ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ອີງຕາມການຖະແຫຼງຂ່າວຂອງຄະນະສະເພາະກິດ ໃນວັນທີ 5 ພຶດສະພາ 2021 ໂດຍການເຂົ້າຮ່ວມຂອງ ທ່ານ ພົນຕີ ຄຳກິ່ງ ຜຸຍຫຼ້າມະນີວົງ ຫົວໜ້າກົມໃຫຍ່ຕຳຫຼວດ ກະຊວງປ້ອງກັນຄວາມສະຫງົບ ໄດ້ແຈ້ງກ່ຽວກັບຄວາມຄືບໜ້າໃນການສືບສວນສອບສວນບຸກຄົນ-ກຸ່ມຄົນທີ່ເປັນຕົ້ນເຫດຂອງການແຜ່ເຊື້ອໂຄວິດ-19 ໃນ ສປປ ລາວ

ໂດຍທ່ານໃຫ້ຮູ້ວ່າ: ຜ່ານການສືບສວນສອບສວນຂອງເຈົ້າໜ້າທີ່, ຈຶ່ງຮູ້ໄດ້ວ່າກຸ່ມຄົນດັ່ງກ່າວມີອາຊີບເປັນກຳມະກອນ, ນັກຮຽນນັກສຶກສາ ແລະ ເຈົ້າໜ້າທີ່ຂອງລັດ

ການກະທຳຂອງພວກກ່ຽວເປັນການລະເມີດຕໍ່ກົດໝາຍຂອງ ສປປ ລາວ ເປັນການກະທຳຜິດຕໍ່ປະມວນກົດໝາຍອາຍາ, ກົດໝາຍວ່າດ້ວຍການເຂົ້າ-ອອກ ແລະ ຄຸ້ມຄອງຄົນຕ່າງປະເທດຢູ່ ສປປລາວ, ກົດໝາຍວ່າດ້ວຍການກັນ ແລະ ຄວບຄຸມພະຍາດຕິດຕໍ່

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ແນ່ນອນທີ່ສຸດວ່າ ເປົ້າໝາຍດັ່ງກ່າວຈະຕ້ອງຖືກດຳເນີນຄະດີຕາມຂະບວນການຍຸຕິທຳ, ໝາຍຄວາມວ່າ ອົງການສືບສວນສອບສວນຂອງເຈົ້າໜ້າທີ່ຕຳຫຼວດ ປະກອບສຳນວນຄະດີສັ່ງຟ້ອງສານ ແລະ ຕັດສິນລົງໂທດຕາມສະຖານຄວາມຜິດໜັກ ຫຼື ເບົາຂອງແຕ່ລະຄົນ,

“ເຖິງວ່າກຸ່ມຄົນດັ່ງກ່າວຈະເປັນເຈົ້າໜ້າທີ່ລັດ, ເປັນກຳມະກອນ, ນັກສຶກສາ, ເປັນປະຊາຊົນທົ່ວໄປ ຈະແມ່ນຄົນລາວ ຫຼື ຄົນຕ່າງປະເທດ ກໍຕ້ອງປະຕິບັດຕາມລະບຽບກົດໝາຍຂອງ ສປປ ລາວ ເພື່ອໃຫ້ຄວາມເປັນທຳແກ່ສັງຄົມ” ທ່ານ ພົນຕີ ຄຳກິ່ງ ຜຸຍຫຼ້າມະນີວົງ ກ່າວ

LEAVE A REPLY

Please enter your comment!
Please enter your name here