ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ເມື່ອລົມໜາວພັດຜ່ານໄປ ກ້າວເຂົ້າສູ່ລະດູແລງ, ຄົນລາວເຮົາ ມັກຈະຫາອາຫານການກິນໄດ້ທຸກລະດູການ. ຕັ້ງແຕ່ໃຕ້ພື້ນດິນ ຈົນເຖິງຍອດຕົ້ນໄມ້.

ມື້ນີ້, ອິນໄຊລາວ ຈະພາມາຮູ້ຈັກກັບອາຫານຂອງຄົນລາວເຮົາອີກປະເພດໜຶ່ງ ເຊີ່ງເປັນອາຫານທີ່ຢູ່ພື້ນດິນ ແລະ ບັນພະບຸລຸດໄດ້ຂຸດຄົ້ນພົບ ແລະ ຖ່າຍທອດພູມປັນຍາສູ່ລູກຫຼານໃນປັດຈຸບັນ

ເບົ້າ ຫຼື ເບົ້າຂີ້ຄວາຍ ມີຊື່ທາງວິທະຍາສາດວ່າ Heliocoris bucephalus Fabricius ມີລັກສະນະເປັນໜ່ວຍມົນໃຫ່ຍ ໂດຍແມງຈຸດຈີ່ ໄດ້ໄຂ່ໄວ້ໃນກອງຂີ້ຄວາຍ ແລ້ວມ້ວນກ້ອນຂີ້ຄວາຍທີ່ໄຂ່ໄວ້. ໂດຍໃຊ້ປາກດັນຖອຍຫຼັງ ຂາຫຼັງເຮັດໜ້າທີ່ມ້ວນກ້ອນຂີ້ຄວາຍໃຫ້ເປັນຮູບຊົງກົມຂະໜາດໃຫ່ຍ ແລ້ວລຳລຽງລົງໄປໃນຂຸມທີ່ເຮັດໄວ້ ເມື່ອເຂົ້າໄປໃນຂຸມແລ້ວ ກ້ອນເບົ້າຈະຍັງຖືກມ້ວນຕໍ່ ເພື່ອໃຫ້ດິນມາມ້ວນທັບຂີ້ເບົ້າອີກຊັ້ນ ເຊີ່ງ ຂຸມໜື່ງ ຈະມີກ້ອນຂີ້ເບົ້າຢູ່ປະມານ 5-11 ໜ່ວຍ

ບ່ອນສະແດງໂຄສະນາ
ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ວິທີການຫາເບົ້ານັ້ນ, ແມ່ນຈະສັງເກດກອງດິນທີ່ຖືກຂຸດຂຶ້ນມາ ຫຼື ເອີ້ນວ່າ ຂວຍ

ປະມານເດືອນມີນາ ຫາ ເດືອນເມສາ ໂຕອ່ອນຂອງມັນຈະກາຍເປັນດັກແດ້ ຊ່ວງນີ້ຂີ້ຄວາຍຈະຖືກໂຕອ່ອນກິນໝົດ ເຫຼືອພຽງກ້ອນດິນທີ່ເປັນເປືອກ. ເຊີ່ງໃນໄລຍະນີ ດັກແດ້ຈະບໍ່ກິນຫຍັງເລີຍ ແລະ ຖືວ່າເປັນຊ່ວງທີ່ຕົວອ່ອນດັກແດ້ນັ້ນ ຈະມີຄຸນຄ່າທາງດ້ານອາຫານຫຼາຍທີ່ສຸດ ແລະ ບໍ່ມີຂີ້ຄວາຍໃນທ້ອງດັກແດ້

ເບົ້າ ສາມາດນຳມາປະກອບອາຫານໄດ້ຫຼາຍຢ່າງ ເຊັ່ນ: ປີ້ງ, ອ່ອມ, ຕໍາແຈ່ວ ເປັນຕົ້ນ

ປັດຈຸບັນ, ເຮົາມັກຈະພົບເຫັນໜ້ອຍແລ້ວ ແລະ ບາງຄົນອາດຈະຍັງບໍ່ເຄີຍເຫັນ  ບໍ່ຮູ້ຈັກ ແລະ ບໍ່ເຄີຍສຳພັດ ເນື່ອງຈາກວ່າມັນມີຈຳນວນທີ່ຫຼຸດລົງ ຕາມຈຳນວນຂອງງົວຄວາຍ ຕາມຍຸກຕາມສະໄໝ

ແນວໃດກໍ່ຕາມ, ຕາມເຂດຊົນນະບົດ ທີ່ຍັງເຮັດໄຮ່ເຮັດນາ ລ້ຽງງົວລ້ຽງຄວາຍ ແມ່ນຍັງພົບເຫັນກ້ອນເບົ້າຢູ່, ແລະ ຍັງມັກພົບເຫັນຕາມຕະຫຼາດຊຸມຊົນໃນທ້ອງຖິ່ນອີກດ້ວຍ.​

Hits: 40

LEAVE A REPLY

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້