ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ໃນຕອນເຊົ້າຂອງວັນທີ 23 ກຸມພາ 2021 ໄດ້ມີພິທີເປີດເທດສະການອາຫານລາວ ປະຈຳປີ 2021 ຂຶ້ນຢ່າງເປັນທາງການ ພາຍໃຕ້ຄໍາຂວັນ ກິນ ຢູ່ ຮຽນຮູ້ວິຖິລາວ . ໂດຍປີນີ້, ແມ່ນໄດ້ຈັດຂຶ້ນ ຕາມການຊີ້ນຳຂອງຄະນະສະເພາະກິດ ກ່ຽວກັບ ການຮັກສາມາດຕະການ ການປ້ອງກັນພະຍາດໂຄວິດ-19 ທີ່ກຳລັງລະບາດຢູ່ໃນທົ່ວໂລກ.

ສຳລັບປີນີ້, ເທດສະການອາຫານລາວ ແມ່ນໄດ້ມີການຄັດຈ້ອນຮ້ານຄ້າທີ່ເຂົ້າຮ່ວມເຫຼືອພຽງ 120 ຮ້ານ ຈາກທັງໝົດ 200 ຮ້ານ. ເຊີ່ງໃນນີ້ ໄດ້ແບ່ງອອກເປັນ 3 ພາກສ່ວນຄື:​ ພາກສ່ວນອາຫານລາວ, ພາກສ່ວນອາຫານອາຊຽນ ແລະ ພາກສ່ວນເຄື່ອງທີ່ລະລຶກ

ທາ່ນ ນາງ ຈັນທະຈອນ ວົງໄຊ ຕ່າງໜ້າຄະນະຈັດງານເທດສະການອາຫານລາວ ປະຈຳປີ 2021 ໄດ້ກ່າວວ່າ: ການຈັດງານຄັ້ງນີ້ ແມ່ນເພື່ອສ້າງແນວຄວາມຄິດ ແລະ ບັນຍາກາດອັນໃໝ່ໃນການອະນຸລັກ ອາຫານ, ການກິນຢູ່, ການຕໍາລົງຊີວິດໃຫ້ເປັນແບບວັດທະນະທຳ, ຮີດຄອງປະເພນີດັ້ງເດີມ, ເພື່ອເສີມສ້າງໃຫ້ເປັນບັນຍາກາດແບບສັງຄົມພື້ນເມືອງລາວ. ສືບຕໍ່ຊຸກຍູ້, ສົ່ງເສີມແມ່ຍິງຜູ້ຜະລິດ, ຜູ້ປຸກຝັງ, ລ້ຽງສັດ ທີ່ປຸງແຕ່ງໃນຮ້ານອາຫານ, ໂຮງແຮມ,ຮ້ານຂາຍຍ່ອຍ ຈາກທ້ອງຖິ່ນຕ່າງໆ ແລະ ຈາກນະຄອນຫລວງວຽງຈັນໄດ້ມາວາງສະແຕງ ແລະ ຄ້າຂາຍແລກປ່ຽນກັນ.

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ທ່ານໄດ້ກ່າວຕື່ມວ່າ: ທັງນີ້, ເພື່ອໂຄສະນາເຜີຍແຜ່ການລົດພາວະໃຊ້ຖົງຢາງພາສຕິກ, ຫັນມານິຍົມຊົມໃຊ້ວັດສະດຸທີ່ ເປັນມິດກັບສິ່ງແວດລ້ອມ ແລະ ຜູ້ບໍລິໂພກ

ສຳລັບງານ ແມ່ນຈະດຳເນີນເປັນເວລາ 5 ມື້ ເລີ່ມແຕ່ວັນທີ 23-27 ກຸມພາ 2021 ໂດຍຕະຫຼອດງານ ຈະມີຫຼາກຫຼາຍກິດຈະກຳ ເປັນຕົ້ນ: ກິດຈະກຳ ສາທິດການສານກະຕ່າໄມ້ ຈາກຊາວບ້ານຜູ້ຊຳນານງານ, ສາທິດການປຸງແຕ່ງອາຫານພື້ນເມືອງລາວ, ແລະ ມີການກວດສຸຂະພາບຟຣີ ຈາກ ຄິນິກ ລາວ ອິນເຕີ ຫຼາຍກວ່າ 35 ລາຍການ ແລະ ຍັງມີການປະກວດການຕົບແຕ່ງຮ້ານແບບລາວໆ ອີກດ້ວຍ

LEAVE A REPLY

Please enter your comment!
Please enter your name here