ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ຄືທີ່ເຮົາຮູ້ກັນດີແລ້ວວ່າ ແອັບເວີຊັ່ນ Lite ຕ່າງໆ ແມ່ນຖືກອອກແບບມາເພື່ອໂທລະສັບມືຖື ທີ່ມີຄວາມຈໍາ ທີ່ຈໍາກັດ ເປັນຕົ້ນແມ່ນ: Facebook Lit ve ໂດຍຫຼ້າສຸດ, ເຟສບຸກ ກໍ່ໄດ້ນໍາສະເໜີ Instagram Lite, ທີ່ມາໃນຮູບແບບທີ່ໃໝ່ ແລະ ເບົາກວ່າເກົ່າ. ເໝາະສົມສຳລັບຜູ້ໃຊ້ໂທລະສັບມືຖືທີ່ຮັບຮອງລະບົບດາຕ້າໜ້ອຍ ແລະ ສາມາດໃຊ້ໄດ້ດີທຸກສະພາບເຄືອຂ່າຍ.

Instagram Lite ຖືກປັບໃຫ້ມີຂະໜາດທີ່ນ້ອຍກວ່າ 2MB, ເຮັດໃຫ້ການຕິດຕັ້ງໄດ້ໄວ. ຖືກອອກແບບມາເພື່ອ ນຳສະເໜີຟິວເຈີ້ ຫຼັກຄ້າຍຄືກັນກັບ Instagram ແຕ່ເຮັດໃຫ້ແອັບໄວຂຶ້ນ, ໂດຍບໍ່ຈຳເປັນຕ້ອງຈຳແນກປະເພດອຸປະກອນ, ແພັດຟອມ ແລະ ເຄືອຂ່າຍການເຊື່ອມຕໍ່.

ການພັດທະນາແອັບ ໄດ້ຮັບການຮ່ວມມືຈາກຫຼາຍໆທີມເຊັ່ນ: ທີມວິສະວະກຳ, ທີມຜະລິດຕະພັນ, ທີມອອກແບບ ແລະທີມຄົ້ນຄ້ວາ ຈາກຫ້ອງການ Facebook Tel Aviv ແລະ ຫ້ອງການ New York, ເຊິ່ງເປັນສອງສູນກາງວິສະວະກຳຍຸດທະສາດທີ່ໃຫຍ່ທີ່ສຸດຂອງ Facebook ທົ່ວໂລກ.

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ທ່ານ Tzach Hadar, ຜູ້ອຳນວຍການຝ່າຍບໍລິຫານຜະລິດຕະພັນ ອິນເຕີເຟດ Lite  ແລະ ຫົວໜ້າເວັບໄຊດ້ານເຕັກໂນໂລຢີ Tel Aviv ກ່າວວ່າ “Instagram Lite ແມ່ນສ້າງຕໍ່ຈາກຜົນງານທີ່ພວກເຮົາໄດ້ເຮັດໃຫ້ Facebook Lite ທີ່ Tel Aviv. ພວກເຮົາໄດ້ຖອດຖອນບົດຮຽນຫຼາຍຢ່າງທີ່ໄດ້ຮຽນຮູ້ ແລະ ເຕັກໂນໂລຢີທີ່ຖືກພັດທະນາໃນຂະນະທີ່ພວກເຮົາ ໄດ້ສ້າງ Facebook Lite ແລະ ນຳໃຊ້ມັນເຂົ້າໃນ Instagram Lite. ກັບ Instagram Lite ຜູ້ໃຊ້ທົ່ວໂລກຈະໄດ້ຮັບປະສົບການ Instagram ທີ່ມີຄຸນນະພາບສູງ, ບໍ່ວ່າພວກເຂົາຈະໃຊ້ອຸປະກອນ ຫຼື ເຄືອຂ່າຍໃດກໍ່ຕາມ.”

ຕະຫຼາດທີ່ກຳລັງເຕີບໂຕ ຈະກວມເອົາຫຼາຍກວ່າ 90% ຂອງຜູ້ຊື້ມືຖື ໃໝ່ທົ່ວໂລກ. ແຕ່ໃນຫຼາຍໆປະເທດເຫຼົ່ານີ້, ສັນຍານການເຊື່ອມຕໍ່ອາດບໍ່ສະຖຽນ ແລະ ຄວາມໄວຂອງເຄືອຂ່າຍອາດຈະຍັງຊ້າ, ເຮັດໃຫ້ປະສົບການເຂົ້າໃຊ້ Instagram ແບບຄຸນນະພາບສູງນັ້ນຫຍຸ້ງຍາກ. Instagram Lite ຖືກສ້າງຂຶ້ນມາເພື່ອແກ້ໄຂບັນຫາທາຍເຫຼົ່ານີ້; ແລະໃນຫຼາຍຂົງເຂດຂອງປະເທດລາວ ປະຊາຊົນຍັງປະສົບກັບການເຊື່ອມຕໍ່ທີ່ມີສັນຍານຕໍ່າ.

Instagram Lite ຈະໄດ້ມີການເປີດໃຫ້ນຳໃຊ້ໃນຫຼາຍກວ່າ 170 ປະເທດ. ເຊິ່ງໃນນັ້ນລວມມີ ສປປ ລາວ ຂອງພວກເຮົາອີກດ້ວຍ, Instagram Lite ຈະມີໃຫ້ດາວໂຫຼດໃນ Android Playstore.

LEAVE A REPLY

Please enter your comment!
Please enter your name here