ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ດັ່ງທີ່ຮູ້ກັນແລ້ວວ່າ ປີ 2020 ນີ້ ກະຊວງສຶກສາທິການ ແລະກິລາແມ່ນໄດ້ຮັບຕົວເລກລັດຖະກອນ-ຄູຫຼາຍສຸດ ຖ້າທຽບໃສ່ກະຊວງຂະແໜງການອື່ນ ເຊິ່ງພາຍຫຼັງຮູ້ຈຳນວນໂກຕ້າ ຕ່າງກໍ່ມີສຽງສະທ້ອນຈາກສັງຄົມໄປໃນຫຼາຍແງ່ແຕ່ທັ້ງນີ້ກະຊວງເອງທີ່ເຮັດໜ້າທີ່ຄຸ້ມຄອງມະຫາພາກແມ່ນໄດ້ມີການຈັດແບ່ງໃຫ້ແຕ່ລະພາກສ່ວນ, ແຕ່ລະແຂວງຢ່າງຈະແຈ້ງຫວັງວ່າຜູ້ທີ່ມີຜົນງານດີຈະໄດ້ຮັບການພິຈາລະນາຕາມຄວາມເໝາະສົມ.

ໂດຍການແບ່ງປັນຕົວເລກລັດຖະກອນຄູ ແລະ ບໍລິຫານ ຂອງ ກະຊວງສຶກສາທິການ ແລະ ກິລາ ໃນຂັ້ນຕ່າງໆ ຈຳນວນ ທັງໝົດ 966 ໂກ້ຕ້າ ແຂວງທີ່ໄດ້ຫຼາຍກວ່າໝູ່ແມ່ນ ແຂວງ ສະຫວັນນະເຂດ 161 ຄົນ, ຮອງລົງມາ ແຂວງສາລະວັນ ໄດ້ 77 ໂກ້ຕ້າ.

ອີງຕາມແຜນແບ່ງປັນຕົວເລກລັດຖະກອນ ຄູ ແລະ ບໍລິຫານ ສໍາລັບພະແນກສຶກສາທິການ ແລະ ກິລາ ແຂວງ, ນະຄອນຫຼວງ, ຫ້ອງການສຶກສາທິການ ແລະ ກິລາ ເມືອງ, ນະຄອນ ສົກຮຽນ 2019-2020. ຂອງຊວງສຶກສາທິການ ແລະ ກິລາ ເລກທີ 270/ສສກ ລົງວັນທີ 20 ກຸມພາ 2020 ໃຫ້ບັນດາພະແນກສຶກສາທິການ ແລະ ກິລາ ແຂວງ, ນະຄອນຫຼວງ, ຫ້ອງການສຶກສາທິການ ແລະ ກິລາ ເມືອງ, ໃນຂອບເຂດທົ່ວປະເທດ ນະຄອນຫຼວງວຽງຈັນແມ່ນໄດ້ 52 ຄົນ, ( ມີຄູ 51 ຄົນ ແລະ ບໍລິຫານ 1 ຄົນ). ແຂວງ ຜົ້ງສາລີ ໄດ້ 42 ຄົນ (ມີຄູ 41 ຄົນ ແລະ ບໍລິຫານ 1 ຄົນ).

ບ່ອນສະແດງໂຄສະນາ
ພາບປະກອບ

ແຂວງ ຫຼວງນ້ຳທາ ໄດ້ 37 ຄົນ, (ຄູ 36 ຄົນ ແລະ ບໍລິຫານ 1 ຄົນ). ອຸດົມໄຊ ໄດ້ 43 ຄົນ (ມີຄູ 42 ຄົນ ແລະ ບໍລິຫານ 1 ຄົນ). ແຂວງ ບໍ່ແກ້ວ 31 ຄົນ (ມີຄູ 30 ຄົນ ແລະ ບໍລິຫານ 1 ຄົນ). ຫຼວງພະບາງ ໄດ້ 48 ຄົນ (ມີຄູ 47 ຄົນ ແລະ ບໍລິຫານ 1 ຄົນ). ຫົວພັນ ໄດ້ 47 ຄົນ (ມີຄູ 46 ຄົນ ແລະ ບໍລິຫານ 1 ຄົນ).

ໄຊຍະບູລີ ໄດ້ 57 ຄົນ (ມີຄູ 56 ຄົນ ແລະ ບໍລິຫານ 1 ຄົນ), ຊຽງຂວາງ ໄດ້ 43 ຄົນ (ມີຄູ 42 ຄົນ ແລະ ບໍລິຫານ 1 ຄົນ, ແຂວງວຽງຈັນ ໄດ້ 45 ຄົນ (ມີ ຄູ 44 ຄົນ ແລະ ບໍລິຫານ 1 ຄົນ). ບໍລິຄຳໄຊ ໄດ້ 39 ຄົນ (ມີຄູ 38 ຄົນ ແລະ ບໍລິຫານ 1 ຄົນ), ຄຳມ່ວນ ໄດ້ 66 ຄົນ (ມີຄູ 65 ຄົນ ແລະ ບໍລິຫານ 1 ຄົນ). ສະຫວັນນະເຂດ ໄດ້ 161 ຄົນ (ມີຄູ 159 ຄົນ ແລະ ບໍລິຫານ 2 ຄົນ), ສາລະວັນ ໄດ້ 77 ຄົນ (ມີຄູ 76 ຄົນ ແລະ ບໍລິຫານ 1 ຄົນ).

ເຊກອງ ໄດ້ 33 ຄົນ (ມີຄູ 32 ຄົນ ແລະ ບໍລິຫານ 1 ຄົນ), ຈຳປາສັກ ໄດ້ 69 ຄົນ(ມີຄູ 69 ຄົນ ແລະ ບໍລິຫານ 1 ຄົນ), ອັດຕະປື 42 ຄົນ (ມີບໍລິຫານ 41 ຄົນ ແລະ ບໍລິຫານ 1 ຄົນ). ໄຊສົມບູນ ໄດ້ 34 ຄົນ (ມີຄູ 33 ຄົນ ແລະ ບໍລິຫານ 1 ຄົນ).

ຫວັງວ່າບັນດາໂຕເລກໂກຕ້າເຫຼົ່ານີ້ຈະໄປຮອດໄປເຖິງເຫຼົ່າຄູອາສາທີ່ໄດ້ທຸ່ມເທເຫື່ອແຮງສະຕິປັນຍາສິດສອນລູກຫຼານມາເປັນເວລາຫຼາຍປີໄດ້ມີກຳລັງແຮງ ແລະກຳລັງໃຈສູ້ຕໍ່ໄປ ສອນຫຼານນ້ອຍເຍົາວະຊົນຊາວໜຸ່ມໃຫ້ເປັນອະນາຄົດຂອງຊາດໃຫ້ເຂັ້ມແຂງ ແລະມີຄຸນນະພາບຕໍ່ໄປ.

ແຫຼ່ງຂໍ້ມູນ: ເສດຖະກິດການຄ້າ

Hits: 10

ບ່ອນສະແດງໂຄສະນາ

ອອກ​ຈາກ REPLY ເປັນ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້