ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ເມື່ອກ່າວເຂົ້າສູ່ລະດູແລ້ງຂອງທຸກໆປີ, ເຮົາມັກຈະເຫັນດອກໄມ້ລະດູແລ້ງເບັ່ງບານສວຍງາມ ໂດຍສະເພາະກໍ່ແມ່ນດອກຈານ ທີ່ໃນໄລຍນີ້, ກຳລັງອອກດອກເຕັມຕົ້ນ,​ ມື້ນີ້ ອິນໄຊລາວ ໄດ້ນຳພາບດອກຈານກຳລັງບານ ທີ່ເດີນທາດຫຼວງ ນະຄອນຫຼວງວຽງຈັນ ມາໃຫ້ທຸກຄົນໄດ້ເບີ່ງນຳກັນ

ດອກຈານ ແມ່ນພືດພື້ນເມືອງຂອງລາວອີກຊະນິດໜື່. ເພາະວ່າມັນມີຖິ່ນກຳເນິດໃນເຂດຮ້ອນແຖບອາຊີຕາເວັນອອກສ່ຽງໃຕ້ ແລະ ອາຊີໃຕ້ ເຊັ່ນ: ໄທ, ມຽນມາ, ກຳປູເຈຍ, ລາວ, ມາເລເຊຍ, ສີລັງກາ, ເນປານ, ອິນເດຍ, ປາກິດສະຖານ ແລະ ບັງກະລາເທດ.

ສຳລັບໃນ ສປປ ລາວ ຂອງພວກເຮົາ ມັນພົບເຫັນໄດ້ໃນທຸກຂົງເຂດທົ່ວປະເທດ

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ຕົ້ນຈານເປັນໄມ້ຢືນຕົ້ນຂະໜາດກາງ, ສູງ 12-18 ມ, ກິ່ງອ່ອນມີຂົນເປັນສີນໍ້າຕານ. ລັກສະນະເປັນໃບປະກອບແບບຂົນນົກ, ມີໃບຍ່ອຍ 3 ໃບລຽງສະຫຼັບ, ໃບຍ່ອຍປາຍຮູບໄຂ່, ໃບມີຄວາມກວ້າງ 8-15 ຊມ ແລະ ມີຄວາມຍາວປະມານ 17 ຊມ. ອອກດອກເປັນຊໍ່ຄ້າຍຄືກັບດອກທອງຫຼາງ, ດອກມີສີແດງສົ້ມ ຫຼື ແສດ, ມີຍາວ 6-15 ຊມ, ມີດອກຍ່ອຍເກາະເປັນກຸ່ມ ເມື່ອດອກບານຈະມີກີບ 5 ກີບ. ລັກສະນະຂອງໝາກເປັນຝັກແປ, ຝັກມີສີຂຽວອ່ອນ ແລະ ຈະປ່ຽນເປັນສີນໍ້າຕານອົມເຫຼືອງເມື່ອແກ່ຝັກມີຂົນອ່ອນນຸ່ມສີຂາວເປັນມັນ, ໃນຝັກມີຂະໜາດນ້ອຍຢູ່ພາຍໃນ 1 ເມັດ, ຝັກມີຍາວ 10-14 ຊມ ແລະ ກວ້າງ 2-3.5 ຊມ.

ນອກຈາກດອກຈານຈະມີສີທີ່ງົດງາມແລ້ວ ຍັງມີປະໂຫຍດອີກຫຼາກຫຼາຍ ໂດຍໃນເມື່ອກ່ອນ ຄົນລາວເຮົາ ມັກນຳດອກຈານ ມາໃຊ້ຍອມສີຜ້າ ໂດຍຈະໃຫ້ສີແດງ. ເສັ້ນໃຍຈາກເປືອກໄມ້ສາມາດນໍາມາໃຊ້ເຮັດເປັນເຊືອກ ແລະ ເຈ້ຍໄດ້, ໃບສາມາດໃຊ້ເປັນອາຫານສັດໄດ້, ເນື້ອໄມ້ສາມາດນໍາໃຊ້ເປັນເຄື່ອງເຮືອນ ແລະ ເຄື່ອງມືທາງການກະເສດໄດ້.


ແລະ ຍັງມີສັບພະຄຸນທາງຢາ ເຊັ່ນ: ຮາກມີສັບພະຄຸນຊ່ວຍບໍາລຸງທາດ, ດອກໃຊ້ຕົ້ມດື່ມຊ່ວຍຖອນຜິດໄຂ້ໄດ້, ແກ່ນສາມາດໃຊ້ທາແກ້ອາການເຈັບແຂ້ວໄດ້, ເມັດນໍາມາບົດປະສົມກັບໝາກນາວ ນໍາມາທາບ່ອນທີ່ເປັນຜົວຜື່ນແດງ, ອັກເສບ, ຄັນ ແລະ ແສບຮ້ອນ

ຄໍາແນະນໍາ: ເນື່ອງຈາກຫຼັກຖານທາງດ້ານຄວາມເປັນພິດຍັງມີຢູ່ ຈື່ງຄວນໃຊ້ດ້ວຍຄວາມລະມັດລະວັງ ແລະ ບໍ່ຄວນໃຊ້ຕິດຕໍ່ເປັນໄລຍະດົນ.
ຂໍ້ຄວນລະວັງ: ເນື່ອງຈາກເມັດມີສານທີ່ອອກລິດຄືເອສໂຕຣເຈນ ຊື່ງມີຜົນຕໍ່ແມ່ຍິງທີ່ມີລູກ

ເອກະສານອ້າງອີງ: Medthai. 2017. ທອງກາວ ສັບພະຄຸນ ແລະ ປະໂຫຍດຂອງທອງກາວ 30 ຂໍ້.

LEAVE A REPLY

Please enter your comment!
Please enter your name here