ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ເນື່ອງຈາກປັດຈຸບັນ, ນະຄອນຫຼວງວຽງຈັນ ຍັງມີຕົວເລກຜູ້ຕິດເຊື້ອພະຍາດໂຄວິດ-19 ເພີ່ມຂຶ້ນຢູ່ ແລະ ບັນດາສະຖານທີ່ ທີ່ຜູ້ຕິດເຊື້ເອເຄີຍເດີນທາງໄປສ່ວນຫຼາຍກໍ່ແມ່ນຕະຫຼາດສົດ

ແລະ ເນື່ອງຈາກວ່າອາຫານຍັງມີຄວາມຈຳເປັນໃນການດຳລົງຊີວິດຂອງມະນຸດເຮົາ ແລະ ໃນສະຖານະການ ການລະບາດຂອງໂຄວິດ-19 ໃນປັດຈຸບັນ ເຖິງວ່າຈະມີມາດຕະການຜ່ອນຜັນຫຼາຍໆຢ່າງແລ້ວກໍ່ຕາມ ແຕ່ການປະຕິບັດມາດຕະການປ້ອງກັນຕົນເອງ ກໍ່ຖືວ່າຍັງຈຳເປັນ ແລະ ສຳຄັນຢູ່

ມື້ນີ້, ອິນໄຊລາວ ຈຶ່ງມີຂໍ້ແນະນຳວິທີປ້ອງກັນຕົນເອງຈາກພະຍາດໂຄວິດ-19 ໃນການໄປຕະຫຼາດສົດ ມີດັ່ງນີ້:

ບ່ອນສະແດງໂຄສະນາ

ຂໍ້ຄວນປະຕິບັດຂອງຜູ້ໄປຊື້ອາຫານໃນຕະຫຼາດ

  • ລ້າງມືດ້ວຍສະບູ ຫຼື ເຈວເອວກໍຮໍທຸກຄັ້ງ ຫຼັງຈັບສັດ ຫຼື ຜະລິດຕະພັນຈາກສັດ
  • ເມື່ອໄປເລາະຕະຫຼາດ ຄວນຫຼີກລ້ຽງການຈັບຕາ, ດັງ ແລະ ປາກ
  • ຫຼີກລ້ຽງການຈັບສັດທີ່ປ່ວຍ ແລະ ຊີ້ນສັດທີ່ເນົ່າເສຍ
  • ຫຼີກລ້ຽງການຈັບສັດທີ່ບໍ່ມີເຈົ້າຂອງ ລວມທັງຂີ້ເຫຍື້ອ ແລະ ຂອງເສດເຫຼືອຈາກຕະຫຼາດສົດ
  • ຮັກສາໄລຍະຫ່າງ 1 ແມັດຂຶ້ນໄປ
  • ເມື່ອກັບຮອດເຮືອນ ຄວນອາບນ້ຳ ອະນາໄມຮ່າງກາຍ ແລະ ຊັກເສື້ອຜ້າທັນທີ

ຂໍ້ຄວນປະຕິບັດຂອງພໍ່ຄ້າ ແມ່ຄ້າ ແລະ ຜູ້ທີ່ເຮັດວຽກຢູ່ຕະຫຼາດ

  • ລ້າງມື, ອະນາໄມອຸປະກອນທີ່ໃຊ້ເຮັດວຽກຢ່າງໜ້ອຍມື້ລະຄັ້ງ
  • ໃສ່ເສື້ອຜ້າປິດສະໜິດ
  • ໃສ່ຖົງມື ແລະ ໜ້າການອະນາໄມ
  • ບໍ່ຊຸມແຊວກັນເປັນກຸ່ມ
  • ຖອດເສື້ອແລະອຸປະກອນປ້ອງກັນ ຫຼັງໃຊ້ງານຮຽບຮ້ອຍ ອະນາໄມທຸກມື້ແລະບໍ່ນຳກັບບ້ານ
  • ເມື່ອກັບຮອດເຮືອນ ຄວນອາບນ້ຳ ອະນາໄມຮ່າງກາຍ ແລະ ຊັກເສື້ອຜ້າທັນທີ ລວມທັງເກີບ

ແນວໃດກໍ່ຕາມ, ນອກຈາກຕະຫຼາດແລ້ວ ສະຖານທີ່ອຶ່ນໆທີ່ມີຄວາມແອອັດ ແລະ ມີຄວາມສ່ຽງ ກໍ່ຄວນປະຕິບັດມາດຕະການພຶ້ນຖານໃນການປ້ອງກັນ ເປັນຕົ້ນແມ່ນ: ໃສ່ຫນ້າກາກອະນາໄມ, ລ້າງມືເປັນປະຈຳ, ຮັກສາໄລຍະຫ່າງ ແລະ ບໍ່ສຳພັດບໍລິເວນໃບຫນ້າເດັດຂາດ

Hits: 0

ບ່ອນສະແດງໂຄສະນາ

ອອກ​ຈາກ REPLY ເປັນ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້