ທີ່ກໍາລັງທໍ້ແທ້ວ່າ ເຖິງວ່າຮ່າງກາຍເຮົາຈະບໍ່ຄົບຖ້ວນສົມບູນ ແຕ່ເຮົາກໍ່ສາມາດເອົາຈຸດນັ້ນ ມາເປັນແຮງບັນດານໃຈ ແລະ ຝຶກຝົນ ສູ້ໃໝ່ ເລີ່ມໃໝ່ ໄດ້ຕະຫຼອດ ເພາະການທີ່ເຮົາບໍ່ຍອມແພ້ຕໍ່ໂຊກຊະຕາ ຈະສາມາດເຮັດໃຫ້ເຮົາຜ່ານຜ່າທຸກອຸປະສັກໄດ້

ສຳລັບທ່ານໃດ ທີ່ສົນໃຈຜົນງານຂອງສີວັນ ແມ່ນສາມາດຕິດຕໍ່ໄດ້ຜ່ານເຟສບຸກສ່ວນຕົວ : Vanh LikeDrawing

Hits: 0

ບ່ອນສະແດງໂຄສະນາ

ອອກ​ຈາກ REPLY ເປັນ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້