ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ກົມອຸຕຸນິຍົມ ແລະ ອຸທົກກະສາດ ໄດ້ຄາດຄະເນສະພາບອາກາດ ແຕ່ວັນທີ 09 ຫາ 15 ພະຈິກ 2020 ຄາດຄະເນສະພາບອາກາດ ໃນແຕ່ລະພາກດັ່ງລຸ່ມນີ້:

ພາກເຫນືອດ້ານຕາເວັນອອກ: ອາກາດຈະເຢັນ ຫາ ຫນາວເຢັນຢູ່ທົ່ວໄປໃນຕອນເຊົ້າພ້ອມມີຫມອກບາງປົກຫຸ້ມຢູ່ທົ່ວໄປ ແລະ ຫນອກຫນາປົກຫຸ້ມໃນຕອນກາງຄືນ ຫາ ຕອນເຊົ້າ ຢູ່ບາງທ້ອງຖິ່ນເຂດພູສູງ ແລະ ເຂດພູດອຍ ແລະ ຈະມີລົມພັດແຮງເປັນບາງໂອກາດ. ອຸນຫະພູມຕ່ໍາສຸດ 11 – 13 ອົງສາ ແລະ ສູງສຸດ 23 – 25 ອົງສາ.

ພາກເຫນືອດ້ານຕາເວັນຕົກ: ອາກາດຈະເຢັນ ຫາ ຫນາວເຢັນຢູ່ທົ່ວໄປໃນຕອນເຊົ້າ ພ້ອມມີຫມອກບາງປົກຫຸ້ມຢູ່ທົ່ວໄປ ແລະ ຫນອກຫນາປົກຫຸ້ມໃນຕອນກາງຄືນ ຫາ ຕອນເຊົ້າ ຢູ່ບາງທ້ອງຖິ່ນເຂດພູສູງ ແລະ ເຂດພູດອຍ. ອຸນຫະພູມຕໍ່າສຸດ 15 – 18 ອົງສາ ແລະ ສູງສຸດ 29 – 32 ອົງສາ.

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ພາກກາງ: ອາກາດເຢັນໃນຕອນກາງຄືນ ຫາຕອນເຊົ້າ ພ້ອມມີຫມອກບາງປົກຫຸ້ມຢູ່ທົ່ວໄປ ແລະ ມີລົມພັດແຮງ ເປັນບາງ ໂອກາດ ແລະ ຝົນຍັງຕົກໃນລະດັບຄ່ອຍ ຫາ ປານກາງ ຢູ່ບາງທ້ອງຖິ່ນແຂວງ ບໍລິຄໍາໄຊ, ຄໍາມ່ວນ ແລະ ສະຫວັນນະເຂດ. ອຸນຫະ ສູດ 17 – 19 ອົງສາ ແລະ ສູງສຸດ 29 – 31 ອົງສາ.

ສະເພາະແຂວງ ໄຊສົມບູນ, ເຂດຫຼັກ 20, ເມືອງ ວຽງທອງ ແລະ ເມືອງ ນາກາຍ: ອາກາດຈະຫນາວເຢັນລົງ ພ້ອມມີຫມອກບາງ ປົກຫຸ້ມຢູ່ທົ່ວໄປໃນຕອນເຊົ້າ ແລະ ມີລົມພັດແຮງຢູ່ບາງບໍລິເວນ. ອຸນຫະພູມຕໍ່າສຸດ 13 – 15 ອົງສາ ແລະ ສູງສຸດ 23 – 25 ອົງສາ.

ພາກໃຕ້: ອາກາດຈະເຢັນໃນຕອນເຊົ້າ ແລະ ຍັງຈະມີຝົນຕົກໃນລະດັບຄ່ອຍ ແລະ ຕົກປານກາງ ຫາ ຫນັກ ຢູ່ບາງທ້ອງຖີ່ນ ແຂວງ ເຊກອງ, ອັດຕະປື, ສາລະວັນ ແລະ ຈໍາປາສັກ. ອຸນຫະພູມຕໍ່າສຸດ 18 – 20 ອົງສາ ແລະ ສູງສຸດ 29 – 31 ອົງສາ.

ສະເພາະເຂດພູພຽງບໍລະເວນ: ອາກາດຫນາວເຢັນໃນຕອນເຊົ້າ ພ້ອມມີຫມອກບາງປົກຫຸ້ມຢູ່ທົ່ວໄປ ແລະ ຈະມີຝົນຕົກໃນລະດັບ ຄ່ອຍ ແລະ ຕົກປານກາງຢູ່ບາງບໍລິເວນ. ອຸນຫະພູມຕໍ່າສຸດ 13 – 14 ອົງສາ ແລະ ສູງສຸດ 23 – 25 ອົງສາ. ນະຄອນຫຼວງວຽງຈັນ: ອາກາດເຢັນໃນຕອນກາງຄືນ ຫາ ຕອນເຊົ້າ ພ້ອມມີລົມພັດແຮງຢູ່ບາງບໍລິເວນ. ອຸນຫະພູມຕ່ໍາສູດ 19 – 21 ອົງສາ ແລະ ສູງສຸດ 29 – 31 ອົງສາ.

ຄໍາເຕືອນເຝົ້າລະວັງ: ໃນໄລຍະຕົ້ນ ຫາ ທ້າຍອາທິດ ເກີດມີພາຍຸຫມຸນເຂດຮ້ອນ ເອຕາວ (Etau) ຫົວທີ່ 21 ປະຈໍາປີ 2020 ແລະ ພາຍຸດີເປຊັ້ນທີ່ກໍາລັງກໍ່ໂຕຢູ່ເຂດມະຫາສະມຸດປາຊິຟິກ ຈະເພີ່ມກໍາລັງແຮງຂື້ນເປັນພາຍຸຫມຸນເຂດຮ້ອນ ຫົວທີ່ 02 ປະຈໍາປີ 2020 ພວມເຄື່ອນທີ່ຢູ່ເຂດທະເລຈີນໃຕ້ ແລະ ຄາດຄະເນວ່າຈະເຄື່ອນເຂົ້າຝັ່ງຂອງ ສສ ຫວຽດນາມ ແລະ ວົງລັດສະຫນີຂອງພາຍຸຫົວນີ້ຈະກວມເອົາເຂດແຂວງ ພາກກາງ ແລະ ພາກໃຕ້ຂອງປະເທດລາວ. ຈະເຮັດໃຫ້ມີຝົນຕົກໃນລະດັບຄ່ອຍ ຫາ ປານກາງ ແລະ ຕົກຫນັກ ພ້ອມມີລົມພັດແຮງເປັນບາງໂອກາດຢູ່ບາງທ້ອງຖີ່ນ.

ດັ່ງນັ້ນ, ຈຶ່ງຂໍແຈ້ງເຕືອນເຖິງປະຊາຊົນ ແລະ ອົງການປົກຄອງ ທ້ອງຖິ່ນ ທຸກພາກສ່ວນທີ່ອາໄສຢູ່ ແຂວງ ບໍລິຄໍາໄຊ, ຄໍາມ່ວນ, ສະຫວັນນະເຂດ, ສາລະວັນ, ເຊກອງ, ຈໍາປາສັກ ແລະ ອັດຕະປືຈົ່ງມີສະຕິລະມັດລະວັງຕໍ່ສະພາບຝົນຕົກຫນັກ ແລະ ລົມພັດແຮງ ທີ່ຈະເຮັດໃຫ້ມີຕົ້ນໄມ້ຫັກລົ້ມ ແລະ ຈະເຮັດໃຫ້ມີນ້ໍາຖ້ວມຊູ, ນ້ໍາຖ້ວມອັ່ງ ແລະ ເຮືອນຊານເປ່ເພ ພ້ອມນີ້ໃຫ້ກະກຽມຍົກຍ້າຍວັດຖຸສິ່ງຂອງ, ຜົນລະປູກ ແລະ ສັດລ້ຽງໄປໄວ້ບ່ອນທີ່ປອດໄພ ແລະ ພ້ອມນີ້ໃຫ້ຕິດຕາມຂ່າວພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດ ຢ່າງເປັນປະຈໍາ

LEAVE A REPLY

Please enter your comment!
Please enter your name here