ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ເມື່ອຍ້ອນກັບໄປ ວັນທີ 24 ມີນາ 2020, ສປປ ລາວ ໄດ້ກວດພົບຜູ້ຕິດເຊື້ອພະຍາດໂຄວິດ-19 ຄັ້ງທໍາອິດ 2 ກໍລະນີພ້ອມກັນ ແລະ ໃນມື້ດຽວກັນນັ້ນ, ຄະນະສະເພາະກິດ ກໍໄດ້ອອກຄຳສັ່ງ ໃຫ້ປະຊາຊົນຈຳກັດບໍລິເວນຢູ່ສະຖານທີ່ພັກເຊົາຂອງຕົນເອງ ເນື່ອງຈາກວ່າໄລຍະນັ້ນ ແມ່ນມີແຮງງານລາວ ຫຼັງໄຫຼເຂົ້າມາ ສປປ ລາວ ເປັນຈຳນວນຫຼາຍ.

ຕົກມາຮອດ ວັນທີ 29 ມີນາ 2020, ທ່ານ ທອງລຸນ ສີສຸລິດ (ດຳລົງຕໍາແໜ່ງເປັນ ນາຍົກລັດຖະມົນຕີໃນຂະນະນັ້ນ) ໄດ້ອອກຄໍາສັ່ງເລກທີ 06/ນຍ, ໂດຍໃນນັ້ນປະກອບມີ: ໃຫ້ພະນັກງານທັງພາກລັດ ແລະ ເອກະຊົນ ເຮັດວຽກຢູ່ເຮືອນ, ຫ້າມປະຊາຊົນລາວ, ຄົນຕ່າງດ້າວ ແລະ ຊາວຕ່າງປະເທດ ອອກຈາກເຮືອນຂອງຕົນ ຫຼື ທີ່ພັກຂອງຕົນ ຍົກເວັ້ນແຕ່ຄອບຄົວໜຶ່ງ ໃຫ້ຄົນດຽວອອກໄປຊື້ອາຫານການກິນ ເຄື່ອງໃຊ້ ໄປໂຮງໝໍ ຫຼື ການຈັດຕັ້ງໜ້າທີ່ ຕາມການຈັດຕັ້ງມອບໝາຍ ແຕ່ຕ້ອງໄດ້ໃສ່ໜ້າກາກອະນາໄມທຸກຄົນ, ຫ້າມກັກຕຸນສິນຄ້າ ແລະ ສັ່ງປິດດ່ານປະເພນີ, ທ້ອງຖິ່ນ ແລະ ສາກົນ (ຍົກເວັ້ນລົດບັນທຸກສິນຄ້າ)

ນອກຈາກນີ້, ໃນໄລຍະທີ່ມີການປິດເມືອງນັ້ນ,  ໃນສື່ສັງຄົມອອນລາຍກໍມີການແຊຣເລື່ອງລາວຕ່າງໆເປັນຈຳນວນຫຼາຍ ທັງເລື່ອງລາວດີໆ ແລະ ຂ່າວປອມຕ່າງໆ ເຊີ່ງເດັ່ນໆແມ່ນ: ການຊ່ວຍເຫຼືອເຊີ່ງກັນແລະກັນຂອງຄົນໃນສັງຄົມ ເປັນຕົ້ນແມ່ນ ເຈົ້າຂອງຫ້ອງເຊົ່າ ທີ່ອອກມາປະກາດຫຼຸດຄ່າເຊົ່າ ໃນໄລຍະທີ່ລ໋ອກດາວ,​ ການສ້າງຕູ້ແບ່ງປັນຄວາມສຸກ ເພື່ອຊ່ວຍເຫຼືອຄົນລາວ ແລະ ຄົນທີ່ປະເທດທີ່ຕົກຄ້າງໃນ ສປປ ລາວ ເຊີ່ງຖືວ່າເປັນເລື່ອງທີ່ຄວນຊົມເຊີຍ

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ແຕ່ໃນເວລາດຽວກັນ, ກໍມີກະແສທາງລົບເຊັ່ນດຽວກັນ ເປັນຕົ້ນແມ່ນ ກະແສການກັກຕຸນອາຫານແຫ້ງ, ກະແສເລື່ອງເລື່ອງການຕິດໂຄວິດ-19 ຢູ່ນອກສູນຈຳກັດບໍລິເວນ ແລະ ທີ່ເດັ່ນໆແມ່ນ ກະແສກິນໄຂ່ຕ້ານໂຄວິດ-19 ເຊີ່ງກະແສເຫຼົ່ານີ້ ໄດ້ສ້າງຄວາມສັບສົນໃຫ້ສັງຄົມຫຼາຍໃນເວລານັ້ນ

ຈົນມາຮອດທ້າຍເດືອນພຶດສະພາ, ລັດຖະບານໄດ້ປະກາດຜ່ອນຜັນມາດຕະການຕ່າງໆລົງ, ອະນຸຍາດໃຫ້ເດີນທາງໄປມາຫາສູ່ກັນໄດ້ໃນລະຫວ່າງແຂວງ. ເຮັດໃຫ້ກະແສການທ່ອງທ່ຽວເລີ່ມກັບມາອີກຄັ້ງ ເຫັນໄດ້ຈາກພາບບັນຍາກາດທີ່ເມືອງວັງວຽງຫຼັງຈາກຜ່ອນຜັນມາດຕະການ

ຕົວເລກຜູ້ຕິດເຊື້ອສະສົມຍັງສືບຕໍ່ເພີ່ມຂຶ້ນເຖິງ 19 ກໍລະນີ ໃນເວລາພຽງບໍ່ພໍເທົ່າໃດເດືອນ, ຈົນມາຮອດວັນທີ 10 ມິຖຸນາ 2020 ລັດຖະບານ ສປປ ລາວ ໃນເວລານັ້ນ ນຳໂດຍ ທ່ານ ທອງລຸນ ສີສຸລິດ ໄດ້ອອກມາຖະແຫຼງປະກາດໄຊຊະນະໃນບັ້ນຮົບທີ 1 ທີ່ຕໍ່ສູ້ກັບໂຄວິດ-19 ເຊີ່ງສາມາດປິ່ນປົວຜູ້ຕິດເຊືອທັງໝົດໃຫ້ຫາຍດີ ຈົນຕົວເລກເປັນ 0

ລັດຖະບານປະກາດໄຊຊະນະ ບັ້ນຮົບທີ 1 ໃນການຕໍ່ສູ້ກັບພະຍາດໂຄວິດ-19

ບໍ່ພໍເທົ່າໃດເດືອນ, ສປປ ລາວ ກໍພົບກັບຄວາມກັງວົນອີກຄັ້ງ ເມື່ອຄະນະສະເພາະກິດ ໄດ້ຖະແຫຼງຂ່າວໃນວັນທີ 23 ພະຈິກ 2020 ວ່າ ພົບຜູ້ຕິດເຊື້ອເພີ່ມ 14 ກໍລະນີພ້ອມກັນ ແຕ່ທັງໝົດ ແມ່ນກໍລະນີນຳເຂົ້າຈາກຕ່າງປະເທດ 

ສະຫຼຸບ, ຕັ້ງແຕ່ເດືອນມັງກອນ 2020 ມາຮອດປັດຈຸບັນ ສປປ ລາວ ໄດ້ເກັບຕົວຢ່າງມາກວດທັງໝົດ 127,582 ຕົວຢ່າງ, ກວດພົບເຊື້ອສະສົມພຽງ 49 ກໍລະນີ ແລະ ປັດຈຸບັນ ຍັງມີຜູ້ຕິດເຊື້ອນອນປິ່ນປົວຢູ່ໂຮງໝໍ 4 ກໍລະນີ ແລະ ໂຊກດີ ແມ່ນບໍ່ທັນມີຜູ້ເສຍຊີວິດໃນ ສປປ ລາວ ຈາກພະຍາດດັ່ງກ່າວນີ້.

ເຖິງແນວໃດກໍຕາມ,​ ເຖິງວ່າຢູ່ ສປປ ລາວ ເຮົາ ຈະຍັງບໍ່ມີການລະບາດໃນພາຍນອກຮອບໃໝ່ກໍຕາມ ແຕ່ທາງຄະນະສະເພາະກິດ ຍັງຮຽກຮ້ອງໃຫ້ປະຊາຊົນທຸກຄົນ ສືບຕໍ່ປະຕິບັດມາດຕະການເບື້ອງຕົ້ນໃນການປ້ອງກັນພະຍາດດັ່ງກ່າວຢ່າງເຂັ້ມງວດ. ເນື່ອງຈາກບັຍດາປະເທດອ້ອມຂ້າງຂອງພວກເຮົາ ຍັງມີຕົວເລກຜູ້ຕິດເຊື້ອເພີ່ມຂຶ້ນເລື້ອຍໆ​

LEAVE A REPLY

Please enter your comment!
Please enter your name here