ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

  ກະຊວງການຕ່າງປະເທດ ຮ່ວມກັບ ອົງການສະຫະປະຊາຊາດ  ເພື່ອການຄ້າ ແລະ ການພັດ ທະນາ (UNCTAD)  ໄດ້ຈັດກອງປະຊຸມສໍາມະນາ  ກ່ຽວກັບການສ້າງ ຂິດຄວາມ ສາມາດ  ເພື່ອກຽມພ້ອມໃຫ້ແກ່ການຫລຸດພົ້ນ  ອອກຈາກສະຖານະປະເທດດ້ອຍພັດທະນາ ຂອງ ສປປ ລາວ ໃນລະຫວ່າງ ວັນທີ 29-30 ສິງຫາ  2018 ທີ່ ຫໍປະຊຸມແຫ່ງຊາດ,  ໂດຍການເປັນປະທານຮ່ວມຂອງ ທ່ານ ອານຸ ພາບ ວົງໜໍ່ແກ້ວ,  ຫົວໜ້າກົມ ອົງການຈັດຕັ້ງສາກົນ  ກະຊວງການຕ່າງປະເທດ ແລະ ທ່ານ ນາງ ຄາຣີນາ ອິມໂມເນັນ  ຜູ້ຕາງໜ້າອົງການ ສປຊ ເພື່ອການພັດທະນາ  ປະຈໍາ ສປປລາວ ແລະ ມີຜູ້ ເຂົ້າຮ່ວມ ຈາກບັນດາຄູ່ຮ່ວມພັດທະນາ,  ຜູ້ຕາງໜ້າອົງການເຄືອຂ່າຍ ສປຊ ປະຈໍາ ສປປ ລາວ,  ຂະແໜງການກ່ຽວຂ້ອງພາກລັດ  ແລະ ເອກະຊົນ ທັງໝົດ 50 ກວ່າຄົນ.

ກອງປະຊຸມຄັ້ງນີ້,  ເປັນກອງປະຊຸມລະດັບວິຊາການ  ຊຶ່ງມີຈຸດປະສົງສ້າງຂີດຄວາມສາມາດ ໃຫ້ຜູ້ເຂົ້າຮ່ວມ ພ້ອມທັງທົບທວນຄວາມຄືບໜ້າຂອງ  ສປປ ລາວ ໃນການ ຈັດ ຕັ້ງປະຕິບັດເປົ້າໝາຍ  ການພັດທະນາແຫ່ງຊາດ ແລະ ສາກົນ, ພ້ອມທັງແລກປ່ຽນທັດສະນະ ເພື່ອຊອກຫາທິດທາງໃນ ຂ້າງ ໜ້າ ໃນການແກ້ໄຂສິ່ງທ້າທາຍສໍາ ລັບການ ບັນລຸເງື່ອນໄຂສາກົນ  ເພື່ອຮັບປະກັນຄວາມພຽບພ້ອມ ຂອງ ສປປ ລາວ  ໃຫ້ຫລຸດພົ້ນອອກຈາກ ສະຖານະ LDC.

ພ້ອມດຽວກັນນັ້ນ,  ກອງປະຊຸມ ຍັງໄດ້ແລກປ່ຽນຄໍາຄິດຄໍາເຫັນ  ກ່ຽວກັບສິ່ງທ້າທາຍ ຂອງ ສປປ ລາວ  ພາຍຫລັງການຫລຸດພົ້ນອອກຈາກ ສະຖານະພາບ  LDC ແລະ ຖອດຖອນບົດຮຽນທີ່ດີ ກັບຄູ່ຮ່ວມພັດທະນາ ແລະ ຊ່ຽວຊານອົງການ UNCTAD  ກ່ຽວກັບວຽກງານການວາງນະໂຍບາຍ ທີ່ເໝາະສົມໃຫ້ແກ່ ສປປ ລາວ ເພື່ອຊຸກຍູ້ສົ່ງເສີມ ການສ້າງຂີດຄວາມສາມາດ  ແລະ ປະສິດທິພາບ ໃນການຜະລິດ ລວມທັງການປະຕິຮູບໂຄງ ສ້າງເສດ ຖະກິດ  ແລະ ຂະແໜງການສົ່ງອອກ  ໃຫ້ມີລັກສະນະຫລາກຫຼາຍ.  ທັງໝົດນີ້, ແມ່ນແນໃສ່ການອໍານວຍຄວາມສະດວກ ໃຫ້ແກ່ສປປ ລາວ ສໍາລັບການ ເຊື່ອມໂຍງກັບພາກພື້ນ  ແລະ ສາກົນ ເພື່ອສ້າງສະພາບ ແວດລ້ອມທີ່ຮັບປະກັນ  ການກ້າວໄປສູ່ການພັດ ທະນາແບບລວມສູນ,  ການຂະຫຍາຍຕົວເສດຖະ ກິດທີ່ມີລັກສະນະຕໍ່ເນື່ອງຍືນຍົງ  ແລະ ການກະຈາຍຜົນປະໂຫຍດ ຂອງ ການພັດທະນາແບບທົ່ວເຖິງ.

ບ່ອນສະແດງໂຄສະນາ

ໃນຕອນທ້າຍຂອງກອງປະຊຸມ,  ຄະນະປະທານຮ່ວມ ໄດ້ຮຽກຮ້ອງ  ແລະ ເນັ້ນໜັກໃຫ້ບັນດາຄູ່ຮ່ວມພັດທະນາ  ແລະ ທຸກໆພາກສ່ວນ ທີ່ກ່ຽວ ຂ້ອງ  ສືບຕໍ່ຮັດແໜ້ນ ແລະ ເສີມຂະຫຍາຍ ການຮ່ວມມືເພື່ອຮັບປະກັນການບັນລຸເປົ້າໝາຍ  ແລະ ບູລິມະສິດຂອງການພັດທະນາຂອງ  ສປປລາວ ກໍຄື ການຫລຸດພົ້ນ ອອກຈາກສະຖານະ ພາບປະເທດ ດ້ອຍ ພັດທະນາ,  ການກ້າວໄປສູ່ການເປັນປະເທດ ທີ່ມີລາຍຮັບປານກາງ, ພ້ອມທັງການປະສົບ ຜົນສໍາລັດ ໃນການ ຈັດຕັ້ງປະຕິບັດ  ວາລະການພັດທະນາ 2030 ຂອງສາກົນ.

ບ່ອນສະແດງໂຄສະນາ

ອອກ​ຈາກ REPLY ເປັນ

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້