ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ຈາກພາບຖ່າຍພຣະພຸດຮູບຫິນຊາຍບູຮານ ເຊິ່ງນຳສະເໜີໃນເພຈ ນະຄອນຫຼວງພະບາງ ພ້ອມອ້າງວ່າ ມີອາຍຸເກົ່າແກ່ກ່ອນສະໄໝເຈົ້າຟ້າງຸ່ມລວບລວມອານາຈັກລ້ານຊ້າງ ຫຼື ປະມານ 668 ປີກ່ອນ ສະແດງໃຫ້ເຫັນເຖິງຄວາມເສຍຫາຍທີ່ເກີດເພີ່ມຂຶ້ນ ແລະ ການຂາດຄວາມລະອຽດອ່ອນ ໃນການເກັບຮັກສາ 

ໃນຮູບພາບນີ້, ປຽບທຽບລະຫວ່າງຮູບພາບຂອງນັກສຳຫຼວດຊາວຝຣັ່ງໃນຊ່ວງປິ 1930 (ຮູບຊ້າຍ) ກັບຮູບພາບທີ່ຖ່າຍໄວ້ໃນ ວັນທີ 25 ມັງກອນ 2021 (ຮູບຂວາ) ຈະເຫັນໄດ້ວ່າ ໄລຍະເວລາເກືອບ 90 ປີ ທີ່ຜ່ານມາ ພຣະພຸດທະຮູບມີຄວາມເສຍຫາຍຫຼາຍຂຶ້ນ 

ນອກຈາກນີ້, ຍັງເຫັນການເປ່ເພ ເພີ່ມເຕີມທີ່ເຫັນໄດ້ຢ່າງຊັດເຈນ ບໍລິເວນນາກປົກເບື້ອງຂວາ ແລະ ການທາສີແດງທັບພຣະອຸຣະ (ເອີກ) ລວມເຖິງການຈັດວາງທີ່ອີງຜາເອົາໄວ້ ຢູ່ໃນສິມ ຂອງວັດທາດຫຼວງ ນະຄອນຫຼວງພະບາງ ເຊິ່ງຈຳເປັນຕ້ອງມີຜູ້ເຂົ້າໄປຊ່ວຍດ້ານການເກັບຮັກສາຢ່າງຮີບດ່ວນ ເພື່ອໃຫ້ຄົນລາວໄດ້ຮັບຮູ້ເຖິງອະຣິຍະທຳອັນເກົ່າແກ່ ແລະ ມີຄວາມສຳຄັນໃນການຮັກສາສິລະປະອັນມີຄຸນຄ່າຂອງປະເທດ 

ບ່ອນສະແດງໂຄສະນາ
ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ແນວໃດກໍ່ຕາມ, ເນື່ອງຈາກອິນໄຊລາວ ເຮົາມີຂໍ້ມູນກ່ຽວກັບພຣະພຸດທະຮູບອົງນີ້ໜ້ອຍຫຼາຍ ຫາກມີຜູ້ຊ່ຽວຊານທ່ານໃດ ສາມາດໃຫ້ຂໍ້ມູນເພີ່ມເຕີມກ່ຽວກັບອາຍຸ ປະຫວັດ ແລະ ຄວາມສຳຄັນຂອງພຣະພຸດທະຮູບອົງນີ້ໄດ້ ເຮົາຈະຂອບໃຈເປັນຢ່າງສູງ

ຂໍ້ມູນ ແລະ ຮູບພາບ: ເພຈ ນະຄອນຫຼວງພະບາງ

Hits: 64

LEAVE A REPLY

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້