ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ວັນ 20 ມີນາ 2020, ສະຖານເອກອັກຄະຣາຊະທູດ ແຫ່ງ ຣາຊະອານາຈັກໄທ ປະຈຳ ສປປ ລາວ ໄດ້ແຈ້ງເຖິງຄົນໄທໃນ ສປປ ລາວ ທີ່ຈະເດີນທາງເຂົ້າປະເທດໄທໂດຍເຮືອບີນ ຕັ້ງແຕ່ວັນທີ 22 ມີນາ 2020 ເວລາ 00:00 ໂມງ ເປັນຕົ້ນໄປ ດັ່ງນີ້:

  1. ຄົນໄທຈະຕ້ອງໄດ້ສະແດງເອກະສານປະກອບການເຊັກອິນດັ່ງນີ້: ໃບຮັບຮອງແພດ ທີ່ຢືນຢັນວ່າມີສຸຂະພາບເໝາະສົມຕໍ່ການເດີນທາງ ແລະ ໜັງສືຮັບຮອງການເດີນທາງກັບປະເທດໄທ ອອກໂດຍສະຖານທູດໄທ ປະຈໍານະຄອນຫຼວງວຽງຈັນ ເຊິ່ງອອກລ່ວງໜ້າ 3 ມື້ ກ່ອນການເດີນທາງ
  2. ຄົນໄທສາມາດຂໍຮັບໜັງສືຮັບຮອງການເດີນທາງກັບປະເທດໄທ ຈາກສະຖານທູດ ໂດຍນໍາເອກະສານດັ່ງນີ້ມາທີ່ສະຖານທູດ ໃນໂມງລັດຖະການ:

  • ໜັງສືເດີນທາງ ຫຼື ສໍາເນົາໜັງສືເດີນທາງ
  • ເອກະສານສໍາຮອງບັດໂດຍສາຍການບິນ
  • ໃບຮັບຮອງແພດທີ່ຢືນຢັນວ່າມີສຸຂະພາບເໝາະສົມກັບການເດີນທາງ

3. ຫາກຄົນໄທບໍ່ສະດວກເຂົ້າໄປຂໍຮັບຮອງການເດີນທາງກັບປະເທດໄທ ສາມາດສົ່ງເອກະສານດັ່ງນີ້ ທາງອີເມວ thaiembassy.vte@mfa.mail.go.th ໂດຍໃສ່ຊື້ເລື່ອງວ່າ: ຂໍໃບຮັບຮອງເພື່ອເດີນທາງ

ບ່ອນສະແດງໂຄສະນາ
  • ໜັງສືເດີນທາງ ຫຼື ສໍາເນົາໜັງສືເດີນທາງ
  • ເອກະສານສໍາຮອງບັດໂດຍສາຍການບິນ
  • ໃບຮັບຮອງແພດທີ່ຍືນຍັນວ່າມີສຸຂະພາບເໝາະສົມກັບການເດີນທາງ
  • ຂຽນແບບຟອມລົງທະບຽນຄົນໄທທີ່ຈະເດີນທາງກັບປະເທດໄທ

ໂດຍມາດຕະການນີ້ ແມ່ນໃຊ້ສຳລັບຄົນໄທທີ່ຢູ່ໃນຕ່າງປະເທດ ລວມເຖິງ ສປປ ລາວ. ທັງນີ້, ການເດີນທາງເຂົ້າປະເທດໄທທາງບົກຜ່ານດ່ານຊາຍແດນຕ່າງໆຍັງຄົງປະຕິບັດວິທີເກົ່າ

ພ້ອມນີ້ ກົມຄວບຄຸມພະຍາດຕິດຕໍ່ ຂໍ້ແນະນໍາໃຫ້ຜູ້ທີ່ເດີນທາງມາຈາກປະເທດອື່ນ ລວມທັງປະເທດລາວ ແມ່ນໃຫ້ປະຕິບັດຕາມຂັ້ນຕອນຂອງກົມຄວບຄຸມພະຍາດຕິດຕໍ່ຢ່າງເຂັ້ມງວດ

Hits: 8

ບ່ອນສະແດງໂຄສະນາ

ອອກ​ຈາກ REPLY ເປັນ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້