ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ວັນທີ 09 ທັນວາ 2020 ນີ້, Facebook ໄດ້ເປີດໂຕແຄມເປນ #ລາວຊ່ວຍລາວ ໂດຍມີການເຮັດວຽກຮ່ວມກັບ 3 ນັກສ້າງວິດີໂອອັນດັບຕົ້ນໆຂອງເມືອງລາວ  ເພື່ອສ້າງເນື້ອຫາກ່ຽວກັບປະສົບການການທ່ອງທ່ຽວພາຍໃນປະເທດ ທີ່ຈະຊ່ວຍສົ່ງເສີມ ແລະ ຟື້ນຟູເສດຖະກິດໃນໄລຍະທ້າຍປີນີ້.

ທ່ານ ແພັກເດ ເຮັງ (Phaekdey Heng), ຫົວໜ້ານະໂຍບາຍສາທາລະນະ ກຳປູເຈຍ ແລະ ສປປ ລາວ ໄດ້ກ່າວເປີດແຄມເປນ ຜ່ານທາງອອນລາຍ ໂດຍທ່ານໄດ້ເວົ້າເຖິງແນວຄວາມຄິດຫຼັກ ພາຍໃຕ້ໂຄງການ #ລາວຊ່ວຍລາວ ວ່າ “ນອກຈາກ ຄວາມພະຍາຍາມຢ່າງຕໍ່ເນື່ອງທີ່ເຮົາມີ ເພື່ອຊ່ວຍຮັກສາຄວາມປອດໄພຂອງປະຊາຊົນ ແລະ ສະໜອງຂໍ້ມູນທີ່ແທ້ຈິງ ໃນໄລຍະເວລາທີ່ລຳບາກນີ້,  Facebook ມີຄວາມມຸ້ງໝັ້ນ ທີ່ຈະໃຫ້ການສະໜັບສະໜູນ ທຸລະກິດ ແລະ ຊຸມຊົນທ້ອງຖິ່ນໃນລາວໃຫ້ໄດ້ຫຼາຍທີ່ສຸດ. ພວກເຮົາຮູ້ວ່າທຸລະກິດຫຼາຍແຫ່ງ ກຳລັງປະສົບກັບສິ່ງທ້າທາຍທີ່ບໍ່ຄາດຄິດ ໂດຍສະເພາະໃນຂະແໜງການທ່ອງທ່ຽວ, ເຊິ່ງແມ່ນຖືກກະທົບໂດຍກົງ ແລະ ໜັກທີ່ສຸດ.

ອີງຕາມຂໍ້ມູນຈາກກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໃຫ້ຮູ້ວ່າ: ອຸດສາຫະກຳການທ່ອງທ່ຽວ ສາມາດສ້າງລາຍໄດ້ຫຼາຍກວ່າ 800 ລ້ານໂດລາສະຫະລັດ ໃຫ້ປະເທດ ໃນປີ 2018, ເຊິ່ງເທົ່າກັບ 4.6 ສ່ວນຮ້ອຍ ຂອງ Gross Domestic Product (GDP) ຂອງປີດຽວກັນ, ໃນຂະນະທີ່ເດືອນ ມິຖຸນາ 2020, ລາຍງານຈາກ ທະນາຄານພັດທະນາອາຊີ (Asian Development Bank) ຜົນກະທົບຂອງ COVID-19 ຕໍ່ວິສາຫະກິດການທ່ອງທ່ຽວໃນສປປ ລາວ, ໄດ້ແຈ້ງວ່າ ການທ່ອງທ່ຽວສາກົນຖືກຈັດຢູ່ໃນອັນດັບທີ 3 ການສ້າງລາຍໄດ້ສູງສຸດຂອງ ສປປລາວ ໃນປີທີ່ຜ່ານມາ, ເຊິ່ງມີມູນຄ່າເຖິງ 934 ລ້ານໂດລາສະຫະລັດ.

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ແຄມເປນອອນລາຍ #ລາວຊ່ວຍລາວ ຈະໄດ້ເຜີຍແຜ່ເນື້ອຫາວິດີໂອທີ່ຜະລິດ ແລະ ແຕ່ງໂດຍນັກສ້າງວິດີໂອການທ່ອງທ່ຽວຊັ້ນນຳໃນ Facebook ຂອງລາວ ປະກອບມີ: “ເພຈ ປີລະທ່ຽວ” ແລະ “ເພຈ ໝໍແຂ້ວພາທ່ຽວ” ພ້ອມກັບ ຊ່ຽວຊານທາງດ້ານອາຫານ ແລະ ນັກສ້າງວິດີໂອຄື “ເພຈ ທ້ອງແຕກ” ຜ່ານ Facebook Watch – ແຫຼ່ງວິດີໂອ ໃນແພັດຟອມ Facebook, ໂດຍແຕ່ລະເພຈຈະມີການນຳສະເໜີເນື້ອຫາທີ່ແຕກຕ່າງກັນໄປ ໃນຮູບແບບຂອງຕົນ, ເຊິ່ງມີການທ່ຽວຊົມ ສະຖານທີ່ທ່ອງທ່ຽວພາຍໃນທ້ອງຖິ່ນ, ສະຖານທີ່ເໝາະກັບການຖ່າຍຮູບລົງ Instagram, ລວມທັງອາຫານ ແລະ ເຄື່ອງດື່ມ ຈົນເຖິງທຸລະກິດຂະໜາດນ້ອຍທີ່ທຸກຄົນສາມາດຄົ້ນຫາໃນ Facebook.

ພ້ອມກັນນີ້, ທ່ານ ແພັກເດ ເຮັງ ຍັງໄດ້ກ່າວເຖິງຈຸດປະສົງຂອງແຄມເປນນີ້ວ່າ: ເພື່ອກະຕຸ້ນຊຸມຊົນໃຫ້ສະໜັບສະໜູນ ທຸລະກິດທ້ອງຖິ່ນ ແລະ ເຊື່ອມຕໍ່ພວກເຂົາໂດຍຜ່ານ ເນື້ອຫາວິດີໂອທີ່ໜ້າສົນໃຈ. ການເບິ່ງວິດີໂອ ແມ່ນໄດ້ຮັບຄວາມນິຍົມຫຼາຍໃນທົ່ວໂລກ, ໃນນັ້ນກໍມີປະເທດລາວ ເຊິ່ງວ່າປະຊາຊົນຫຼາຍກ່ວາ 1,25 ພັນລ້ານຄົນ ກໍາລັງເຂົ້າເບິ່ງ Facebook Watch ແລະ ຫຼາຍກວ່າ 720 ລ້ານຄົນທົ່ວໂລກ ໃຊ້ເວລາເປັນຢ່າງຕໍ່າໜຶ່ງນາທີຕໍ່ເດືອນໃນການເບິ່ງວິດີໂອໃນ Facebook.

ທ່ານ ແສງຕາວັນ ລໍ່າວິຈິດ ເຈົ້າຂອງ ເພຈ ໝໍແຂ້ວພາທ່ຽວ ໄດ້ກ່າວວ່າ: ຄອນເທັນທີ່ຈະນຳມາເຜີຍແຜ່ໃນແຄມເປັນລາວຊ່ວຍລາວ ແມ່ນຈະໄດ້ນຳສະເໜີສະຖານທີ່ທ່ອງທ່ຽວຂອງເມືອງພູຄູນ ແຂວງ ຫຼວງພະບາງ ແລະ ເມືອງ ອະນຸວົງ ແຂວງໄຊສົມບູນ ເຊີ່ງຈະເປັນການພາໄປທ່ຽວໃນສະຖານທທີ່ທີ່ແປກໃໝ່ ທີ່ຫຼາຍໆຄົນອາດຈະຍັງບໍ່ຮູ້. ໂດຍຈຸດເດັ່ນຂອງເພຈເຮົາແມ່ນຈະເປັນສະຕາຍແບບສະບາຍໆ ລຸຍໆ ປະຈົນໄພ ຂື້ນພູ ຕັ້ງແຄັມ ໃນສະຖານທີ່ທ່ຽວທ່ຽວທີ່ແປກໃໝ່ ໂດຍຈະນຳສະເໜີຜ່ານຮູບພາບ ແລະ ວິດີໂອ

“ການທີ່ເຮົາໄປຊື້ປີ້ງກວ້ຍຢູ່ໜ້າຮ່ອມ ກໍ່ຖືວ່າເປັນການຊ່ວຍຄົນລາວນຳກັນແລ້ວ” ພາວິນາ ເດດວົງສາ ກ່າວ

ພວກເຮົາມີຄວາມຕື່ນເຕັ້ນຫຼາຍທີ່ໄດ້ເຂົ້າຮ່ວມ ໃນແຄມເປນວິດີໂອຂອງ Facebook ແລະ ເປັນສ່ວນໜຶ່ງ ໃນການຊ່ວຍເຫຼືອຊຸມຊົນຂອງພວກເຮົາ. ພວກເຮົາຫວັງທີ່ຈະສາມາດສ້າງແຮງບັນດານໃຈໃຫ້ຜູ້ເບີ່ງ ເພື່ອເປັນກຳລັງໃຈ ແລະ ເປັນການສະໜັບສະໜູນທຸລະກິດ SME ໃນຂະແໜງການທ່ອງທ່ຽວຂອງພວກເຮົາ, ໂດຍການຊ່ວຍຊື້ສິນຄ້າ ແລະ ການບໍລິການຂອງພວກເຂົາ, ພ້ອມທັງສະໜັບສະໜູນ ສະຖານທີ່ທ່ອງທ່ຽວໃນທ້ອງຖິ່ນອີກຕື່ມ.”  ວິນລີ້ ປີລະທ່ຽວ ກ່າວ

LEAVE A REPLY

Please enter your comment!
Please enter your name here