ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ທ່ານ ບຸນ​ປອນ ສີ​ສຸລາ​ດ ປະທານ​ກໍາມາ​ທິການ​ເສດຖະກິດ ​ເຕັກ​ໂນ​ໂລ​ຊີ ​ແລະ​ສິ່ງ​ແວດ​ລ້ອມ ພ້ອມຄະນະນຳທັງສູນກາງ ແລະ ທ້ອງຖິ່ນ ລົງ​ເຄື່ອນ​ໄຫວຕິດຕາມ​ກວດກາ, ຊຸກຍູ້​ການຈັດ​ຕັ້ງ​ປະຕິບັດ​ແຜນ​ພັດທະນາ-​ເສດຖະກິດ​ສັງຄົມ ​ແລະ​ ແຜນ​ງົບປະມານ​ແຫ່ງ​ລັດ​ປະ​ຈໍາປີ 2018 ຢູ່​ເມືອງ​ໄຊ​ບູລີ ​ໂດຍ​ໄດ້ຮັບການຕ້ອນຮັບຈາກທ່ານ ບຸນ​ຍົງ ຈັນ​ນີຍະ​ວົງ ​ເຈົ້າ​ເມືອງ​ໄຊ​ບູລີ ​ແລະ ພາກສ່ວນ​ກ່ຽວຂ້ອງ​ເຂົ້າ​ຮ່ວມ.

​ໃນ​ນັ້ນ​ ອໍານາດ​ການ​ປົກຄອງ​ເມືອງ ໄດ້​ສຸມ​ໃສ່​ການ​ຊີ້​ນໍາໆພາ​ໃນ​ການ​ພັດທະນາ​ເສດຖະກິດ-ສັງຄົມ ​ເຊິ່ງຜົນ​ງານ​ທີ່ພົ້ນ​ເດັ່ນ​ແມ່ນ​ ເສດຖະກິດຂອງ​ເມືອງ ຍັງ​ສືບ​ຕໍ່​ຂະຫຍາຍຕົວ​ຢ່າງ​ຕໍ່​ເນື່ອງ ​ໃນລະດັບ 9,5% ລວມຍອດ​ຜະ​ລິດ​ຕະພັນ​ພາຍ​ໃນ GDP ​ບັນລຸໄດ້ 646,18 ຕື້​ກີບ​, ສະ​ເລ່ຍ​ໃສ່​ຫົວ​ຄົນ​ໄດ້ 10 ລ້ານກວ່າກີບ ຫລື ​ເທົ່າ​ກັບ 1.235 ​ໂດ​ລາ/ຄົນ/ປີ, ທຽບໃສ່ແຜນການ 5 ປີ ​ສາມາດ​ປະຕິບັດ​ໄດ້ 91%.

ສ່ວນໃນຂົງເຂດວຽກ​ງານ​ຊັບພະຍາ ກອນ​ທໍາ​ມະ​ຊາດ ​ແລະ ​ສິ່ງ​ແວດ​ລ້ອ​ມ, ວຽກ​ງານ​ສາທາລະນະ​ສຸກ, ວຽກ​ງານ​ສຶກສາ​ທິການ ​ແລະ ​ກິລາ, ວຽກ​ງານ​ແຮງ​ງານ ​ແລະ ​ສະຫວັດດີ​ການ​ສັງຄົມ, ວຽກ​ງານ​ການ​ເງິນ, ວຽກ​ງານ​ແຜນການ ​ແລະ​ ການ​ລົງທຶນ, ​ວຽກ​ງານ​ໂຍທາ​ທິການ ​ແລະ​ ຂົນ​ສົ່ງ ກໍໄດ້​ຜັດ​ປ່ຽນ ​ການ​ຜ່ານ​ບົດ​ລາຍ​ງານ ​ແລະ​ ປະກອບ​ຄໍາຄິດ​ຄໍາ​ເຫັນຕໍ່ບົດ​ລາຍ​ງານ​ດັ່ງກ່າວ.

ບ່ອນສະແດງໂຄສະນາ

Cr.KPL

Hits: 3

ບ່ອນສະແດງໂຄສະນາ

ອອກ​ຈາກ REPLY ເປັນ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້