fbpx
Thursday, April 9, 2020

ໄຊຍະບູລີ ສືບຕໍ່ຮັບແຮງງານລາວ 120 ຄົນທີ່ຕົກຄ້າງຢູ່ຈັງຫວັດເລີຍ!

ຍ້ອນສະພາບ ເຊື້ອພະຍາດອັກເສບປອດສາຍພັນໃໝ່ ໂຄວິດ-19 ຍັງສືບຕໍ່ແຜ່ລະບາດເປັນວົງກວ້າງ ເຮັດໃຫ້ມີແຮງງານລາວທີ່ໄປອອກແຮງງານຢູ່ປະເທດໄທ ເຊິ່ງມີຈຸດປະສົງກັບຄືນບ້ານຂອງຕົນ ບໍ່ສາມາດກັບຄືນໄດ້ຕາມກໍານົດເວລາ ຈຶ່ງຖືກຕົກຄ້າງຢູ່ອໍາເພີທ່າລີ ຈັ່ງຫວັດເລີຍຣາຊະ ອານາຈັກໄທ ເຊິ່ງຝ່າຍໄທໄດ້ ອໍານວຍຄວາມສະດວກດ້ານສະຖານທີ່, ເຄື່ອງອຸປະໂພກ ແລະ ບໍລິໂພກໃຫ້ແກ່ແຮງງານລາວເປັນຢ່າງດີ.

ບໍລິສັດ ໄຟຟ້ານ້ຳກົງ 3 ຈຳກັດ ສະໜັບສະໜູນ ຄະນະສະເພາະກິດ ແຂວງ ອັດຕະປື ມູນຄ່າ 250.000.000 ກີບເພື່ອສະກັດກັ້ນ, ຕ້ານພະຍາດ ໂຄວິດ-19

ເພື່ອສືບຕໍ່ເພິ່ມທະວີໃນການປ້ອງກັນ ພະຍາດໂຄວິດ-19 ທີ່ມະນຸດໄສຍະຊາດທຸກຄົນໃຜໆກໍ່ຢາກໃຫ້ໝົດໄປຈາກໂລກນີ້ ເຊິ່ງໃນປັດຈຸບັນ ແຂວງ ອັດຕະປື ແມ່ນຢູ່ໃນໄລຍະເຝົ້າລະວັງ ແລະ ການຕອບໂຕ້, ທຸກຄົນບໍ່ຄວນຖືເບົາ ຫຼຶ ນິ້ງນອນໃຈ, ຕ້ອງໄດ້ເອົາໃຈໃສ່ຕໍ່ຕ້ານ ແລະ ສະກັດກັ້ນການແຜ່ລະບາດຂອງພະຍາດ ໂຄວິດ-19 ຢ່າງເຂັ້ມງວດທີ່ສຸດ.

ຈາກຜູ້ກຳກັບຮູບເງົາ ສູ່ຜູ້ “ກຳຈົກ ກຳຊ້ວນ” ເຮັດສວນປູກຜັກ ໃນຊ່ວງວິກີດໂຄວິດ-19

ຈາກສະຖານະການ ການລະບາດຂອງພະຍາດໂຄວິດ-19 ໃນຫຼາຍໆປະເທດທົ່ວໂລກ ລວມທັງ ສປປ ລາວ ເຮັດໃຫ້ທາງພາກລັດໄດ້ລະດົມໃຫ້ປະຊາຊົນມີການປູກຝັງລ້ຽງສັດ ເພື່ອກຸ້ມຕົນເອງ ເພື່ອບໍ່ໃຫ້ມີບັນຫາການຂາດແຄນສະບຽງອາຫານໃນຕໍ່ໜ້າ ພູມສະນະ ສີຣິວົງສາ ຫຼື ເຈ້ຍ...

ທຸກຄົນມີຄວາມສ່ຽງ! ບາງກໍລະນີຕິດເຊື້ອ ບໍ່ສະແດງອາການ ຄວນກວດເລືອດສຳລັບ COVID-19 ໂດຍບໍ່ເສຍຄ່າ!

ຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂພະຍາດ COVID-19 ໄດ້ ປ່ຽນນິຍາມເພຶ່ອສ້າງເງື່ອນໄຂໃຫ້ທຸກຄົນສາມາດເຂົ້າການກວດເລືອດເພື່ຶອຊອກຫາເຊື້ອ ໂດຍບໍ່ເສຍຄ່າເພື່ອຫຼຸດຜ່ອນການແຜ່ລະບາດ ແລະ ໄພຂົ່ມຂູ່ຈາກພະຍາດດັ່ງກ່າວ. ການປ່ຽນແປງຄຳນິຍາມທີ່ໃຊ້ໃນການກຳນົດຜູ້ທີ່ມີສິດໄດ້ຮັບການກວດເລືອດເພື່ອຊອກຫາເຊື້ອພະ ຍາດ COVID-19 ແມ່ນແນໃສ່ຮັບປະກັນວ່າ ທຸກຄົນສາມາດເຂົ້າເຖິງການບໍລິການດ້ານສຸຂະພາບ ສຳລັບການກວດເລືອດ...

ລັດຖະບານກໍານົດເງິນນະໂຍບາຍແກ່ພະນັກງານທີ່ເຮັດວຽກຕາມການມອບໝາຍ ໄລຍະໂຄວິດ-19 ລະບາດ

ກະຊວງການເງິນແຫ່ງ ສປປ ລາວ ໄດ້ອອກຂໍ້ຕົກລົງເພີ່ມເຕີມ ສະບັບເລກທີ 0991/ກງ ນະຄອນຫຼວງວຽງຈັນ ວັນທີ 07 ເມສາ 2020, ກ່ຽວກັບການຄຸ້ມຄອງງົບປະມານສະເພາະວຽກງານປ້ອງກັນ, ຄວບຄຸມ ແລະ ຕອບໂຕ້ພະຍາດອັກເສບປອດ COVID-19, ເພື່ອກຳນົດອັດຕາເງິນນະໂຍບາຍໃຫ້ແກ່ພະນັກງານຜູ້ເຂົ້າເຮັດວຽກປະຕິບັດວຽກຕາມການມອບໝາຍ ແລະ ອັດຕາຄົນເຈັບ ຫຼື ຜູ້ຕ້ອງສົງໄສ. ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ,...

ປັບໃໝຊາວຄ້າຂາຍ! ຈໍາໜ່າຍສິນຄ້າເກີນລາຄາກຳນົດ ຢູ່ຕະຫຼາດຫົວຂົວ

ພະ​ແນກ​ອຸດ­ສາ­ຫະ­ກຳ ແລະ ການ​ຄ້າ​ນະ­ຄອນ­ຫຼວງ​ວຽງ​ຈັນ ສົມ­ທົບ​ກັບ​ກົມ​ການ​ຄ້າ​ພາຍ​ໃນ​ກະ­ຊວງ​ອຸດ­ສາ­ຫະ­ກຳ-ການ​ຄ້າ ແລະ ເມືອງ​ໄຊ​ເສດ​ຖາ ພ້ອມ​ທັງ​ຕຳ­ຫຼວດ​ເສດ­ຖະ­ກິດ ໄດ້​ລົງ​ມາ​ຕິດ­ຕາມ​ກວດ­ກາ​ລາ­ຄາ​ສິນ­ຄ້າ ແລະ ສະ­ພາບ​ການ​ຊື້-ຂາຍ​ຢູ່​ຕະ­ຫຼາດ​ຫົວ​ຂົວ ເມືອງ​ໄຊ​ເສດ​ຖາ ນະ­ຄອນ­ຫຼວງ​ວຽງ​ຈັນ. ທ່ານ ນັນ​ຕາ ສາ­ນຸ​ວົງ ຮອງ​ຫົວ­ໜ້າ​ພະ​ແນກ​ອຸດ­ສາ­ຫະ­ກຳ ແລະ ການ​ຄ້າ​ນະ­ຄອນ­ຫຼວງ​ວຽງ​ຈັນ ໄດ້​ກ່າວ​ວ່າ:...

ແພດໝໍ 8 ແຂວງພາກເໜືອ ຮຽນຮູ້ວິທີຄວບຄຸມ,ສະກັດກັ້ນ ໂຄວິດ19 ແລ້ວ

ການຝຶກອົບຮົມວຽກງານຄວບຄຸມ,ສະກັດກັ້ນການລະບາດຂອງເຊື້ອພະຍາດ ອັກເສບປອດ ຫຼື ພະຍາດໂຄວິດ-19 ໃຫ້ແພດໝໍບັນດາ 8 ແຂວງພາກເໜືອ ໄດ້ຈັດຂື້ນລະຫວ່າງວັນທີ 7-9 ເມສາ 2020 ທີ່ສະໂມສອນໃຫຍ່ ນະຄອນຫຼວງພະບາງ ໂດຍມີທ່ານ ວົງສະຫວັນ ເທບພະຈັນ ຮອງເຈົ້າແຂວງຫລວງພະບາງ,ທ່ານ ຈັນສຸກ ພັນໂດລັກ ເຈົ້ານະຄອນຫຼວງພະບາງ,ພະແນກການກ່ຽວຂ້ອງ,ພ້ອມດ້ວຍທິມ ຊ່ຽວຊານ ການແພດ...

ກຸ່ມ ລາດບວກ ເມືອງແປກ ປິດໝູ່ບ້ານ ຄົນໃນຫ້າມອອກ ຄົນນອກຫ້າມເຂົ້າ

ຈາກຄໍາສັ່ງເລກທີ 06/ນຍ ລົງວັນທີ 29 ມີນາ 2020 ວ່າດ້ວຍການເພີ່ມທະວີມາດຕະການສະກັດກັ້ນ, ກັນການລະບາດ, ຄວບຄຸມ ແລະ ກຽມຄວາມພ້ອມຮອບດ້ານ ເພື່ອຕ້ານພະຍາດໂຄວິດ-19 (COVID-19)  ໃນຫຼາຍແຂວງ ເມືອງ ແລະ ບ້ານ ກໍ່ໄດ້ພາກັນຈັດຕັ້ງປະຕິບັດຕາມ ຄຳສັ່ງ ເລກທີ 06 ຂອງນາຍົກລັດຖະມົນຕີຢ່າງເຂັ້ມງວດ ເຊິ່ງໃນນັ້ນໝູ່ບ້ານທີ່ຂຶ້ນກັບກຸ່ມ ລາດບວກ, ເມືອງແປກ,ແຂວງຊຽງຂວາງ ໃຊ້ມາດຕະການຂັ້ນເດັດຂາດ ປະກາດປິດທາງເຂົ້າໝູ່ບ້ານ ຄົນໃນຫ້າມອອກ...

ທິດຊີ້ນຳຈາກ ຫ້ອງວ່າການສໍານັກງານນາຍົກລັດຖະມົນຕີ ເພື່ອຜັນຂະຫຍາຍຄຳສັ່ງຂອງນາຍົກ ສະບັບເລກທີ 06

ທິດຊີ້ນໍາເພີ່ມເຕີມ ຈາກຫ້ອງວ່າການສໍານັກງານນາຍົກລົດຖະມົນຕີ ເພື່ອຈັດຕັ້ງຜັນຂະຫຍາຍຄໍາສັ່ງ ຂອງນາຍົກລັດຖະມົນຕີ ສະບັບເລກທີ06/ນຍ, ລົງວັນທີ 29 ມີນາ 2020 ວ່າດ້ວຍການເພີ່ມທະວີມາດຕະການສະກັດກັ້ນ, ກັນການລະບາດ, ຄວບຄຸມ ແລະ ກຽມຄວາມພ້ອມຮອບດ້ານ ເພື່ອຕ້ານພະຍາດໂຄວິດ-19 (COVID-19) ດັ່ງນີ້:  ໃຫ້ເຜີຍແຜ່ໃຫ້ປະຊາຊົນເຂົ້າໃຈກ່ຽວກັບຜົນຮ້າຍ ແລະ ຜົນກະທົບຈາກພະຍາດໂຄວິດ-19 ໂດຍສະເພາະແມ່ນຜູ້ທີ່ຖຶກກັກກັນຢູ່ເຮືອນ, ບ້ານ ແລະ ສູນ ບໍ່ໃຫ້ປະໝາດ ໃຫ້ມີຄວາມຮັບຜິດຊອບຕໍ່ສັງຄົມ ຕົນເອງ ແລະ ຄອບຄົວ ໃຫ້ຄະນະສະເພາະກິດ ແລະ ພາກສ່ວນທີ່ກ່ຽວຂ້ອງເຂັ້ມງວດໃນການປິດດ່ານ ບໍ່ຈໍາເປັນແທ້ໆ ແມ່ນບໍ່ອະນຸຍາດໃຫ້ເຂົ້າເດັດຂາດ ເມື່ອເຂົ້າມາແລ້ວ ຕ້ອງປະຕິບັດຕາມມາດຕະການຢ່າງເຂັ້ມງວດ ແລະ ມອບໃຫ້ນະຄອນຫລວງວຽງຈັນ, ບັນດາແຂວງທີ່ມີຊາຍແດນຕິດກັບປະເທດເພື່ອນບ້ານ ໃຫ້ຕິດຕໍ່ເຈລະຈາຮ່ວມມືໃນການປ້ອງກັນພະຍາດດັ່ງກ່າວ ສຳລັບແຮງງານທີ່ເດີນທາງມາຈາກປະເທດໄທ ໃຫ້ເພີ່ມຄວາມເອົາໃຈໃສ່ດັ່ງນີ້:  ມອບໃຫ້ກະຊວງຕ່າງປະເທດ ສຶບຕໍ່ປະສານງານກັບຝ່າຍໄທ ເພື່ອໃຫ້ເຂົາເຈົ້າສາມາດໄດ້ສືບຕໍ່ດຳລົງຊີວິດ ແລະ ກັກກັນ ຢູ່ປະເທດດັ່ງກ່າວ ຈົນກ່ວາສະພາບຈະດີຂຶ້ນສຳລັບແຮງງານທີ່ເຂົ້າມາແລ້ວ ໃຫ້ພາກສ່ວນທີາກ່ຽວຂ້ອງ ລົງເກັບກຳຂໍ້ມູນ ແລະ ຂຶ້ນບັນຊີບັນດາແຮງງານເຫຼົ່ານັ້ນ ໃຫ້ລະອຽດ ເພື່ອຕິດຕາມ ແລະ ກວດກາສຸຂະພາບບັນດາແຮງງານດັ່ງກ່າວ ກຳນົດບ່ອນກັກກັນລວມ ຖ້າທ້ອງຖິ່ນໃດມີເງື່ອນໄຂ ແຕ່ບໍ່ໃຫ້ມີຄວາມແອອັດ ແລະ ໃຫ້ປະຕິບັດຕາມມາດຕະການຂອງຄະນະສະເພາະກິດ ຖ້າບໍ່ມີເງື່ອນໄຂແມ່ນໃຫ້ກັກກັນຢູ່ເຮືອນ ແຕ່ຕ້ອງໄດ້ຕິດຕາມສຸຂະພາບຢ່າງໃກ້ຊິດໃນແຕ່ລະວັນ  4. ເຂັ້ມງວດໃນການກັກກັນໂຕຢູ່ເຮືອນ ຫຼື ທີ່ພັກອາໄສຂອງປະຊາຊົນ ບໍ່ຄວນອອກຈາກເຮືອນ ຖ້າບໍ່ຈຳເປັນ ໂດຍສະເພາະເຂດທີ່ມີກໍລະນີຕິດເຊື້ອ ສຳລັບການໄປທຳການຜະລິດ ເປັນຕົ້ນແມ່ນ: ໄຮ່ນາ ໄປສວນ ໄປຫາປາ ແລະ ຊອກຢູ່ຫາກິນຕາມແບບຄອບຄົວ ທີ່ບໍ່ເກີນ 10 ຄົນ ແມ່ນໄປໄດ້  5.ໃຫ້ຄະນະສະເພາະຮິບຮ້ອນຈັດສົ່ງອຸປະກອນການແພດ ທີ່ໄດ້ຮັບຈາກການບໍລິຈາກ ແລະ ຊ່ວຍເຫລືອຈາກພາກສ່ວນຕ່າງໆ  ໃຫ້ບັນດາແຂວງ ແລະ ເຂດຫ່າງໄກສອກຫຼີກ ເພື່ອແຈກຢາຍໃຫ້ເຈົ້າໜ້າທີ່ທີ່ປະຕິບັດວຽກໃນການຮັບມືກັບພະຍາດດັ່ງກ່າວ ພ້ອມແຈກຢາຍລ້າໃຫ້ປະຊາຊົນ. ພ້ອມດຽວກັນນັ້ນກໍ່ໃຫ້ສືບຕໍ່ຊຸກຍູ້ ແລະ ລະດົມ ໃຫ້ຄວາມຊ່ວຍເຫລືອ ອຸປະກອນປ້ອງກັນພະຍາດດັ່ງກ່າວເພື່ອນຳໄປມອບໃຫ້ໂຮງໝໍໃນບັນດາແຂວງ 

ທະນາຄານ ອຸດສາຫະກໍາ ແລະ ການຄ້າຈີນ ຈໍາກັດ ມອບອຸປະກອນການແພດໃຫ້ລັດຖະບານລາວ ເພື່ອຕ້ານ COVID-19

ໃນວັນທີ 08 ເມສາ 2020 ທະນາຄານ ອຸດສາຫະກໍາ ແລະ ການຄ້າຈີນ ຈໍາກັດ (ທະນາຄານໄອຊີບີຊີ) ໄດ້ດໍາເນີນການຈັດຊື້ອຸປະກອນການແພດຢ່າງຮີບດ່ວນ ແລະ ຂົນສົ່ງທາງໄກ ເພື່ອມອບໃຫ້ກະຊວງສາທາລະນະສຸກຂອງ ສປປ ລາວ. ອຸປະກອນການແພດມີມູນຄ່າທັງໝົດປະມານ 120.000 ໂດລາສະຫະລັດ, ລວມມີຜ້າອັດປາກອະນາໄມສໍາລັບທາງການແພດ 150.000 ອັນ, ເຄື່ອງກວດຫາເຊື້ອໄວຣັດ 2 ເຄື່ອງ, ເຊິ່ງອຸປະກອນການແພດດັ່ງກ່າວຈະຈະນໍາໃຊ້ເຂົ້າເພື່ອຊ່ວຍລັດຖະບານລາວໃນການສະກັດກັ້ນ ແລະ ຕ້ານພະຍາດ COVID-19. ໃນວັນທີ 24 ມີນາ 2020, ສປປ ລາວ ໄດ້ປະກາດເປັນທາງການວ່າມີຜູ້ຕິດເຊື້ອ COVID-19 ຄົນທໍາອິດ, ພະນະທ່ານສີຈິ້ນຜິງ ເລຂາທິການໃຫຍ່ ສປ ຈີນ ໄດ້ມີຄວາມຫ່ວງໃຍເປັນຢ່າງຍິ່ງຕໍ່ກັບຄວາມຫຍຸ້ງຍາກໃນການຄວບຄຸມ ແລະ ປ້ອງກັນການລະບາດຂອງ COVID-19 ຢູ່ສປປ ລາວ, ທ່ານໄດ້ມີຄໍາສັ່ງໃຫ້ຈັດຕັ້ງຄະນະຊ່ຽວຊານເພື່ອໄປເຮັດວຽກຊ່ວຍ ສປປ ລາວ ໃຫ້ໄວທີ່ສຸດ, ພ້ອມທັງໄດ້ຊ່ວຍເຫຼືອອຸປະກອນການແພດ, ໂດຍອີງຕາມສະພາບຈໍາເປັນຕົວຈິງຂອງລາວ ຝ່າຍຈີນຈະສືບຕໍ່ໃຫ້ການສະໜັບສະໜັບໜູນ ແລະ ຊ່ວຍເຫຼືອຢ່າງຮອບດ້ານ. ຫຼັງຈາກມີການປະການຂ່າວຢ່າງເປັນທາງການກ່ຽວກັບ COVID-19 ໃນລາວ, ທະນາຄານ ໄອຊີບີຊີ ສາຂານະຄອນຫຼວງວຽງຈັນ ກໍ່ໄດ້ປະສານງານກັບກະຊວງສາທາລະນະສຸກທັນທີ, ເພື່ອເກັບກໍາສະພາບການການລະບາດໃນປັດຈຸບັນ ແລະ ຄວາມຕ້ອງການດ້ານອຸປະກອນການແພດ, ແລະ ລາຍງານສໍານັກງານໃຫຍ່ຂອງທະນະຄານທັນທີ. ໃນເວລາດຽວກັນນັ້ນ, ການລະບາດຂອງພະຍາດ COVID-19 ກໍ່ໄດ້ຂະຫຍາຍໄປທົ່ວໂລກ, ທະນາຄານ ໄອຊີບີຊີ ໄດ້ວາງແຜນຊ່ວຍເຫຼືອວຽກງານການຕ້ານ COVID-19 ຢູ່ຕ່າງປະເທດຢ່າງຕັ້ງໜ້າ, ຫຼັງຈາກໄດ້ຮັບຮູ້ກ່ຽວກັບສະພາບການຢູ່ ສປປ ລາວ, ກໍ່ໄດ້ຈັດປະເທດລາວເຂົ້າໃນລາຍຊື່ເປົ້າໝາຍທີ່ຈະມອບເຄື່ອງຊ່ວຍເຫຼືອ, ແລະ ຊ່ວຍຊອກຫາແຫຼ່ງຈໍາໜ່າຍອຸປະກອນ ແລະ ເສັ້ນທາງການຂົນສົ່ງ.