ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ໃນຍຸກຂອງສະພາບການລະບາດຂອງພະຍາດໂຄວິດ-19 ແບບນີ້, ຄົນທົ່ວໂລກ ລວມທັງຄົນລາວເຮົາ ກຳລັງປະສົບກັບບັນຫາເສດຖະກິດຕົກຕໍ່າ, ສິນຄ້າລາຄາແພງຂຶ້ນ. ຖ້າອີງຕາມການລາຍງານຂອງຫ້ອງການສະຖິຕິແຫ່ງຊາດ ຈະເຫັນວ່າ ການປັບລາຄາຂອງສິນຄ້າອຸປະໂພກ ແລະ ບໍລິໂພກ ແລະ ການອ່ອນຄ່າຂອງເງິນກີບທຽບໃສ່ເງິນບາດໄທ ແລະ ເງິນໂດລາສະຫະລັດ ແມ່ນເປັນປັດໄຈໜຶ່ງທີ່ເຮັດໃຫ້ເກີດໄພເງິນເຟີ້.

ປັດຈຸບັນ, ຢູ່ນະຄອນຫຼວງວຽງຈັນ ລາຄາຊີ້ນໝູໜ້າຕະຫຼາດ ແມ່ນ 50,000 ກີບ/ກິໂລ ເຊີ່ງຖືວ່າເທົ່າກັບລາຄາຂອງໝາກເຜັດ ທີ່ຂາຍກິໂລລະ 50,000 ກີບ/ກິໂລ (ໃນບາງຕະຫຼາດ ແມ່ນກິໂລລະ 60,000 ກີບ)

ຈະເປັນການດີ, ຖ້າເຮົາຕັ້ງຮັບກັບສະຖານະການຢ່າງມີສະຕິ ແລ້ວເລີ່ມບໍລິຫານຈັດເງິນຂອງຕົນເອງໃຫ້ຮອບຄອບກວ່າເກົ່າ ເຊີ່ງບໍ່ສະເພາະການໂຮມເງິນເທົ່ານັ້ນ, ແຕ່ຍັງໝາຍເຖິງການປະຢັດຄ່າໃຊ້ຈ່າຍອີກດ້ວຍ

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ມື້ນີ້, ອິນໄຊລາວ ຈະຊວນທຸກຄົນມາເຊັກວິທີ ປະຢັດ ຄ່າໃຊ້ຈ່າຍສະບັບມະນຸດເງິນເດືອນໃນເມືອງໃຫ່ຍ ເພື່ອຮັບມືກັບວິກິດເສດຖະກິດ ໃນຍຸກຂອງໂຄວິດ-19

ຈາກການເຮັດແບບສອບຖາມກັບພະນັກງານຫ້ອງການ. ສ່ວນໃຫ່ຍທີ່ເລືອກວິທີປະຢັດຄ່າໃຊ້ໂດຍວິທີດັ່ງນີ້:  

  • ຫຼຸດຜ່ອນເສື້ອຜ້າ 52,9%
  • ຫຼຸດຄ່າເຄື່ອງດື່ມ (ນໍ້າເມົາທຸກປະເພດ) 47,1%
  • ຫຼຸດການຊື້ເຄື່ອງອອນລາຍ 29,4 %
  • ຫຼຸດຄ່າກິນກາເຟ 29,4 %
  • ຫຼຸດການຊື້ເລກ 23,5% 

ເຖິງວ່າປັດຈຸບັນນີ້, ສະຖານະການການລະບາດຂອງ COVID-19 ຢູ່ບ້ານເຮົາ ຖືວ່າຄວບຄຸມການລະບາດໄດ້ດີ. ແຕ່ຍັງບໍ່ສາມາດໄວ້ໃຈໄດ້ ເນື່ອງຈາກວ່າປະເທດຮອບຂ້າງຍັງມີການລະບາດຢູ່ ແລະ ຍັງມີຄວາມສ່ຽງທີ່ປະເທດເຮົາຈະກັບມາລະບາດຮອບໃໝ່ . ດັ່ງນັ້ນ, ທຸກຄົນຈື່ງຄວນມາຫັນມາກິນຢູ່ແບບ ປະຢັດ ເພື່ອຮັບມືກັບເສດຖະກິດໃນຍຸກໂຄວິດ-19 ດ້ວຍວິທີດັ່ງນີ້:

  • ປະຢັດດ້ວຍການເຮັດເຂົ້າມາກິນເອງ ຂໍ້ດີຂອງການເຮັດເຂົ້າມາກິນຢູ່ຫ້ອງການເອງ ແມ່ນເຮົາສາມາດຊື້ວັດຖຸດິບມາຄັ້ງໜື່ງ ແຕ່ສາມາດແຕ່ງກິິນໄດ້ຫຼາຍຄັ້ງ ແລະ ຫຼາຍຄົນ ຄຸ້ມກວ່າການອອກໄປກິນເຂົ້ານອກຕະຫຼອດ. ລວມທັງການສັ່ງອາຫານອອນລາຍ ເຖິງວ່າຈະສະດວກສະບາຍ ແຕ່ກໍ່ມີລາຄາແພງຢູ່ ຖ້າສັ່ງມາກິນເປັນປະຈຳກໍ່ຄົງຈະບໍ່ໄຫວເຊັ່ນກັນ
  • ຫຼຸດມື້ພິເສດລາຄາແພງ ແລະ ປ່ຽນມາປູກຜັກກິນເອງ ໂດຍສະເພາະແມ່ນຜັກທີ່ຄົນລາວເຮົາໃຊ້ເປັນປະຈໍາ ເປັນຕົ້ນແມ່ນ: ຜັກຫອມບົວ,​ ຜົກບົວລະພາ, ຜັກບົ້ງຈີນ ແລະ ອື່ນໆ ແລະ ວິທີໜື່ງ ແມ່ນຫຼຸດຜ່ອນມື້ພິເສດນອກບ້ານ ເປັນຕົ້ນແມ່ນ: ງົດກິນບຸບເຟ້ລາຄາແພງ, ງົດອາຫານຕ່າງປະເທດຕາມຮ້ານຫຼູ ແລະ ອື່ນໆ
  • ຫຼຸດຄ່າໃຊ້ຈ່າຍທີ່ບໍ່ຈຳເປັນ ແລະ ງົດຊື້ເຄື່ອງອອນລາຍ ສຳລັບຜູ້ທີ່ມັກຊື້ເຄື່ອງອອນລາຍ ແມ່ນຄວນງົດຊື້ເຄື່ອງເຫຼົ່ານັັ້ນກ່ອນ ເພາະຕອນນີ້, ສະຖານະການເສດຖະກິດບໍ່ຄ່ອຍດີ ຕ້ອງ ປະຢັດ ເພື່ອແຮ່ເງິນໄວ້ສຸກເສີນ
  • ຊື້ເຄື່ອງຫຼຸດລາຄາ ແຕ່ຕ້ອງໄດ້ຄຸນນະພາບ ຖ້າສິ່ງນັ້ນຈໍາເປັນແທ້ໆ, ກໍ່ສາມາດຊື້ໄດ້ ແຕ່ເຄັດລັບຄື ຕ້ອງຊື້ໃຫ້ຄຸ້ມຄ່າທີ່ສຸດ. ຕະຫຼາດອອນລາຍຖືວ່າເປັນແຫຼ່ງຊື້ເຄື່ອງທີ່ສຳຄັນ ເພາະເຂົາເຈົ້າມັກຈະແຂ່ງກັນເຮັດໂປຣໂມຊັ່ນ ຫຼຸດລາຄາ ຢູ່ເປັນປະຈຳ ໃຫ້ຕິດຕາມແຕ່ລະຮ້ານດີໆ ລວມເຖິງການກວດສອບຄຸນນະພາບ ເພື່ອໃຫ້ໃຊ້ໄດ້ດົນໆ ແລະ ຄຸ້ມຄ່າ
  • ແບ່ງເງິນໃຊ້ແຕ່ລະມື້ ແລະ ງົດເຄື່ອງດື່ມລາຄາແພງ ລອງກຳນົດເງິນສຳລັບໃຊ້ຈ່າຍໃນແຕ່ລະມື້ ໂດຍສະເພາະມະນຸດເງິນເດືອນຄືພວກເຮົາ ເລີ່ມຈາກແບ່ງເງິນອອກເປັນ 2 ກ້ອນ ກ້ອນທຳອິດແມ່ນເປັນເງິນໂຮມ ສ່ວນອີກກ້ອນ ແມ່ນນຳມາບໍລິຫານຄ່າໃຊ້ຈ່າຍຕ່າງໆ ແລະ ອາດຕ້ອງຍອມງົດເຄື່ອງດື່ມລາຄາແພງໃນລະຫວ່າງມື້ ເຊັ່ນ: ຊາໄຂ່ມຸກ, ກາເຟແບຣນດັງ ແລະ ອື່ນໆ ລວມເຖິງເຄື່ອງດື່ມແອວກໍຮໍ ທີ່ຕ້ອງງົດໃນຊ່ວງນີ້.

  • ປະຢັດດ້ວຍການເຮັດກິດຈະກຳໃນບ້ານ ປ່ຽນຈາກການອອກໄປເບີ່ງຮູບເງົາຢູ່ໂຮງ, ງານປາຕິ້ສ້າງສັນ ແລະ ການອອກກຳລັງກາຍຢູ່ສູນອອກກຳລັງກາຍ ປ່ຽນມາເປັນການເບີ່ງໃນຮູບເງົາຜ່ານທາງອອນລາຍແທນ, ອອກກຳລັງກາຍຢູ່ບ້ານ ແລະ ງານສ້າງສັນນ້ອຍໆກັບຄອບຄົວຢູ່ບ້ານແທນ ເຖິງວ່າຈະເບີ່ງບໍ່ມ່ວນເທົ່າໃດ ແຕ່ປະຢັດກວ່າອອກໄປນອກແນ່ນອນ

LEAVE A REPLY

Please enter your comment!
Please enter your name here