ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ອາກາດໜາວ ນອກຈາກຈະຫອບລົມເຢັນມາທັກທາຍແລ້ວ ຍັງຫອບເອົາບັນຫາລົບກວນຜິວມາອີກດ້ວຍ ເພື່ອໃຫ້ໜຸ່ມໆ ສາວໆ ມ່ວນກັບອາກາດເຢັນໆ ຂອງລະດູໜາວໄດ້ເຕັມທີ່ແລ້ວ ມື້ນີ້ ອິນໄຊລາວຂໍນຳຕົວຢ່າງບັນຫາຜິວທີ່ອາດຈະເກີດຂຶ້ນໄດ້ກັບຜິວຂອງທ່ານ ພ້ອມກັບວິທີການຮັບມືມາຝາກ

1. ຜິວບໍ່ສົດໃສ


ຢ່າແປກໃຈຖ້າໃນລະດູໜາວຜິວໜ້າທີ່ເຄີຍມີຄວາມສົດໃສ ກັບເບິ່ງຄືວ່າຈືດໆ. ເພາະວ່າຜິວໜ້າຂອງທ່ານກຳລັງສູນເສຍຄວາມຊຸ່ມຊື່ນໃຫ້ກັບຄວາມແຫ້ງຂອງອາກາດໃນລະດູນີ້. ເມື່ອຜິວແຫ້ງສະສົມຫຼາຍຊັ້ນ ຈື່ງເຮັດໃຫ້ຜິວໜ້າ ເບິ່ງຈືດໆຈາງໆ ບໍ່ສົດໃສ. ຈັດການບັນຫານີ້ ໂດຍການຂັດໜ້າ ເພື່ອກຳຈັດເຊວຜິວໜັງ ທີ່ຕາຍແລ້ວ ແລະ ຢ່າລືມບໍາລຸງໃໝ່ດ້ວຍ ຄຣິມບໍາລຸງຜິວ

2. ຕາແຫ້ງຈົນນໍ້າຕາໄຫຼ


ອາກາດແຫ້ງ ເຮັດໃຫ້ເຮົາສູນເສຍນໍ້າທີ່ຫຼໍ່ລ້ຽງດວງຕາ ເຊີ່ງຮ່າງກາຍມີວິທີຮັບມືກັບອາການນີ້ດ້ວຍຕົວເອງ ໂດຍກາຍຂັບນໍ້າຕາອອກມາຫຼໍ່ລ້ຽງ ເຮັດໃຫ້ຫຼາຍໆຄົນມີອາການນໍ້າຕາໄຫຼໄດ້ງ່າຍ ສຳລັບໃຜທີ່ມີອາການຕາແຫ້ງຫຼາຍໆ ໃຫ້ຍອດນໍ້າຕາທຽມເປັນຕົວຊ່ວຍ ສ່ວນສຳລັບສາວໆທີ່ມັກແຕ່ງໜ້າ ຢ່າລືມເລືອກມາກຄາຣ່າທີ່ສາມາດກັນນໍ້າໄດ້ ຈະເປັນການດີ

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

3. ສົບແຫ້ງ ມີຮອຍແຕກ


ສົບແຕກ ເປັນບັນຫາທີ່ພົບເຫັນຫຼາຍໃນຍາມໜາວ ເກີດຈາກການສູນເສຍຄວາມຊຸ່ມຊື່ນໄປກັບຄວາມແຫ້ງຂອງອາກາດ ເພາະສະນັ້ນ ຄວນທ່າລີບມັນ ຫຼື ນວດ(ແບບລາວ) ທຸກຄັ້ງທີ່ຮູ້ສຶກວ່າປາກແຫ້ງ ນອກຈາກນີ້, ເພື່ອໃຫ້ມີປະສິດທີ່ພາບ ຄວນເລືອກລີບມັນທີ່ມີສ່ວນປະກອບຂອງວິຕາມິນອີ ເຊີ່ງມັນສາມາດເພີ່ມຄວາມຊຸ່ມຊື່ນໃຫ້ກັບຮີມສົບໄດ້ລະດັບໜຶ່ງ

4. ຜິວໄໝ້ແດດ


ເຖິງຈະເປັນຍາມໜາວ ແຕ່ຜິວກໍ່ຍັງຖືກທຳຮ້າຍຈາກແສງແດດບໍ່ພໍລະດູຮ້ອນ ເມື່ອແດດທີ່ຮ້ອນແຮງເຈີກັບອາກາດແຫ້ງເຢັນ ກໍ່ເຮັດໃຫ້ຜິວແສບໄໝ້ໄດ້ງ່າຍຂຶ້ນ ເພື່ອຫຼີກລ່ຽງອາການເຫຼົ່ານີ້ ການທ່າຄຣິມກັນແດດຈື່ງເປັນເລື່ອງຈໍາເປັນ ລວມເຖິງການທ່າຄຣິມບໍາລຸງຜິວ ເພື່ອເພີ່ມຄວາມຊຸ່ມຊື່ນໃຫ້ຜິວຄູ່ກັນໄປ

5. ແກ້ມແຕກແດງ

ຫຼາຍໆຄົນອາດຈະເຄີຍປະສົບບັນຫາຜິວບໍລິເວນແກ້ມແຫ້ງແຕກ ລອກເປັນເກັດ ນອກຈາກນີ້, ຍັງເຮັດໃຫ້ຜິວຫຍາບ ແລະ ມີອາການເຈັບອີກດ້ວຍ ທາງດຽວທີ່ຈະສາມາດຮັກສາບັນຫານີ້ໄດ້ ຄືການໃຊ້ຄຣິມບໍາລຸງແບບເຂັ້ມຂຸ້ນ ທາຢ່າງສະໝໍ່າສະເໝີ ລວມທັງທາຄຣິມກັນແດດສຳລັບຜິວໜ້າອ່ອນ

ເຖິງວ່າຍາມໜາວຈະມາພ້ອມກັບບັນຫາຜິວຫຼວງຫຼາຍ ແຕ່ຖ້າຮູ້ວິທີຮັບມື ແລະ ປ້ອງກັນແຕ່ເນີນໆ ຮັບຮອງວ່າໜາວປີນີ້ ໝົດກັງວົນເລື່ອງບັນຫາຜິວແນ່ນອນ

LEAVE A REPLY

Please enter your comment!
Please enter your name here