ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ມື້ວານນີ້, ທີ່ໂຮງແຮມ ຄຣາວພາຊາ ນະຄອນຫລວງວຽງຈັນ, ສູນກາງຊາວໜຸ່ມ ປະຊາຊົນປະຕິວັດລາວ ຮ່ວມກັບ ບໍລິສັດພັດທະນາ ລາວລ້ານຊ້າງ ຈຳກັດ ໄດ້ຈັດພິທີຖະ ແຫລງຂ່າວ ມິສອິນເຕີເນຊັນແນລ ລາວ 2018 ພາຍໃຕ້ຫົວຂໍ້ “ຄວາມຮັກ ສັນຕິພາບ ແລະ ຄວາມງາມ” ເພື່ອຊອກຫາສາວງາມ ທີ່ມີອາຍຸ 17 ປີ ຂຶ້ນໄປ, ຜູ້ມີໄຫວພິບ, ມີຄວາມຮູ້ຄວາມສາມາດ, ມີທັດສະນະຄະຕິທີ່ດີ ແລະ ມີຄວາມພ້ອມທີ່ຈະເປັນຕົວແທນ ໃຫ້ແກ່ສາວລາວ ທົ່ວປະເທດ ເຂົ້າປະກວດ ມິສອິນເຕີເນຊັນແນລ, ເຊິ່ງຈະຈັດຂຶ້ນ ໃນເດືອນພະຈິກ 2018 ທີ່ຈະມາເຖິງນີ້ ທີ່ນະຄອນໂຕກຽວ ປະເທດຍີ່ປຸ່ນ.

ລາງວັນຜູ້ທີ່ໄດ້ຊະນະເລີດ ຈະໄດ້ຮັບມົງກຸດ ມິສອິນເຕີເນຊັນແນລ ລາວ 2018 ທີ່ເປັນເພັດ ປະດັບດ້ວຍໄຂ່ມຸກ ມູນຄ່າ 50 ລ້ານກີບ, ພ້ອມເງິນສົດ 50 ລ້ານກີບ ແລະ ຂອງລາງວັນຫລາກຫລາຍລາຍການ ຮອບຊິງຊະນະເລີດ ຈະຈັດຂຶ້ນໃນວັນທີ 14 ຕຸລາ 2018, ໂດຍຖ່າຍທອດສົດ ທາງໂທລະພາບ ທີວີລາວ. ສຳລັບຜູ້ທີ່ສົນໃຈສະໝັກໂທ: 020 5555 7798 ຫລື facebook: Miss International Laos ມິສອິນເຕີເນຊັນແນລ ລາວ.

ບ່ອນສະແດງໂຄສະນາ

Cr.KPL
#InsideLaos

Hits: 4

ບ່ອນສະແດງໂຄສະນາ

ອອກ​ຈາກ REPLY ເປັນ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້