ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ຊໍາຊຸງປະກາດເປີດໃຫ້ຈອງ Galaxy S21 Series 5G ໃນລາວໄດ້ຢ່າງເປັນທາງການແລ້ວໃນມື້ນີ້ ຜ່ານຕົວແທນຈໍາໜ່າຍທີ່ມີທົ່ວປະເທດພ້ອມຮັບ Galaxy Buds ແລະ Smart Tag ຟຣີ ຕັ້ງແຕ່ມື້ນີ້ ຈົນເຖິງວັນທີ 28 ມັງກອນ 2021.

ຫຼັງຈາກຊໍາຊຸງເປີດໂຕສະມາດໂຟນລຸ້ນທັອບ(Flagship) Galaxy S21 Series 5G ໄປແລ້ວເທິງໂລກອອນລາຍ ໃນງານ Samsung Galaxy Unpacked ມື້ວານນີ້ (14 ມັງກອນ 2021) ຖັດມາພຽງມື້ດຽວ ຄົນລາວກໍສາມາດຈອງ Galaxy S21 Series 5G ໄດ້ແລ້ວ ຜ່ານທາງຕົວແທນຈຳໜ່າຍຂອງຊຳຊຸງ ທົ່ວປະເທດ.

ບ່ອນສະແດງໂຄສະນາ

ໂດຍນອກຈາກຜູ້ຈອງຈະໄດ້ສຳຜັດປະສົບການ ການໃຊ້ເຕັກໂນໂລຊີ ສະມາດໂຟນ ໂຕໃໝ່ຫຼ້າສຸດຈາກຊໍາຊຸງກ່ອນໃຜແລ້ວ ຍັງຈະໄດ້ຮັບອຸປະກອນເສີມສຸດຫລູຫລາອີກ 2 ລາຍການ ນັ້ນຄື ຫູຟັງ Galaxy Buds (ລຸ້ນ Live ສຳຫຼັບຜູ້ຈອງ Galaxy S21+ ແລະ ລຸ້ນ Pro ສຳຫຼັບຜູ້ຈອງ Galaxy S21 Ultra) ແລະ ອຸປະກອນລະບຸຕໍາແໜ່ງໄຮເທັກ Smart Tag ໄປຟຣີໆ ອີກດ້ວຍ

ສໍາຫຼັບເຄື່ອງໃນຊີຣີ Galaxy S21 ທີ່ເປີດໃຫ້ຈອງຄັ້ງນີ້ ມີຢູ່ທີ່ 2 ລຸ້ນດ້ວຍກັນຄື Galaxy S21+ (Phantom Violet ສີມ່ວງ, Phantom Black ສີດຳ, Phantom Silver ສີເງິນ) ແລະ Galaxy S21 Ultra (Phantom Black ສີດຳ, Phantom Silver ສີເງິນ) ເຊິ່ງຮອງຮັບການໃຊ້ງານເທິງເຄືອຂ່າຍຄວາມໄວສູງລະດັບ 5G ພ້ອມເຕັກໂນໂລຊີໜ້າຈໍ Dynamic AMOLED 2x ທີ່ອັດຕຣາຣີເຟຣຊໜ້າຈໍ 120Hz, ຮອງຮັບການຊາກໄວ 25 ວັດ, ແລະ ກ້ອງປະສິດທິພາບສູງຈາກຊໍາຊຸງທີ່ທົ່ວໂລກໃຫ້ການຍອມຮັບ

ນອກນີ້, ການຈອງເພື່ອຮັບສິດຂອງແຖມຟຣີດັ່ງກ່າວ ຈໍາກັດສະເພາະຜູ້ທີ່ຈອງໃນມື້ນີ້ ຈົນເຖິງ ວັນທີ 28 ມັງກອນ 2021 ນີ້ເທົ່ານັ້ນ ຜ່ານຕົວແທນຈຳໜ່າຍຊໍາຊຸງທົ່ວປະເທດ ໂດຍກຳນົດຮັບເຄື່ອງພ້ອມຂອງແຖມ ຕັ້ງແຕ່ວັນທີ 26 ມັງກອນ 2021 ນີ້ເປັນຕົ້ນໄປ

ຂໍ້ມູນກ່ຽວກັບ Galaxy S21+ ແລະ Galaxy S21 Ultra

  •  Galaxy S21+  ສີທີ່ວາງຈຳໜ່າຍແມ່ນ Phantom Violet ສີມ່ວງ, Phantom Black ສີດຳ, Phantom Silver ສີເງິນ, ຂະໜາດໜ້າຈໍ 6.7’’ FHD+ Dynamic AMOLED 2x , ກ້ອງຫຼັງ 12MP/12MP/64MP, ກ້ອງໜ້າ 10MP, ຄວາມຈຳ RAM 8GB, ຄວາມຈຳ ROM 256GB, ແບັດເຕີຣີ 4,800 mAh, ການສາກໄວ 25W, ຮອງຮັບ 5G, ລາຄາ 11,490,000 ກີບ
  • Galaxy S21 Ultra ສີທີ່ວາງຈຳໜ່າຍແມ່ນ ສີທີ່ວາງຈຳໜ່າຍແມ່ນ  Phantom Black ສີດຳ ແລະ Phantom Silver ສີເງິນ, ຂະໜາດໜ້າຈໍ 6.8’’ WQHD+ Dynamic AMOLED 2x, ກ້ອງຫຼັງ 12MP / 108MP / 10MP / 10MP, ກ້ອງໜ້າ 40MP, ຄວາມຈຳ RAM 16GB, ຄວາມຈຳ ROM 512GB, ແບັດເຕີຣີ 5,000 mAh, ການສາກໄວ 25W, ຮອງຮັບ 5G, ລາຄາ14,599,000 ກີບ 
ບ່ອນສະແດງໂຄສະນາ

ອອກ​ຈາກ REPLY ເປັນ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້