ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ກົມປະມົງ ຂອງປະເທດໄທ ເລັ່ງການຄ້າໃຫ້ຕັ້ງຄະນະເຮັດວຽກຮ່ວມ ໄທ-ລາວ ແກ້ໄຂບັນຫາການນຳເຂົ້າອາຫານທະເລແຊ່ແຂງ. ໂດຍມີການຍືນຍັນວ່າ“ອາຫານທະເລໄທ ປອດໄພ ເນັ້ນປະຕິບັດຕາມມາດຕະການຄຸມເຂັ້ມຂະບວນການຜະລິດຕັ້ງແຕ່ຕົ້ນນໍ້າຈົນເຖິງປາຍນໍ້າ ສະກັດໂອກາດສ່ຽງການປົນເປື້ອນພະຍາດໂຄວິດ-19 ໃນສັດນໍ້າ

ສືບເນື່ອງຈາກ, ສປປ ລາວ ອອກຄຳສັ່ງຫ້າມນຳເຂົ້າອາຫານທະເລ ແລະ ອາຫານແຊ່ແຂງຈາກປະເທດໄທ ຊົ່ວຄາວ ໃນໄລຍະທີ່ຜ່ານມາ. ເນື່ອງຈາກສະຖານະການ ການລະບາດຂອງພະຍາດໂຄວິດ-19

ທັງນີ້, ຝ່າຍໄທ ໄດ້ມີການເຈລະຈາ ຮ່ວມກັບ ກະຊວງສາທາລະນະສຸກ, ກະຊວງກະສິກຳ ແລະ ປ່າໄມ້ ແລະ ພາກສ່ວນທີ່ກ່ຽວຂ້ອງ. ໂດຍເບື້ອງຕົ້ນ ໄດ້ມີການແຕ່ງຕັ້ງຄະນະເຮັດວຽກຮ່ວມດ້ານວິຊາການ ລະຫວ່າງ ສປປ ລາວ ແລະ ປະເທດໄທ ເພື່ອຫາແນວທາງ ການຮັບຮອງ ແລະ ຍືນຍັນ ຄວາມປອດໄພຂອງສິນຄ້າ ອາຫານທະເລແຊ່ແຂງຈາກປະເທດໄທ ໂດຍຝ່າຍໄທ ປະກອບມີ ກະຊວງການຄ້າ, ກະຊວງກະເສດ ແລະ ສະຫະກອນ, ກະຊວງ ສາທາລະນະສຸກ, ກະຊວງການຕ່າງປະເທດ ແລະ ໜ່ວຍງານທີ່ກ່ຽວຂ້ອງ

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ
ດຣ ວິຊານ ອິງສີສະຫວ່າງ ຮອງອະທິການບໍດີ ກົມປະມົງ ປະເທດໄທ

ດຣ ວິຊານ ອິງສີສະຫວ່າງ ຮອງອະທິການບໍດີ ກົມປະມົງ ປະເທດໄທ ໄດ້ເປີດເຜີຍວ່າ: ກອງປະຊຸມຝ່າຍໄທ ໄດ້ມີມະຕິໃຫ້ກົມປະມົງຈັດສົ່ງລາຍລະອຽດມາດຕະການເພີ່ມເຕີມສະເພາະກິດ ໃນການປ້ອງກັນການປົນເປື້ອນໂຄວິດ-19 ໃນສັດນໍ້າ ແລະ ຜະລິດຕະພັນສັດນ້ຳ ໃຫ້ກັບກະຊວງການຄ້າ(ປະເທດໄທ) ເພື່ອປະສານງານກັບທາງ ສປປ ລາວ ໃຫ້ແຕ່ງຕັ້ງຄະນະເຮັດວຽກຮ່ວມ ເພື່ອແກ້ໄຂບັນຫາການນຳເຂົ້າອາຫານທະເລແຊ່ແຂງ

ທັງນີ້, ຜູ້ອຳນວຍການສຳນັກງານສົ່ງເສີມການຄ້າຕ່າງປະເທດ ທີ່ ນະຄອນຫຼວງວຽງຈັນ ຍັງໄດ້ລາຍງານວ່າ: ຄວາມຕ້ອງການ ການບໍລິໂພກອາຫານທະເລ ທັງໃນຕະຫຼາດ ຮ້ານອາຫານ ເຖິງວ່າປັດຈຸບັນຈະມີການໃຊ້ອາຫານທະເລເປັນວັດຖຸດິບນ້ອຍລົງ ແລະ ມີລາຄາສູງ. ເຖິງຢ່າງໃດກໍ່ຕາມ, ໃນ  Modern Trade ທີ່ນະຄອນຫຼວງວຽງຈັນ ຍັງມີອາຫານທະເລຂາຍຢູ່ ແຕ່ມີລາຄາສູງເພາະວ່າບໍ່ມີສິນຄ້າຫຼາຍ. ສະນັ້ນ, ຖ້າປະເທດໄທສາມາດສ້າງຄວາມໝັ້ນໃຈ ແລແກ້ໄຂສະຖານະການດັ່ງກ່າວໄດ້, ມັນຈະເພີ່ມໂອກາດໃຫ້ການສົ່ງອອກຜະລິດຕະພັນແຊ່ແຂງຂອງໄທ.

ຂໍ້ມູນ:​ brandbiznews.com

LEAVE A REPLY

Please enter your comment!
Please enter your name here