ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ຫຍັບຈໍ້ມໍ່ເຂົ້າມາແລ້ວ, ກັບເທດສະການກຸດຈີນ ການສະເຫຼີມສະຫຼອງປີໃໝ່ຂອງພີ່ນ້ອງຊາວລາວ ເຊື້ອສາຍຈີນ ແລະ ຫວຽດນາມ. ຫຼາຍຄົນຫຼາຍຄອບຄົວ ໄດ້ເລີ່ມວາງແຜນໄປພັກພ່ອນກັນແນ່ແລ້ວ. ແຕ່ຖ້າຍັງບໍ່ຮູ້ຈະໄປໃສ່. ມື້ນີ້ ອິນໄຊລາວ ໄດ້ນຳເອົາ 4 ສະຖານທີີ ເຊັກອິນ ເໝາະສຳລັບການເຮັດບຸນ ກິນເຂົ້າ ແລະ ຖ່າຍຮູບງາມໆ ໃນວັນທ່ຽວກຸດຈີນ ມາປັກໝຸດໃຫ້ທຸກຄົນ ມາເບີ່ງນຳກັນເລີຍ

1. ສາມະຄົມຈີນ ນະຄອນຫຼວງນະຄອນວຽງຈັນ ຫຼື ທຸກໆຄົນຮູ້ຈັກກັນດີວ່າ ວັດຈີນດົງປາແຫຼບ.

ເລີ່ມຕົ້ນດ້ວຍການເຮັດບຸນ ເສີມສີຣິມຸງຄຸນໃຫ້ແກ່ຊີວິດ. ເພາະວ່າຈຸດນີ້ ຖືວ່າເປັນຈຸດສຳຄັນ ແລະ ເປັນວັດຈີນທີ່ໄດ້ຮັບຄວາມນິຍົມທີ່ສຸດໃນວຽງຈັນ. ຫຼັງຈາກທີ່ພາກັນກຣາບໄຫວ້ສິ່ງສັກສິດແລ້ວ ກໍ່ຢ່າລືມພາກັນຖ່າຍຮູບເກັບໄວ້ ເພື່ອເປັນທີ່ີລະລຶກແນ່ເດີ້.

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

2. ວັດຟຸກໂປ

ເຮັດບຸນກັນຕໍ່, ທີ່ວັດຟຸກໂປ ວັດນີ້, ຖຶວ່າຢູ່ບໍ່ຫ່າງຈາກວັດດົງປາແຫຼບຫຼາຍ ເພາະຕັ້ງຢູ່ ບ້ານທົ່ງຂັນຄໍາ. ເປັນວັດຈີນອີກໜຶ່ງແຫ່ງ ທີ່ທ່ານສາມາດພາຄອບຄົວໄປເຮັດບຸນ ກຣາບໄຫວ້ສິ່ງສັກສິດ. ເຖິງວ່າວັດນີ້ ຈະບໍ່ໃຫຍ່ເທົ່າໃດ ແຕ່ດ້ວຍຮູູບແບບອາຄານວັດ ທີ່ມີສະຖາປັດຕະຍາກຳແບບຈີນແລ້ວ ທ່ານກໍ່ສາມາດຖ່າຍຮູບກັບສະຖາປັດຕະຍາກຳເຫຼົ່ານັ້ນໄດ້ເຊັ່ນກັນ.

3. ສານເຈົ້າປູ່ຍ່າ (ຫໍກາງ)

ຈຸດນີ້ ຕັ້ງຢູ່ໃຈກາງນະຄອນຫຼວງ ທີ່ມີສິລະປະແບບຈີນລ້ວນໆ ບໍ່ວ່າຈະເປັນຮູບອາຄານ, ລວດລາຍມັງກອນ, ດອກໄມ້ ທີ່ຢູ່ຕາມຜາ ທີ່ຊວນໃຫ້ຕ້ອງຖ່າຍຮູບເກັບໄວ້

4. ຮ້ານ ນວນ

ຫຼັງຈາກທີ່ເຂົ້າວັດເຮັດບຸນແລ້ວ, ເຮົາກໍ່ຕ້ອງຫາຈຸດພັກຜ່ອນ ກິນເຂົ້າ ກິນນໍ້າ ກັນແນ່. ຮ້ານນວນ ຖືວ່າເປັນຮ້ານໜື່ງທີ່ຕົບແຕ່ງໃນຮູບແບບຂອງຈີນ ດ້ວຍຕຶກອາຄານຊົງເກົ່າ ແລະ ການຕົບແຕ່ງ. ເຮັດໃຫ້ຮູ້ສຶກວ່າ ເຮົາກຳລັງນັ່ງກິນອາຫານຢູ່ໃນສະໄໝຈີນຍຸກເກົ່າເລີຍ

ເປັນແນວໃດ, ສຳລັບສະຖານທີ່ ທີ່ເຮົານຳມາແນະນຳໃນມື້ນີ້. ປີໃໝ່ຈີນ-ຫວຽດນາມ ທີ່ຈະມາຮອດນີ້, ອິນໄຊລາວ ກໍ່ຂໍອວຍພອນໃຫ້ພີ່ນ້ອງຊາວລາວ ເຊື້ອສາຍຈີນ-ຫວຽດນາມ ຈົ່ງລໍ້າລວຍເງິນທອງ ຈະເລີນໃນໜ້າທີ່ການງານ ແລະ ສົມປາດຖະໜາທຸກປະການ

LEAVE A REPLY

Please enter your comment!
Please enter your name here