ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ສູນການຮຽນຮູ້ ວິເອຟ ຮ່ວມກັບ ບໍລິສັດ My Robot Time Asia ໄດ້ຈັດພິທີເຊັນສັນຍາ ແລະສະເຫຼີມສະຫຼອງການເປີດສູນການຮຽນຮູ້ວິເອຟ ໂດຍການເປັນປະທານຂອງທ່ານ ແສງອາລຸນ ວົງພູທອນ, ຮອງຫົວໜ້າພະແນກສຶກສາທິການ ແລະກິລາ ນະຄອນຫຼວງວຽງຈັນ, ທ່ານນາງ ສຸກຖາວອນ ວົງສະຫວັນ ຜູ້ອໍານວຍການ ສູນການຮຽນຮູ້ ວິເອຟ (VF) ຈໍາກັດ, ທ່ານ Harry Roh ຜູ້ກໍ່ຕັ້ງ ແລະປະທານກຸ່ມບໍລິສັດ My Robot Time, Phillip Tan ຜູ້ກໍ່ຕັ້ງ My Robot ແລະ CEO ຂອງ My Robot Time Asia ມີບັນດາຜູ້ຕາງໜ້າຈາກກະຊວງວິທະຍາສາດ ແລະເທັກໂນໂລຊີ, ຜູ້ຕາງໜ້າຈາກໂຮງຮຽນຕ່າງໆ ທັງພາກລັດ ແລະເອກະຊົນເຂົ້າຮ່ວມ.

ທ່ານ ແສງອາລຸນ ວົງພູທອນ ກ່າວວ່າ: ສູນການຮຽນຮູ້ ວິເອຟ ແມ່ນສູນການຮຽນຮູ້ແບບໃໝ່ແກ່ເດັກນ້ອຍ ໂດຍນໍາເອົາແນວທາງການຮຽນຮູ້ທີ່ສາມາດເຊີ່ືອມໂຍງຄວາມຮູ້ທາງດ້ານວິທະຍາສາດ, ເຕັກໂນໂລຊີ, ວິສະວະກໍາສາດ ແລະຄະນິດສາດ (STEM) ລວມເຂົ້າເປັນອັນໜຶ່ງອັນດຽວກັນ ເພື່ອໃຫ້ເດັກນ້ອຍຮຽນຮູ້ວິຊາເຫຼົ່ານີ້ໂດຍຜ່ານການສ້າງຫຸ່ນຍົນ ຊຶ່ງເປັນສູນທໍາອິດໃນ ສປປ ລາວ. 
ສໍາລັບ (STEM) ມີຫຼັກສູດການຝຶກອົບຮົມ 4 ລະດັບຄື ລະດັບຂັ້ນອະນຸບານ, ປະຖົມ, ມັດຖະຍົມ ແລະມະຫາວິທະຍາໄລ, ທັງ 4 ຫຼັກສູດນີ້ ສາມາດເຊື່ອມສານເຂົ້າໃນຫຼັກສູດການຮຽນ-ການສອນໃນໂຮງຮຽນຕາມຄວາມເໝາະສົມ.

ຫຼັງຈາກສໍາເລັດຫຼັກສູດນີ້ແລ້ວ ເດັກຈະໄດ້ພັດທະນາທັກສະ ແລະຮຽນຮູ້ວິຊາວິທະຍາສາດ ເຕັກໂນໂລຊີ, ວິສະວະກໍາສາດ ແລະຄະນິດສາດ ດ້ວຍວິທີການສອນທີ່ທັນສະໄໝ ແລະກຽມຄວາມພ້ອມໃຫ້ເຂົາເຈົ້າ ໃນການຄົ້ນພົບວິຊາທີ່ຕົນເອງມັກໃນອານາຄົດ.

ບ່ອນສະແດງໂຄສະນາ

Hits: 4

ບ່ອນສະແດງໂຄສະນາ

ອອກ​ຈາກ REPLY ເປັນ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້