ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ເມື່ອຮອດລະດູໜາວອາກາດເຢັນ ໃນເມື່ອກ່ອນ ເຮົາມັກຈະເຫັນຜູ້ເຖົ້າຜູ້ແກ່ໄດ້ພາລູກຫຼານນັ່ງອ້ອມກອງໄຟ ຜິງໄຟ ພ້ອມປີ້ງເຂົ້າໜຽວ ໂຮຍເກືອ ທາໄຂ່ ຫຼື ທີ່ເຮົາເອີ້ນກັນວ່າ “ເຂົ້າຈີ່ທາໄຂ່” ກິນໄປນຳ ຜິງໄຟໄປນຳ ເພື່ອບັນເທົາຄວາມໜາວ

ແຕ່ໃນປັດຈຸບັນນີ້, ໃນຕາມນະຄອນຫຼວງ ຫຼື ເມືອງໃຫ່ຍ ແມ່ນຈະບໍ່ຄ່ອຍໄດ້ເຫັນແລ້ວ ເຫຼືອພຽງແຕ່ຕາມຊົນນະບົດເທົ່ານັ້ນ, ແຕ່ແນວໃດກໍ່ຕາມ ກໍ່ໄດ້ມີພໍ່ຄ້າແມ່ຄ້າ ທີ່ໄດ້ນຳເອົາພູມປັນຍາທີ່ປູ່ຍາຕາຍາຍ ພາເຮັດມາແຕ່ໃດໆມາ. ມາສ້າງເປັນອາຊີບ ໂດຍການປີ້ງເຂົ້າຈີ່ທາໄຂ່ຂາຍ ຕາມແຄມທາງ ຫຼື ຕະຫຼາດຕ່າງໆ ເຊີ່ງມັນສາມາດສ້າງລາຍຮັບໄດ້ເປັນຢ່າງດີ

ເອື້ອຍສາ ເຈົ້າຂອງຮ້ານປີ້ງເຂົ້າຈີ່ ຂ້າງໂຮງຮຽນກ້າວໜ້າ (ຕະຫຼາດ ທົ່ງຂັນຄໍາ ນະຄອນຫຼວງວຽງຈັນ) ໄດ້ບອກກັບອິນໄຊລາວວ່າ: ເຂົ້າຈີ່ທາໄຂ່ ຫຼື ເຂົ້າປີ້ງ ແມ່ນຈະມັກເຫັນຂາຍຫຼາຍໃນຊ່ວງຍາມໜາວເທົ່ານັ້ນ  ເນື່ອງຈາກວ່າເຂົ້າຈີ່ ຈະຕ້ອງໄດ້ປີ້ງໄຟຢູ່ເຕົາໄຟຕະຫຼອດ ໂດຍທາງຮ້ານເຮົາຈະມີຢູ່ສອງແບບຄື: ແບບທາໄຂ່ທຳມະດາ ບໍ່ເຜັດ ແລະ ແບບທາໄຂ່ ແຕ່ເຜັດ ແລະ ສູດທາງຮ້ານ ກໍ່ແມ່ນສູດບູຮານ ທີ່ໄດ້ສືບທອດກັນມາດົນນານແລ້ວ

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ເອື້ອຍສາຍັງໄດ້ບອກກັບອິນໄຊລາວຕື່ມວ່າ: ສຳລັບຊ່ວງນີ້ ຈະຂາຍດີເປັນພິເສດ ເນື່ອງຈາກວ່າອາກາດເຢັນໃນຕອນເຊົ້າ ເຮັດໃຫ້ລູກຄ້າຢາກກິນແນວອຸ່ນໆຫຼາຍຂຶ້ນ ເຊີ່ງຮ້ານເຮົາຂາຍໄມ້ລະ 2,000 ກີບ ເທົ່ານັ້ນ, ນອກຈາກນີ້ ຍັງຂາຍລູກຊີ້ນ, ປີ້ງຊີ້ນ ເພື່ອໃຫ້ລູກຄ້າໄດ້ກິນຄູ່ກັບເຂົ້າຈີ່ອີກດ້ວຍ

ຜູ້ບໍລິໂພກທ່ານໜຶ່ງໄດ້ບອກກັບເຮົາວ່າ: ສາເຫດທີ່ຕົນເອງມັກກິນເຂົ້າຈີ່ທາໄຂ່ໃນຕອນເຊົ້າ ເນື່ອງຈາກວ່າ ມັນເຂົ້າກັບບັນຍາກາດໜາວໆ ແລະ ທີ່ສຳຄັນແມ່ນກິນງ່າຍ ປະຫຍັດເວລາອີກດ້ວຍ

LEAVE A REPLY

Please enter your comment!
Please enter your name here