ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ໂຍຄະ ສາດອິນເດຍທີ່ທົ່ວໂລກຮູ້ຈັກກັນດີ ແລະ ເປັນທາງເລືອກທີ່ດີໃນການອອກກໍາລັງກາຍ ເບິ່ງແຍງຮູບຮ່າງ ແລະ ເສີມຄວາມແຂງແຮງໃຫ້ຮ່າງກາຍ ໂດຍສະເພາະຊ່ວງນີ້ ທີ່ມີການລະບາດຂອງພະຍາດໂຄວິດ-19  ການອອກກໍາລັງກາຍຢູ່ເຮືອນ ຖືວ່າເປັນທາງເລືອກທີ່ດີ, ມື້ນີ້ ອິນໄຊລາວ ເລີຍໄດ້ນໍາເອົາ ທ່າອອກກໍາລັງ ຫຼື ໂຍຄະ ທີ່ສາມາດປຸກຈິດປຸກກ້າມຊີ້ນໃຫ້ຮູ້ສຶກສົດຊື່ນ ຫຼັງຈາກຕື່ນນອນໃນຍາມເຊົ້າ ໃຊ້ເວລາພຽງ 10-15 ນາທີ ເທົ່ານັ້ນ ແລະ ທ່າທີ່ຈະມາແນະນໍາມື້ນີ້ ຊື່ຊຸດທ່າໂຍຄະວ່າ ສຸຣິຍະນະມັດສະການ ຫຼື ໄຫວ້ພຣະອາທິດ

ທ່າໄຫວ້ພຣະອາທິດ ແບບ A ເປັນການລວມກັນຂອງທ່າຍ່ອຍຕ່າງໆທີ່ຮຽງຕາມລະດັບມາໃຫ້ທຸກຄົນຝຶກ ແບບຊ້າໆ “ໜຶ່ງທ່າ ໜຶ່ງລົມຫາຍໃຈ” (ສຳລັບຜູ້ເລີ່ມເຮັດໃໝ່ ໃຫ້ຝຶກທ່າໄຫວ້ພຣະອາທິດ ແບບ A ປະມານ 5 ຮອບ ເມື່ອຊຽວຊານແລ້ວ ໃຫ້ເພີ່ມເປັນ 10-12 ຮອບ ແລະ ເມື່ອເຄື່ອນໄຫວໄດ້ດີຂຶ້ນ ທ່ານຈະເຫັນໄດ້ເຖິງສາມະທິຈາກການເຄື່ອນໄຫວຮ່າງກາຍ ລວມໄປເຖິງພະລັງບາງຢ່າງໃນຕົນເອງ

ຊຸດທ່າໄຫວ້ພະອາທິດມີດັ່ງນີ້:

ບ່ອນສະແດງໂຄສະນາ

1. ທ່າສໍາມາທິດຖິ  ຫາຍໃຈປົກກະຕິ ຢືນຊື່ ຕີນແປະກັນ ແລະ ນົບມືໄວ້ລະດັບເອິກ ພະຍາຍາມຍຶດຖານທີ່ຕີນຂອງເຮົາໃຫ້ໝັ່ນຄົງລະດັບສາຍຕາ ແນມຊື່ ລວບລວມຈິດ ກາຍໃຈໃຫ້ພ້ອມ

2. ຫາຍໃຈເຂົ້າ ຢຽດແຂນຂຶ້ນຈົນສຸດ ຢືດກະດູກສັນຫຼັງຂຶ້ນ ແອ່ນໂຕໄປດ້ານຫຼັງ ສາຍແຕ່ແນມເບິ່ງມື

3. ຫາຍໃຈອອກ ກົ້ມໂຕລົງໃຫ້ຫຼາຍທີ່ສຸດ ຈົນຝ່າມືແປະຮາບລົງກັບພື້ນ ຖ້າບໍ່ໄດ້ໃຫ້ຈັບຂໍ້ຕີນແທນ ຍົກກົ້ນຂຶ້ນສູງ ຢຽດຂາຊື່ ຫາກເຮັດໄດ້ ແລະ ຍຶດກະດູກສັນຫຼັງໄວ້ ດຶງໂຕໃຫ້ຫົວ

4. ຫາຍໃຈເຂົ້າ ຢຽດຫຼັງ ຍົກເອີກຂຶ້ນເຄິ່ງທາງ ປາຍນິ້ວມືແຕະກັບພື້ນເບົາໆ ຫຼື ວາງໄວ້ໜ້າແຂ້ງ ຫົວເຂົ່າ ຫຼື ຈຸດທີ່ໄປໄດ້

5. ຫາຍໃຈອອກ ງໍເຂົ່າ ວາງມືໄວ້ພື້ນ ກ້າວຂາຂວາໄປດ້ານຫຼັງ ກ້າວຂາຊ້າຍຕາມໄປ

6. ຈາກນັ້ນຫາຍໃຈເຂົ້າໜຶ່ງຈັງຫວະ ຫາຍໃຈອອກ ວາງເຂົ່າທີ່ພື້ນ ຍຸບສອກ ວາງເອິກ ວາງຄາງ

7. ຫາຍໃຈເຂົ້າ ເລື້ອຍລໍາໂຕ ຍົກເອີກລອຍຂຶ້ນ ໄປສູ່ທ່າງູ ງໍສອກເລັກນ້ອຍ (ນໍ້າໜັກຢູ່ທີ່ແຂນດ້ານໜ້າ)

8. ຫາຍໃຈອອກ ຈິກປາຍຕີນ ຍົກລໍາໂຕຂຶ້ນ ງໍເຂົ່າ ສົ່ງສະໂພກຂຶ້ນສູ່ເພດານ ດັນໂຕໄປເປັນທ່າໝາກົ້ມ ຄ້າງທ່າໄວ້ 5 ລົມຫາຍໃຈເຂົ້າ-ອອກ

9. ຈາກທ່າໝາກົ້ມ ຫາຍໃຈເຂົ້າ ເຮັດຕໍ່ເນື່ອງ ຍົກສົ້ນນອງ ງໍເຂົ່າ ກ້າວຂາຂວາມາລະຫວ່າງຝ່າມື ກ້າວຂາຊ້າຍມາຄູ່ກັນ ພ້ອມຍົກເອີກຂຶ້ນເຄິ່ງໜຶ່ງ ປາຍນິ້ວມື ແປະພື້ນ ຫຼື ວາງໄວ້ໜ້າແຂ່ງ ແລະ ຫົວເຂົ່າ

10. ຫາຍໃຈອອກ ກົ້ມພັບໂຕລົງ ຮາບຫຼັງ ປ່ອຍໃຫ້ຫົວສະບາຍໆ ພາມືໄປວາງໄວ້ຢູ່ພື້ນ ( ຫຼັງຕີນ ໜ້າແຂ່ງ ຫົວເຂົ່າ ທີ່ໄປໄດ້) ພ້ອມຈິນຕະນາການວ່າ ມື້ໜຶ່ງໜ້າຜາກຈະບັນຈົບກັບໜ້າແຂ່ງ

11. ຫາຍໃຈເຂົ້າ ຍົກແຂນທັງສອງຂຶ້ນກາຍຫົວ ຝ່າມືພະນົບໃສ່ກັນ ທ່ອນແຂນແນບໃສ່ຫູ ແຫງນໜ້າເບິ່ງມື

12. ຫາຍໃຈອອກ ວາງແຂນລົງຂ້າງລໍາໂຕທັງສອງ ກັບສູ່ທ່າເລີ່ມຕົ້ນ

ເບິ່ງພາບເຄື່ອນໄຫວ

ກ່ຽວກັບຜູ້ເຮັດບົດຄວາມ

Nahmo Nontakarn (ນະໂມ) ນັກຂຽນ, ຜູ້ຝຶກສອນໂຍຄະ, ນັກແລ່ນສາຍ Ultra-Trail, ອະດິດບັນນາທິການວາລະສານ Yoga Journal Thailand ແລະ ອະດິດກອງບັນນາທິການວາລະສານອີກຫຼາຍເຫຼັ້ມ ເຊິ່ງເປັນຜູ້ມີປະສົບການດ້ານການຂຽນ ແລະ ການເລົ່າເລື່ອງດ້ວຍຫຼາກຫຼາຍຮູບແບບ

ບົດຄວາມນີ້ ທາງອິນໄຊລາວຂໍສະແດງຄວາມຂອບໃຈ ທີ່ ທ່ານ ນະໂມ ໄດ້ໃຫ້ກຽດ ແລະ ເສຍສະຫຼະເວລາ ຈັດຂຶ້ນເພື່ອຄົນລາວ ໂດຍສະເພາະເພື່ອຮຽນຮູ້ການຮັກສາສຸຂະພາບໄດ້ດ້ວຍຕົນເອງທີ່ເຮືອນ ຫຼື ຫ້ອງນອນທີ່ມີຂໍ້ຈໍາກັດທາງພື້ນທີ່ອອກກໍາລັງກາຍ ເໝາະສົມກັບຜູ້ທີ່ຮັກສາສຸຂະພາບ ຜູ້ທີ່ບໍ່ສາມາດອອກກໍາລັງກາຍໜັກໄດ້ ຫຼື ຜູ້ທີ່ກຳລັງກັກບໍລິເວນຕົນເອງ ເນື່ອງຈາກການລະບາດຂອງພະຍາດໂຄວິດ-19 ໃນຕອນນີ້

ສໍາລັບຜູ້ທີ່ສົນໃຈຝຶກໂຍຄະ ສາມາດຕິດຕາມຜົນງານຂອງທ່ານນະໂມໄດ້ທີ່
IG : Nahmotive
ຫຼື Youtube: Move Nahmo

Hits: 5

ບ່ອນສະແດງໂຄສະນາ

ອອກ​ຈາກ REPLY ເປັນ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້