ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ເຂົ້າສູ່ລະດູໜາວ ຊ່ວງປ່ຽນລະດູ ເປັນຊ່ວງທີ່ອາກາດຈະເຢັນລົງ ແລະ ໃນບາງເຂດອາດຈະເຢັນລົງແບບກະທັນຫັນ ເຮັດໃຫ້ອຸນຫະພູມໃນຮ່າງກາຍຕ້ອງປັບປ່ຽນຢ່າງໄວວາ ເພື່ອຮັບກັບອຸຫະພູມພາຍນອກ ຈາກພາວະອາກາດແບບນີ້ ຈື່ງເຮັດໃຫ້ເກີດພະຍາດໄດ້ງ່າຍກວ່າປົກກະຕິ ໂດຍສະເພາະໃນກຸ່ມເດັກນ້ອຍ ທີ່ກຳລັງມີການຈະເລີນເຕີບໃຫ່ຍ ຜູ້ເຖົ້າ ຜູ້ທີ່ມັກເຈັບອອດໆແອດໆ ຫຼື ສຸຂະພາບບໍ່ແຂງແຮງ

ເຊີ່ງມື້ນີ້, ອິນໄຊລາວ ໄດ້ນຳເອົາພະຍາດທີ່ມັກມາກັບລົມໜາວ ເພື່ອໃຫ້ທຸກຄົນໄດ້ລະມັດລະວັງນຳກັນ, ມີ 5 ພະຍາດດັ່ງນີ້:

ໄຂ້ຫວັດທຳມະດາ


ພົບໄດ້ໃນທຸກໆລະດູ ແຕ່ສຳລັບໃນລະດູໜາວ ແມ່ນຈະເປັນງ່າຍ ແລະ ເລື້ອຍໆກ່ວາປົກກະຕິເຖິງ 2 ເທົ່າ ເກີດຈາກໄວຣັດທີ່ເຮັດໃຫ້ເກີດພະຍາດໃນລະບົບຫາຍໃຈ ທີ່ພົບຫຼາຍແມ່ນເຊື້ອໄຣໂນໄວຣັດ ອາການມີຄື ຕັນດັງ, ມີນໍ້າມູກໄຫຼ, ໄອ, ຈາມ ຄັນຄໍ ເລີ່ມມີໄຂ້ ແລະ ໜາວສັ່ນ ເຈັບຫົວ ແລະ ປວດຕົນໂຕ

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ໄຂ້ຫວັດໃຫ່ຍ

ອາດຈະຮຸນແຮງເຖິງຂັ້ນເສຍຊີວິດໄດ້ ພະຍາດນີ້ແມ່ນເກີດຈາກການຕິດເຊື້ອທາງລະບົບການຫາຍໃຈແບບກະທັນຫັນ ສາເຫດພື້ນຖານແມ່ນເຊື້ອໄວຣັດອິນຟູເອັນຊາ, ອາການທີ່ພົບເຫັນແມ່ນ: ໜາວສັ່ນ, ໄຂ້ສູງ, ເຈັບຄໍ, ປວດກ້າມເນື້ອຮຸນແຮງ ແລະ ເຈັບຫົວ. ອາດຈະມີອາການປວດຮາກອີກດ້ວຍ

ປອດບວມ


ໂຣກປອດບວມ ຫຼື ພາວະປອດອັກເສບ ຈາກແບັກທິເຣຍ ເຊິ່ງເຊື້ອມັກຈະຢູ່ໃນນໍ້າລາຍ ແລະ ຂີ້ກະເທີ່ ມັນສາມາດແຜ່ລາມໄດ້ໂດຍການ ໄອ, ຈາມ, ຫຼື ການສະມັກອາຫານແລະນໍ້າ. ເຊີ່ງຈະມີອາການ ໄອ, ຈາມ, ມີຂີ້ກະເທີ່ີຫຼາຍ, ແໜ້ນໜ້າເອິກ, ຫາຍໃຈບໍ່ສະດວກ, ເປັນໄຂ້ສູງເປັນເວລາຫຼາຍກວ່າ 2 ວັນ. ໂດຍມັກພົບໃນຜູ້ເຖົ້າແລະເດັກນ້ອຍອາຍຸ 5-10 ປີ

ຖອກທ້ອງ


ສ່ວນໃຫຍ່ແມ່ນເກີດມາຈາກເຊື້ອໂຣຕ້າໄວຣັດ ແລະ ມັກພົບໃນເດັກອາຍຸຕໍ່າກວ່າ 5 ປີ ຍ້ອນວ່າພວກເຂົາກຳລັງຢູ່ໃນໄລຍະການຮຽນຮູ້. ມັກຈັບເອົາສິ່ງຕ່າງໆເຂົ້າປາກ ມັກເກີດຂື້ນເລື້ອຍໆໃນຊ່ວງເດືອນຕຸລາຫາເດືອນກຸມພາ ອາການຂອງພະຍາດແມ່ນອາຈົມແຫຼວ, ມີອາການໄຂ້ແລະ ປວດຮາກ

ໄຂ້ອີ່ສຸກອີ່ໃສ


ແມ່ນພະຍາດທີ່ເກີດຈາກເຊື້ອໄວຣັດວິໜິເຊວລາ ຕິດຕໍ່ໄດ້ໂດຍການສຳພັດຕຸ່ມນໍ້າໃສໂດຍກົງ, ການສຳພັດເຄື່ອງໃຊ້ ຫຼື ສູດດົມເອົາລະອອງຂອງຕຸ່ມນໍ້າໃສ ມັກພົບຫຼາຍໃນເດັກອາຍຸຕໍ່າກວ່າ 15 ປີ ສະເພາະໃນເດັກນ້ອຍອາຍຸ 5 ປີຂຶ້ນໄປ, ໃນຜູ້ໃຫຍ່ແມ່ນບໍ່ຄ່ອຍພົບ ແລະ ມັກຈະເກີດຂື້ນກັບຄົນທີ່ບໍ່ເຄີຍເປັນພະຍາດນີ້ມາກ່ອນ ສຳລັບຜູ້ທີ່ເຄີຍເປັນແລ້ວ ແມ່ນຈະບໍ່ກັບມາເປັນອີກ. ພະຍາດດັ່ງກ່າວຈະມາໃນລະດູໜາວ ທ້າຍເດືອນມັງກອນ ຫາ ເດືອນມີນາ

ທັງນີ້, ເພື່ອຫຼີກລ່ຽງ ທຸກຄົນຄວນເຮັດໃຫ້ຮ່າງກາຍອົບອຸ່ນ ເບີ່ງແຍງສຸຂະພາບໃຫ້ແຂງແຮງ ອອກກຳລັງສະໝໍ່າສະເໝີ ກິນອາຫານທີ່ມີປະໂຫຍດຄົບ 5 ໝູ່ ຮັກສາຄວາມສະອາດ ບໍ່ດື່ມແອວກໍຮໍ ເພື່ອໃຫ້ຮ່າງກາຍແຂງແຮງ ບໍ່ມີພະຍາດແຊກຊ້ອນເຂົ້າມາໄດ້

LEAVE A REPLY

Please enter your comment!
Please enter your name here