ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ເພື່ອປ້ອງກັນ, ສະກັດກັ້ນອຸປະຕິເຫດຈະລາຈອນທາງບົກ ໃນໄລຍະການສະເຫຼີມສະຫຼອງສົ່ງທ້າຍປີເກົ່າ ແລະ ຕ້ອນຮັບປີໃຫມ່ລາວ ພສ 2564, ໃຫ້ມີຄວາມສະຫງົບ, ຄວາມເປັນລະບຽບຮຽບຮ້ອຍ ແລະ ປອດໄພໃນການສັນຈອນ, ເຮັດໃຫ້ການຫຼີ້ນບຸນປີໃຫມ່ລາວມີຄວາມເບີກບານມ່ວນຊື່ນ ແລະ ຖືກຕ້ອງຕາມຮີດຄອງປະເພນີອັນ ດີງາມຂອງຊາດລາວເຮົາ

ກົມໃຫຍ່ຕໍາຫຼວດ ກະຊວງປ້ອງກັນຄວາມສະຫງົບຈື່ງອອກແຈ້ງການ ດັ່ງນີ້ :

  • ຜູ້ຂັບຂີ່ລົດຕ້ອງເຄົາລົບ ແລະ ປະຕິບັດຕາມກົດລະບຽບຈະລາຈອນ ຢ່າງເຂັ້ມງວດ
  • ຫ້າມຜູ້ຂັບຂີ່ດື່ມສິ່ງມືນເມົາ ( ເມົາຫ້າມຂັບຂີ່ລົດ ) ຢ່າງເດັດຂາດ ຖ້າຫາກກວດກາພົບເຫັນ ເຈົ້າຫນ້າທີ່ຕໍາຫຼວດຈະລາຈອນຈະໄດ້ກັກໄວ້, ຊ່ວງເມົາແລ້ວຈື່ງອະນຸຍາດໃຫ້ໄປ ຫຼື ໃຫ້ຍາດພີ່ນ້ອງ ຫມູ່ຄູ່ມາຮັບເອົາເພື່ອຮັບປະກັນຄວາມປອດໄພ.
  • ຫ້າມຂັບຂີ່ລົດໄວເກີນກົດຫມາຍກໍານົດ (ສໍາລັບລົດຂົນສົ່ງໂດຍສານ ຫ້າມແລ່ນໄວເກີນ 80 km/ຊົ່ວໂມງ (ຕາມເສັ້ນທາງຫຼວງ ສະເພາະຢູ່ເຂດນອກເມືອງ)
  • ຜູ້ຂັບຂີ່ລົດຈັກ ຕ້ອງໃສ່ຫມວກກັນກະບຫົບ ທັງຜູ້ຂັບ ແລະ ຜູ້ຊ້ອນທ້າຍ ( ຖ້າຫາກລະເມີດຈະໄດ້ກັກລົດໄວ້ )ເພື່ອຄວາມປອດໄພຂອງທ່ານ.
  • ຫ້າມຂີ່ລົດຈັກ ເປັນມົ້ງເປັນແພຊີ່ງກັນຕາມເສັ້ນທາງ ຢ່າງເດັດຂາດ.
  • ຜູ້ຂັບຂີ່ລົດໃຫຍ່ ຕ້ອງຮັດສາຍແອວນິລະໄພ ເພື່ອຮັບປະກັນຄວາມປອດໄພໃຫ້ແກ່ຜູ້ຂັບຂີ່ ແລະ ຜູ້ໂດຍສານ.
  • ຫ້າມນໍາໃຊ້ລົດກະບະບັນທຸກກົນໂດຍສານໃສ່ກະບະ ຫຼື ນັ່ງຝາທ້າຍຢ່າງເດັດຂາດ.
  • ຫ້າມນໍາໃຊ້ລົດຂົນສົ່ງໂດຍສານ ບັນທຸກສິນຄ້າ, ບັນທຸກຜູ້ໂດຍສານເກີນກໍານົດ ແລະ ຊ່ວງຊີງເອົາຜູ້ໂດຍສານຢ່າງເດັດຂາດ.
  • ລົດຂົນສົ່ງໂດຍສານທາງໄກ ຕ້ອງມີໂຊເຟີສໍາຮອງ ທຸກຄັ້ງເວລາເດີນທາງ.
  • ກ່ອນຈະນໍາໃຊ້ພາຫະນະເດີນທາງໄກ ຕ້ອງກວດສະພາບເຕັກນິກ ແລະ ຄວາມພ້ອມຂອງລົດ ໃຫ້ມີຄວາມຮັບປະກັນ ເປັນຢ່າງດີ.
  • ຫ້າມເອົາຖັງນ້ໍາໃສ່ລົດຫົດ ຫຼື ສາດໃສ່ກັນໃນເວລາສັນຈອນຕາມເສັ້ນທາງ ຢ່າງເດັດຂາດ.
  • ຫ້າມຫຼິ້ນນ້ໍາຢູ່ຕາມແຄມທາງ ຫຼື ອັດລົດຫົດນ້ໍາຕາມເສັ້ນທາງ ຢ່າງເດັດຂາດ.
  • ຫ້າມເອົານ້ໍາ, ນ້ໍາກ້ອນໃສ່ຖົງຢ່າງແລ້ວແກວ່ງໃສ່ກັນໃນເວລາລົດສັນຈອນໄປ – ມາຢ່າງເດັດຂາດ ເພື່ອຫຼີກລ່ຽງການເກີດອຸບປະຕິເຫດຈະລາຈອນ..
  • ຫ້າມຜູ້ປົກຄອງປະປ່ອຍໃຫ້ເດັກນ້ອຍທີ່ອາຍຸບໍ່ເຖິງກະສຽນ ຂັບຂີ່ລົດຈັກຢ່າງເດັດຂາດ.
  • ຖ້າບຸກຄົນໃດລະເມິດ ຈະຖືກສຶກສາອົບຮົມ, ປັບໃຫມ ແລະ ປະຕິບັດຕາມລະບຽບກົດຫມາຍ ຕາມສະຖານຫນັກ ຫຼື ເບົາ

ພ້ອມກັນນີ້, ກົມໃຫຍ່ຕາຫຼວດ, ກະຊວງປ້ອງກັນຄວາມສະຫງົບ ຍັງຮຽກຮ້ອງມາຍັງບັນດາທ່ານຜູ້ທີ່ໃຊ້ລົດ, ໃຊ້ຖະຫນົນ ຈົ່ງໃຫ້ຄວາມຮ່ວມມື ແລະ ເປັນເຈົ້າການປະຕິບັດກົດຈະລາຈອນຢ່າງເຂັ້ມງວດ ເພື່ອຫຼຸດຜ່ອນຄວາມຮຸນແຮງ ແລະ ຜົນເສຍຫາຍຈາກການເກີດ ອຸບປະຕິເຫດຈະລາຈອນທາງບົກ.

ບ່ອນສະແດງໂຄສະນາ
ບ່ອນສະແດງໂຄສະນາ

ອອກ​ຈາກ REPLY ເປັນ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້