ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ຫຼາຍໆຄົນອາດຈະຮູ້ແລ້ວວ່າ ການອອກກຳລັງກາຍນັ້ນ ມີປະໂຫຍດຫຼາຍຕໍ່ຮ່າງກາຍ ແຕ່ທ່ານສັງເກດບໍ່ວ່າ ຖ້າມັນເປັນລະດູໜາວ ເພື່ອແດດຈະອອກບວກກັບອາກາດເຢັນໆ ເຮັດໃຫ້ຫຼາຍໆຄົນຢາກນອນຂົດຢູ່ໃນບ່ອນນອນ ຫຼື ບາງຄົນກໍ່ອາດຈະຄິດວ່າ ໃຫ້ໝົດລະດູໜາວກ່ອນ ຈື່ງອອກກຳລັງກາຍ ເຊີ່ງມັນບໍ່ແມ່ນຄວາມຄິດທີ່ດີເລີຍ ເພາະວ່າການອອກກຳລັງກາຍໃນລະດູໜາວແມ່ນມີຂໍ້ດີຢູ່ຫຼາຍຢ່າງ

ມື້ນີ້, ອິນໄຊລາວ ຈື່ງໄດ້ນຳເອົາ 7 ເຫດຜົນ ວ່າເປັນຫຍັງເຮົາຄວນອອກກຳລັງກາຍໃນຍາມໜາວມາຝາກທຸກຄົນ

1.     ຊ່ວຍໃຫ້ຮ່າງກາຍອົບອຸ່ນໄດ້ດົນຫຼາຍຂື້ນ

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ໃນຊ່ວງລະດູໜາວແບບນີ້ ຮ່າງກາຍຈະຮູ້ສຶກເຢັນຈົນບໍ່ຢາກເຮັດຫຍັງເລີຍ ແຕ່ເພື່ອສຸຂະພາບທີ່ດີ ພ້ອມໆກັບການສ້າງຄວາມອົບອຸ່ນໃຫ້ຮ່າງກາຍ ເຮົາແນະນຳໃຫ້ລຸກຈາກບ່ອນ ເພື່ອໄປອອກກຳລັງກາຍເບົາໆ ພໍໃຫ້ເລືອດໄຫຼວຽນດີ ແລະ ເຮັດໃຫ້ຮ່າງກາຍທົນຕໍ່ຄວາມໜາວໄດ້ດີຂື້ນ

2.     ເຜົາຜານໄຂມັນໄດ້ດີຂຶ້ນ

ບໍ່ເຊື່ອກະຕ້ອງເຊື່ອວ່າລະດູໜາວ ຖືວ່າເປັນຊ່ວງເວລາທີ່ດີໃນການຟິດຫຸ່ນສຳລັບຄົນທີ່ຢາກຫຼຸດນໍ້າໜັກ ແລະ ຮັກສາຮູບຮ່າງໃຫ້ກະຊັບ ເນື່ອງຈາກວ່າໃນຊ່ວງລະດູໜາວນີ້ ລະບົບເຜົາຜານຈະເຮັດວຽກໄດ້ດີກວ່າປົກກະຕິ ເພາະຮ່າງກາຍຕ້ອງໃຊ້ພະລັງງານຫຼາຍຂຶ້ນ ເພື່ອຮັກສາຄວາມອົບອຸ່ນໃຫ້ຮ່າງກາຍ ເຊີ່ງຜົນທີ່ໄດ້ແມ່ນ ຮ່າງກາຍສາມາດເຜົາຜານໄຂມັນສ່ວນເກີນໄດ້ດີຂຶ້ນ

3.     ຫ່າງໄກຈາກໄຂ້ຫວັດ

ຜູ້ໃດທີ່ຄິດວ່າບໍ່ຄວນອອກກຳລັງກາຍເມື່ອເປັນໄຂ້ຫວັດ ຄວນປ່ຽນແປງຄວາມຄິດນັ້ນໄດ້ເລີຍ. ເພາະວ່າການອອກກຳລັງກາຍຈະຊ່ວຍໃຫ້ລະບົບພູມຕ້ານທານເຮັດວຽກໄດ້ຢ່າງມີປະສິດຕິພາບ. ດັ່ງນັ້ນ, ເມື່ອເປັນໄຂ້ຫວັດ ມັນກໍ່ຈະຄ່ອຍຫາຍໄປແລະ ຫຼຸດຜ່ອນຄວາມສ່ຽງທີ່ຈະເປັນໄຂ້ຫວັດໄດ້ເຊັ່ນກັນ

4.     ປ້ອງກັນອາກາດຊືມເສົ້າໃນລະດູໜາວໄດ້

 SAD ຫຼື Seasonal Affective Disorder ແມ່ນພາວະຊືມເສົ້າທີ່ມັກເກີດຂື້ນຕາມລະດູການ ໂດຍສະເພາະໃນລະດູໜາວ ທີ່ມີຊ່ວງເວລາກາງຄືນດົນກວ່າ ເວລາກາງເວັນ ດັ່ງນັ້ນ, ໃຜທີ່ມີຄວາມຮູ້ສຶກເສົ້າ ຫຼື ຄຽດຫຼາຍກວ່າປົກກະຕິໃນຊ່ວງນີ້ ແນະນຳໃຫ້ອອກກຳລັງຢ່າງສະໝໍ່າສະເໝີ ເພາະການເໜັງຕິງຮ່າງກາຍຢູ່ເລື້ອຍໆ ຈະກະຕຸ້ນໃຫ້ສະໝອງຫຼັ່ງສານແຫ່ງຄວາມສຸກອອກມາ ເຊີ່ງຊ່ວຍຜ່ອນຄາຍຄວາມກັງວົນ ແລະ ບັນເທົາອາການຊືມເສົ້າໄດ້ດີ

5.     ແສງແດດບໍ່ແຮງເກີນໄປເປັນສິ່ງທີ່ດີ

ແສງແດດໃນຊ່ວງລະດູໜາວ ເໝາະສົມກັບການອອກກຳລັງກາງແຈ້ງຫຼາຍ ເພາະບໍ່ຮ້ອນເກີນໄປ ເຮັດໃຫ້ເຮົາໄດ້ຮັບວິຕາມິນຈາກແສງແດດ ເຊີ່ງຊ່ວຍກະຕຸ້ນການດູດຊືມແຄລຊຽມເຂົ້າສູ່ຮ່າງກາຍໄດ້ດີຂຶ້ນ ເຮັດໃຫ້ກ້າມຊີ້ນ ແລະ ກະດູກສ່ວນຕ່າງໆ ແຂງແຮງອີກດ້ວຍ (ຢ່າລືມວ່າຕ້ອງເປັນແດດຍາມເຊົ້າ ຫຼື ຍາມແລງເດີ້ ເພາະຈະບໍ່ແຮງເກີນໄປ)

ເມື່ອຮູ້ວ່າແບບນີ້ແລ້ວ ຫວັງວ່າຫຼາຍໆຄົນຄົງຈະກຽມໄປອອກກຳລັງກາຍໃນຊ່ວງລະດູໜາວຫຼາຍຂຶ້ນ ເພື່ອສຸຂະພາບຮ່າງກາຍທີ່ແຂງແຮງຂອງຕົນເອງ

LEAVE A REPLY

Please enter your comment!
Please enter your name here