ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ທ່ານ ສີສຸກ ສີພົມມາ ຮອງຫ້ອງການກະສິກຳ-ປ່າໄມ້ ເມືອງ ພູວົງ, ແຂວງອັດຕະປື ໃຫ້ສໍາພາດວ່າ: ໃນປີ 2018 ທົ່ວເມືອງ ພູວົງ ມີແຜນການຜະລິດເຂົ້ານາປີໃຫ້ບັນລຸໄດ້ ໃນເນື້ອທີ່ 2.791 ເຮັກຕາ, ແຕ່ການຈັດຕັ້ງປະຕິບັດໄດ້ຕົວຈິງ 2.639,36 ເຮັກຕາ ໃນນີ້ ຖືກຜົນກະທົບຈາກໄພພິບັດທາງທຳມະຊາດ 642,7 ເຮັກຕາ ແລະ ເນື້ອທີ່ສາມາດເກັບກູ້ຕົວຈິງ 1.996,6 ເຮັກຕາ.

ປະຈຸບັນຊາວກະສິກອນກໍາລັງຂຸ້ນຂ້ຽວເກັບກູ້ ຊຶ່ງເກັບກ່ຽວໄດ້ແລ້ວ 1.497,45 ເຮັກຕາ ທຽບໃສ່ແຜນການປີ ເທົ່າກັບ 75%. ສ່ວນເນື້ອທີ່ປູກເຂົ້າໄຮ່ໃນເຂດພູດອຍ ເສຍຫາຍຈາກໄພທຳມະຊາດຈຳນວນ 29 ເຮັກຕາ ໃນເນື້ອທີ່ໄຮ່ຕົວຈິງ 187 ເຮັກຕາ, ປະຈຸບັນເກັບກູ້ໄດ້ແລ້ວ 126,4 ເຮັກຕາ ເທົ່າກັບ 80% ຂອງແຜນການປີ.

ເພື່ອຟື້ນຟູຜົນເສຍຫາຍດັ່ງກ່າວ, ທັງແນໃສ່ຮັບປະກັນດ້ານສະບຽງອາຫານ ເມືອງ ພູວົງ ມີແຜນແກ້ໄຂ ດ້ວຍການສຸມໃສ່ ການຜົນຜະລິດ ລະດູແລ້ງ ເປັນຕົ້ນແມ່ນ ສຸມໃສ່ຜະລິດເຂົ້ານາແຊງ ໃນເຂດທີ່ມີຊົນລະປະທານໂດຍມີແຜນການເຮັດນາຕ່າວ ມີຈຳນວນຢູ່ 80 ເຮັກຕາ, ນາແຊງຢູ່ ບ້ານ ຄຳວົງສາ ໃຊ້ລະບົບພະລັງງານແສງພະອາທິດກ່ຽວກັບການດູດນ້ຳ ແຜນການໃຫ້ໄດ້ 50 ເຮັກຕາ.

ບ່ອນສະແດງໂຄສະນາ

ນອກຈາກການປູກເຂົ້າແລ້ວ ຍັງໄດ້ມີແຜນການປູກພຶດສຳຮອງໃນເຂດຊົນລະປະທານ ເປັນຕົ້ນ ປູກສາລີ, ຖົ່ວຂຽວ, ຖົ່ວດິນ ແລະພຶດຜັກຊະນິດຕ່າງໆ ເພື່ອແກ້ໄຂຊີວິດການເປັນຢູ່ ແລະໃຫ້ເປັນສິນຄ້າ ລວມມີ 7,4 ເຮັກຕາ, ສຳລັບເຂດທີ່ມີຜົນກະທົບນ້ຳຖ້ວມ ກໍ່ໄດ້ມີແຜນໃນການປູກພຶດເປັນຕົ້ນ ແມ່ນພຶດຜັກ ເພື່ອເປັນສະບຽງອາຫານແກ້ໄຂຊີວິການເປັນຢູ່ລວມມີ 14,6 ເຮັກຕາ ເຊິ່ງປະຈຸບັນ ໄດ້ມີການເບີກຈ່າຍທາງດ້ານແນວພັນຈຳນວນ 1000 ກວ່າປ໋ອງ ໂດຍລົງມອບໃຫ້ປະຊາຊົນເປັນຜູ້ຈັດຕັ້ງປະຕິບັດລວມມີ 5 ກວ່າເຮັກຕາແລ້ວ, ພ້ອມນີ້ທາງເມືອງ ຍັງມີບັນດາໂຄງການຂອງສາກົນ ທີ່ໄດ້ເຂົ້າຮ່ວມຊ່ວຍເຫລືອໃນການຟື້ນຟູຫລັງນ້ຳຖ້ວມ ໂດຍສະໜອງນ້ຳໃຊ້ພະລັງງານພະອາທິດໃຫ້ຄົວເຮືອນມີຈຳນວນ 10 ຈຸດຕື່ມອີກ.

InsideLaos #ອິນໄຊລາວ

Hits: 14

ບ່ອນສະແດງໂຄສະນາ

ອອກ​ຈາກ REPLY ເປັນ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້