ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ຄືທຸກຫຼາຍໆຄົນຮູ້ແລ້ວວ່າ, ນ້ຳໝາກພ້າວ ແມ່ນມີປະໂຫຍດຕໍ່ທ່ານຊາຍ ເພາະມັນຊ່ວຍກະຕຸ້ນ ແລະ ເສີມສ້າງການເຮັດວຽກຂອງລະບົບສືບພັນ

ແຕ່ມື້ນີ້, ອິນໄຊລາວ ຈະພາທຸກຄົນໄປຮູ້ຈັກປະໂຫຍດດ້ານອື່ນໆ ຂອງໝາກພ້າວຕື່ມອີກ

ນໍ້າໝາກພ້າວ ຂຶ້ນຊື່ວ່າເປັນໝາກໄມ້ທີ່ມີປະໂຫຍດຫຼາກຫຼາຍ ແລະ ຍັງເປັນໝາກໄມ້ຍອດຮິດຂອງບັນດາຄົນດັງໃນວົງການ ຮໍລີວູດ (Hollywood) ແຕ່ຫຼາຍຄົນອາດຍັງບໍ່ຮູ້ວ່າໝາກພ້າວ 1 ລູກປະກອບມີສານອາຫານອີ່ຫຍັງແນ່ ແລະ ດີຕໍ່ຮ່າງກາຍແນວໃດ

ບ່ອນສະແດງໂຄສະນາ

ປົກກະຕິແລ້ວໝາກພ້າວ 1 ໜ່ວຍຈະໃຫ້ນໍ້າປະມານ 1 ຈອກ ຫຼື ປະມານ 240 ມິນລີລິດ ແລະ ໃຫ້ພະລັງງານ 46 ແຄລໍລີ ໂດຍສານອາຫານທີ່ຈະໄດ້ຈາກການດື່ມໝາກພ້າວ 1ຈອກ ແມ່ນມີດັ່ງນີ້: ຄາໂບໄຮເດດ: 9 ກາມ, ໄຟເບີ້: 3 ກາມ, ໂປຣຕີນ: 2 ກາມ, ວິຕາມິນຊີ: 10 ເປີເຊັນ ຂອງປະລິມານທີ່ແນະນຳໃຫ້ບໍລິໂພກຕໍ່ມື້ (RDI), ແມັກດີຊຽມ: 15% (RDI), ແມງການນີສ: 17% (RDI), ໂພແທສຊຽມ: 17% (RDI), ໂຊດຽມ: 11% (RDI), ແຄວຊຽມ: 6% (RDI)

ປະໂຫຍດຂອງສານອາຫານຕ່າງໆ

ຄາໂບໄຮເດດ

ໃຫ້ພະລັງງານ ແລະຄວາມອົບອຸ່ນແກ່ຮ່າງກາຍ ເຮັດໃຫ້ຮ່າງກາຍສາມາດເຄື່ອນໄຫວເພື່ອເຮັດວຽກຫຼືແະກອບກິດຈະກຳຕ່າງໆໄດ້ ຊ່ວຍເຜົາຜານໄຂມັນໃນຮ່າງກາຍໃຫ້ເປັນໄປຕາມປໄກກະຕິ ໂດຍຄາໂບໄຮເດດ 1 ກາມ ຈະໃຫ້ພະລັງງານ 4 ແຄລໍລີ

ໄຟເບີ້

ຊ່ວຍຫຼຸດປະລິມານຄໍເລດເຕີລໍໃນເລືອດໃຫ້ໜ້ອຍລົງ ຈຶ່ງຫຼຸດຄວາມສ່ຽງຕໍ່ການເກິດຫົວໃຈ ແລະໂລກຫຼອກເລືອດໄດ້ ແລະຍັງຊ່ງຍກະຕຸ້ນລະບົບຂັບຖ່າຍຊ່ວຍໃຫ້ລຳໄສ້ບີບໂຕໄດ້ດີຂຶ້ນ ແລະຊ່ວຍໃຫ້ລະບົບຶາຫານເຮັດວຽກໄດ້ດີຂຶ້ນອີກດ້ວຍ

ໂປຣຕີນ

ຊ່ວຍເສີມສ້າງການຈະເລີນເຕີບໂຕຂອງຮ່າງກາຍ ປັບແຕ່ງສ່ວຍງນທີ່ເສຍຫາຍໃນຮ່າງກາຍ ຊ່ວຍຮັກສາສົມດຸນຂອງນໍ້າຕານໃນເລືອດ ແລະເຊວຕ່າງໆໃນຮ່າງກາຍ ລວມໄປເຖິງຄວາມເປັນກົດດ່າງຂອງຮ່າງກາຍ

ວິຕາມິນຊີ

ຊ່ວຍເສີມສ້າງພູມຄຸ້ມກັນຂອງຮ່າງກາຍ ເພີ່ມປະສິດທິພາບໃນການກະຕຸ້ນລະບົບການໄຫຼວຽນຂອງເລືອດ ແລະມີປະສິດທະພາບໃນການຕໍ່ຕ້ານສານອະນຸມູນອິດສະລະ

ແມັກນີຊຽມ

ມີຄວາມສຳຄັນຕໍ່ລະບົບການເຮັດວຽກຂອງເສັ້ນປະສາດແລະກ້າມເນື້ອ ເປັນແຮ່ທາດທີ່ມີສ່ວນຊ່ວຍໃນການປ່ຽນແປງນໍ້າຕານໃນເລືອດໃຫ້ເປັນພະລັງງານ ລວມໄປເຖິງຄວບຄຸມການເຮັດວຽກຂອງລະບົບປະສາດ ຈຶ່ງຊ່ວຍຜ່ອນຄາຍຄວາມຄຽດໄດ້

ແມງການີສ

ຊ່ວຍເຮັດໃຫ້ລະບົບປະສາດແລະສະໝອງເຮັດວຽກໄດ້ດີຢ່າງເປັນປົກກະຕິ ແລະມີປະສິດທິພາບຫຼາຍຂຶ້ນ ມີຄວາມສຳຄັນຕໍ່ການເຮັດວຽກຂອງລະບົບສືບພັນ ຊ່ວຍຫຼຸດການເກີດການສະສົມຂອງໄຂມັນໃນຮ່າງກາຍ ແລະຊ່ວຍໃນການຜະລິດນໍ້ານົມສຳລັບແມ່ມານ

ໂພແທສຊຽມ

ຊ່ວຍໃຫ້ການເຮັດວຽກຂອງລະບົບຮ່າງໆ ໃນຮ່າງກາຍເປັນປົກກະຕິ ຄວບຄຸມສົມດຸນຂອງແຮ່ທາດຕ່າງໆໃນເລືອດໃຫ້ຢູ່ໃນປະລິມານທີ່ເໝາະສົມກັບການເຮັດວຽກ ຊ່ວຍປັບຄວາມດັນຂອງເລືອດໃຫ້ເໝາະສົມ ແລະປ້ອງກັນພາວະກົດໄຫຼຍ້ອນຫຼືກົດເກີນໃນກະເພາະອາຫານ

ໂຊດ້ຽມ

ຄວບຄຸມຄວາມສົມດຸນຂອງເຫຼວໃນຮ່າງກາຍ ຮັກສາຄວາມດັນເລືອດໃຫ້ຢູ່ໃນລະດັບປົກກະຕິ ຊ່ວຍໃນການເຮັດວຽກຂອງປະສາດແລະກ້າມເນື້ອ ລວມໄປເຖິງຊ່ວຍໃນການດູດຊຶມສານອາຫານ ບາງຢ່າງໃນໄຕແລະລຳໄສ້ນ້ອຍນຳ

ຄວຊ້ຽມ

ຊ່ວຍໃນການເງີມສ້າງຄວາມແຂງແຮງຂອງກະດູກ ແຂ້ວ ຜິວໜັງແລະເສັ້ນຜົມຊ່ວຍຫຼຸດຄວາມສ່ຽງຕໍ່ການເປັນໂລກກະດູດເຊື່ອມແລະກະດູກຫັກ ແລະຍັງຄວບຄຸມລະດັບຄວາມດັນເລືອດໃຫ້ຄົງທີ່ອີກດ້ວຍ

ຄວາມມະຫັດສະຈັນຂອງນໍ້າໝາກພ້າວ

ນອກຈາກສານອາຫານຕ່າງໆ ເຫຼົ່ານີ້ ນໍ້າໝາກພ້າວກໍ່ຍັງມີຄຸນປະໂຫຍດທີ່ເຮັດໃຫ້ຫຼາຍຄົນຕ້ອງຕະລຶງມາແລ້ວ ໂດຍສາມາດຊ່ວຍຊີວິດທະຫານໄດ້ຈຳນວນຫຼາຍໃນຊ່ວງສົງຄາມໂລກຄັ້ງທີ 2 ແລະ ສົງຄາມຫວຽດນາມ ເມື່ອແພດນຳນໍ້າໝາກພ້າວມາໃຊ້ເປັນສານລະລາຍທາງຫຼອດເລືອດ ເພື່ອຊ່ວຍຍື້ຊີວິດຂອງບັນດາທະຫານ ເນື່ອງຈາກສານລະລາຍ IV ຂາດແຄນ

ນອກຈາກນີ້ນໍ້າໝາກພ້າວຍັງຊ່ວຍແກ້ອາການແຮັງ ຫຼື ເມົາຄ້າງໄດ້ແບບທຳມະຊາດອີກດ້ວຍ ໂດຍມີການພິສູດມາແລ້ວວ່າການດື່ມນໍ້າໝາກພ້າວ 330 ມິນລີລິດ ຈະຊ່ວຍກະຕຸ້ນໃຫ້ຮ່າງກາຍສົດຊື່ນໄດ້ຄືກັບການດື່ມນໍ້າ 1 ລິດ ບວກກັບການກິນກ້ວຍ 1 ໜ່ວຍ

ຂະນະດຽວກັນ ນໍ້າໝາກພ້າວກໍຍັງໄປກະຕຸ້ນແລະເສີມສ້າງການເຮັດວຽກຂອງລະບົບສືບພັນໄດ້ເຊັ່ນກັນ ໂດຍນໍ້າໝາກພ້າວຈະມີໂຮໂມນໄຟໂຕເອສໂຕເຈນ ທີ່ມີໂຄງສ້າງແລະການອອກລິດຄ້າຍກັບຮໍໂມນເອສໂຕເຈນຫຼືຮໍໂມນເພດຍິງ ຈຶ່ງຊ່ວຍຫຼຸດອາການຮ້ອນວູບວາບ ອາລົມແປປວນແລະເຮື່ອອອກກາງຄືນໃນແມ່ຍິງໄວສະລາໄດ້ ລວມໄປເຖິງຊ່ວຍເພີ່ມລະດັບຮໍໂມນເທສໂທສເຕີໂຣນ ຊຶ່ງເປັນຮໍໂມນເພດຊາຍໄດ້ອີກດ້ວຍ

ບ່ອນສະແດງໂຄສະນາ

ອອກ​ຈາກ REPLY ເປັນ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້