ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ໃກ້ຈະຮອດເທດສະການປີໃໝ່ແລ້ວ ຫຼາຍໆທ່ານກໍ່ຄົງກະກຽມຊື້ກະຕ່າຂອງຂວັນ ເພື່ອສົ່ງມອບຄວາມສຸກໃນເທດສະການສຳຄັນແບບນີ້

ແຕ່ກ່ອນທີ່ທ່ານຈະຊື້ ຕ້ອງໄດ້ມີການກວດສອບສິນຄ້າ ວ່າມີສິນຄ້າບໍ່ໄດ້ຄຸນນະພາບ ຫຼື ໝົດອາຍຸຫຼືບໍ່  

ມື້ນີ້ອິນໄຊລາວ ໄດ້ນຳເອົາເຄັດລັບງ່າຍໆ ໃນການເລືອກຊື້ກະຕ່າ ເພື່ອໄປມອບເປັນຂອງຂວັນປີໃໝ່ສາກົນ

ບ່ອນສະແດງໂຄສະນາ

ຄວນເລືອກກະຕ່າທີ່ມີລັກສະນະການຫຸ້ມຫໍ່ ທີ່ຢູ່ໃນສະພາບດີ, ມີການສະແດງລາຍຊື່ຜະລິດຕະພັນທຸກຊະນິດ ເຊັ່ນ: ຊື່ ປະເພດ ຊະນິດຂອງອາຫານ ວັນເດືອນປີໝົດອາຍຸ ແລະ ກ່ອນນຳໄປມອບ ບໍ່ຄວນລອກສະຫຼາກລາຍການອອກ ເພື່ອໃຫ້ຜູ້ຮັບສະມາດກວດສອບລາຍການຜະລິດຕະພັນ ແລະ ວັນໝົດອາຍຸໄດ້ຢ່າງສະດວກ

ແຕ່ຖ້າຫາກຊື້ຜະລິດຕະພັນຕ່າງໆ ມາຈັດກະຕ່າເອງ ອາຫານກະປ່ອງຕ້ອງບໍ່ບຸ້ມ ໂພ່ງ ຫຼື ຮົ່ວ ແລະ ຄວນເລືອກຜະລິດຕະພັນທີ່ມີວັນໝົດອາຍຸຫຼາຍກວ່າ 6 ເດືອນ

ນອກຈາກນີ້, ບໍ່ຄວນນຳເອົາຜະລິດຕະພັນຢາ ຫຼືວັດຖຸອັນຕະລາຍ ເປັນຕົ້ນແມ່ນ ນໍ້າຢາປັບຜ້ານຸ່ມ ສະບູຝຸ່ນ ຢາກໍາຈັດແມງໄມ້ ມາຈັດໃສ່ກັບກະຕ່າທີ່ມີອາຫານ ເພາະຜະລິດຕະພັນເຫຼົ່ານີ້ ມີສານທີ່ເປັນອັນຕະລາຍ ແລະ ມີກິ່ນ ອາດຈະເກີດການປົນເປື້ອນ ກໍ່ໃຫ້ເກີດອັນຕະລາຍຕໍ່ຜູ້ຮັບໄດ້

ແລະ ສຳລັບທ່ານທີ່ພົບການຈໍາໜ່າຍກະຕ່າ ທີ່ມີຜະລິດຕະພັນໝົດອາຍຸ ສາມາດແຈ້ງໄປທີ່ສາຍດ່ວນ ປົກປ້ອງຜູ້ບໍລິໂພກ 1510 ໄດ້

ບ່ອນສະແດງໂຄສະນາ

ອອກ​ຈາກ REPLY ເປັນ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້