ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ເລື່ອງຂອງມິດຕະພາບ ເປັນເລື່ອງທີ່ຂ້ອນຂ້າງລະອຽດອ່ອນ ບໍ່ວ່າຈະເປັນໃນຮູບແບບໃດກໍ່ຕາມ ກໍລ້ວນແຕ່ມີຄວາມສຳຄັນທັງນັ້ນ. ດັ່ງນັ້ນ, ການປະຕິເສດແບບບໍ່ໃຫ້ເສຍນໍ້າໃຈຈື່ງຖືວ່າເປັນສິ່ງທີ່ຈໍາເປັນທີ່ສຸດ ເພາະຖ້າເຮົາປະຕິເສດແບບບໍ່ມີເຍື່ອໃຍພຽງຄັ້ງດຽວ ອາດເຮັດໃຫ້ຄວາມສຳພັນ ແລະ ມິດຕະພາບປ່ຽນແປງຕະຫຼອດໄປ

ມື້ນີ້, ອິນໄຊລາວ ຂໍແນະນຳ 4 ວິທີປະຕິເສດແບບບໍ່ໃຫ້ເສຍນໍ້າໃຈ ແລະ ແອັດມິນຄິດວ່າ 1 ໃນວິທີນີ້ ອາດຈະຊ່ວຍໃຫ້ທ່ານລອດຈາກພາວະລຳບາກໃຈໃນສະຖານະການພາຍໜ້າໄດ້

1.     ມີວຽກຕ້ອງເຮັດ

ເມື່ອເຮົາຮູ້ແລ້ວວ່າ ໝູ່ຈະຊວນໄປທ່ຽວ ໄປນັ່ງຊິວ ແຕ່ເຮົາບໍ່ຢາກໄປ ດ້ວຍເຫດຜົນໃດໆກໍ່ຕາມ. ເຮົາລອງເວົ້າລອຍໆ ຕົວຢ່າງວ່າ “ຂີ້ຄ້ານເດ ຕອນຄໍ່າຕ້ອງໄປກິນເຂົ້າກັບພີ່ນ້ອງອີກແລ້ວ” ລັກສະນະການເວົ້າແບບນີ້ ອາດເບີ່ງຄືບໍ່ຕັ້ງໃຈເກີນໄປ ເມື່ອເປົ້າໝາຍໄດ້ຍິນ ວ່າເຮົາຕ້ອງໄປກິນເຂົ້າກັບພີ່ນ້ອງ ກໍ່ຕ້ອງຮູ້ສຶກເກັງໃຈ ແຕ່ຖ້າເປົ້າໝາຍຍັງຄະຍັ້ນຄະຍໍຢາກໃຫ້ໄປ ເຮົາລອງຊວນເປົ້າໝາຍໄປກິນເຂົ້າກັບພີ່ນ້ອງເລີຍ ແບບນີ້ເຊື່ອສະນິດໃຈເລີຍ

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

2.     ຈົ່ມວ່າບໍ່ມີເງິນ

ບໍ່ວ່າຈະໄປສ້ັງສັນນ້ອຍໃຫ່ຍ ກໍລ້ວນແຕ່ຕ້ອງໃຊ້ເງິນ ເພາະສະນັ້ນ, ເງິນຈື່ງຖືວ່າເປັນປັດໄຈໜຶ່ງໂດຍອັດຕະໂນມັດ ໂດຍເທັກນິກນີ້ ເມື່ອເຮົາຖືກເປົ້າໝາຍໂຈມຕີ ໃຫ້ຮີບບອກເປົ້າໝາຍທັນທີວ່າ ຊ່ວງນີ້ບໍ່ຄ່ອຍມີເງິນ ເອົາໄວ້ໂອກາດໜ້າສາ ແລ້ວປ່ອຍໃຫ້ເປົ້າໝາຍຊືມຊັບ ແລ້ວຈັ່ງຄ່ອຍບອກຕື່ມໄປວ່າ ຊີໃຫ້ເພີ່ນລ້ຽງກະຮູ້ສຶກເກັງໃຈ ເອົາໄວ້ມື້ໜ້າເນາະ ເຊື່ອວ່າເປົ້າໝາຍຕ້ອງຍອມ ຖ້າເຂົາເຂົ້າໃຈເຮົາແທ້

3.     ອ້າງແຟນ

ຂໍ້ນີ້ ຖືວ່າລະອຽດອ່ອນຫຼາຍ ຕ້ອງໃຊ້ຢ່າງລະມັດລະວັງ ເພາະອາດຖືກຂໍ້ຫາວ່າ ຮັກແຟນຫຼາຍກວ່າໝູ່ ຈະກາຍເປັນປະເດັນອີກ ເທັກນິກນີ້ບໍ່ຄວນໃຊ້ເປັນປະຈຳ ແລະຕ້ອງອ້າງວ່າໄປວຽກທີ່ສຳຄັນສຸດໆ ເປັນຕົ້ນແມ່ນ ໄປກິນເຂົ້າກັບຄອບຄົວຂອງແຟນ, ພາແຟນໄປໂຮງໝໍ ແລະ ອື່ນໆ ເພາະດ້ວຍວຽກທີ່ມັນສຳຄັນແບບນີ້ ຈະເຮັດໃຫ້ເປົ້າໝາຍຮູ້ສຶກຜິດທັນທີ ທີ່ຕ້ອງມາຊວນເຮົາໄປນັ່ງກິນດື່ມຢູ່ຮ້ານອາຫານ

4.     ບໍ່ສະບາຍ

ບໍ່ມີໃຜຢາກທໍລະມານຄົນບໍ່ສະບາຍດອກເນາະ, ເທັກນີກນີ້ອາດເບີ່ງຄືງ່າຍ ແຕ່ບໍ່ງ່າຍເລີຍ. ທຳທ່າໄອ ຫຼື ຈາມ ອາດຕົກຍຸກໄປແລ້ວ ສິ່ງທີ່ແອັດຢາກແນະນຳແມ່ນ ໃຫ້ທຳທ່າຄົ້ນກະເປົາ ແລ້ວທຳທ່າຕົກໃຈວ່າ ເອົ້າ ລືມຈັບຢາມາ ແລ້ວທຳທ່າຄຽດໄປອີກໜື່ງສະເຕັບ ເຊື່ອວ່າວິທີນີ້ ຈະສາມາດເຮັດໃຫ້ເຈົ້າລອດໄດ້

ເປັນແນວໃດ, ກັບ 4 ວິທີທີ່ເຮົາເອົາມາຝາກໃນມື້ນີ້ ເຖິງວ່າມັນເບີ່ງຄືຕະລົກ ແຕ່ມັນສາມາດເອົາໄປປັບໃຊ້ໄດ້ໃນຊີວິດ ໃນຍຸກທີ່ຕ້ອງປະຍັດຄ່າໃຊ້ຈ່າຍແບບນີ້.

LEAVE A REPLY

Please enter your comment!
Please enter your name here