ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ເຂົ້າຫຼາມ ເປັນອາຫານຫວ່າງປະເພດໜຶ່ງ. ທີ່ຄົນລາວເຮົາມັກນິຍົມກິນໃນລະດູໜາວ ຫຼື ຊ່ວງທີ່ເກັບກ່ຽວເຂົ້າໃໝ່ ເຂົ້າຫຼາມແບບດັງເດີມແທ້ໆ ແມ່ນຈະໃຊ້ພຽງ ເຂົ້າໜຽວ, ນໍ້າ ແລະ ເກືອເທົ່ານັ້ນ

ເຂົ້າຫຼາມ ເປັນອາຫານຫວ່າງປະເພດໜຶ່ງ. ທີ່ຄົນລາວເຮົາມັກນິຍົມກິນໃນລະດູໜາວ ຫຼື ຊ່ວງທີ່ເກັບກ່ຽວເຂົ້າໃໝ່ ເຂົ້າຫຼາມແບບດັງເດີມແທ້ໆ ແມ່ນຈະໃຊ້ພຽງ ເຂົ້າໜຽວ, ນໍ້າ ແລະ ເກືອເທົ່ານັ້ນ

ສຳລັບເຂົ້າຫຼາມທີ່ມີຂາຍທົ່ວໄປ ແມ່ນໄດ້ມີການເພີ່ມ ໝາກພ້າວແກ່, ເຜືອກ ແລະ ບາງຄົນກໍ່ໃສ່ໝາກຖົ່ວດຳ ແລະ ເຮົາມັກຈະເຫັນເຂົ້າຫຼາມວາງຂາຍໃນງານບຸນປະເພນີຕ່າງໆ ເຊັ່ນ ບຸນທາດຫຼວງເປັນຕົ້ນ

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ມື້ນີ້ ອິນໄຊລາວ ໄດ້ນໍາເອົາການເຮັດເຂົ້າຫຼາມແບບງ່າຍໆ ມາແຈກໃຫ້ທຸກຄົນໄດ້ລອງເຮັດກິນເອງ ໃນຊ່ວງລະດູໜາວທີ່ກຳລັງຈະກ້າວເຂົ້າມານີ້

ສ່ວນປະກອບ

  • ເຂົ້າໜຽວ (ໃໝ່) ຫຼື ເຂົ້າກຳ ກໍ່ໄດ້
  • ເຜືອກ, ໝາກພ້າວແກ່ ຫຼື ຖົ່ວດຳ ( ມື້ນີ້ເຮັດໃສ່ຖົ່ວດຳ ແຕ່ຕ້ອງມ່າໄວ້ ປະມານ 1 ຊົ່ວໂມງ)
  • ກະທິ (ຈະຊ່ວຍເພີ່ມຄວາມຫວານມັນໃຫ້ລົດຊາດເຂົ້າຫຼາມໄດ້)
  • ໄມ້ໄຜ່ເຂົ້າຫຼາມ (ເລືອກສະເພາະລຳທີ່ແກ່ເທົ່ານັ້ນ ເພື່ອເວລາເຜົາໄມ້ຈະບໍ່ແຕກ)
  • ນ້ຳຕານ ແລະ ເກືອ

ວິທີການກະກຽມ

  1. ກະກຽມເຂົ້າ: ມ່າເຂົ້າປະໄວ້ປະມານ1-2 ຊົ່ວໂມງ (ສຳລັບເຂົ້າໃໝ່ເທົ່ານັ້ນ), ຫຼັງຈາກນັ້ນໃຫ້ນຳເຂົ້າໃສ່ໄຫ ປ່ອຍໃຫ້ສະເດັດນ້ຳ ຈົນແຫ້ງ
  2. ກະກຽມໝາກພ້າວ: ນຳໝາກພ້າວມາຂູດ ແລະ ຄັ້ນເອົານ້ຳກະທິ ຫຼັງຈາກນັ້ນໃຫ້ປຸງນຳກະທິດ້ວຍເກືອ ແລະ ນ້ຳຕານທີ່ຕຽມໄວ້
  3. ກະກຽມຖົ່ວດຳ: ມ່າໄວ້ປະມານ 1 ຊົ່ວໂມງ

ວິທີປຸງແຕ່ງ

  1. ນຳເຂົ້າ ແລະ ຖົ່ວດຳມາປະສົມເຂົ້າກັນ ແລ້ວເທໃສ່ໃນບັ້ງໄຜ່ທີ່ຕຽມໄວ້ໃຫ້ເຕັມ
  2. ເທນ້ຳກະທິໃສ່ໃນບັ້ງເຂົ້າ
  3. ນຳໄປເຜົາໄຟ ໃຊ້ເວລາເຜົາປະມານ 2-3 ຊົ່ວໂມງ
  4. ປອກເປືອກໄຟໄໝ້ ອອກໃຫ້ໝົດກ່ອນຮັບປະທານ (ບາງທ້ອງຖິ່ນ ນິຍົມນຳມາທຸບກ່ອນ ເພື່ອງ່າຍເວລາປອກ)

ພຽງເທົ່ານີ້, ທ່ານກໍ່ໄດ້ກິນເຂົ້າຫຼາມແບບຮ້ອນໆໃໝ່ໆແລ້ວ

LEAVE A REPLY

Please enter your comment!
Please enter your name here