ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ອີງຕາມແຈ້ງການ ຈາກຫ້ອງວ່າການສຳນັກງານາຍົກລັດຖະມົນຕີ ສະບັບເລກທີ 1202/ຫສນຍ ລົງວັນທີ 31/10/2020 ເລື່ອງ ການສືບຕໍ່ປະຕິບັດບັນດາມາດຕະການຜ່ອນຜັນ, ມາດຕະການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການລະບາດຂອງພະຍາດ COVID-19 ໃນໄລຍະວັນທີ 1 ພະຈິກ ຫາ 31 ທັນວາ 2020 ໂດຍມີເນື້ອໃນດັ່ງນີ້:

1. ເຫັນດີໃຫ້ສືບຕໍ່ປະຕິບັດບັນດາມາດຕະການຜ່ອນຜັນ, ມາດຕະການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການລະບາດຂອງພະຍາດ COMD-19 ກັນກັບມາດຕະການທີ່ໄດ້ປະຕິບັດໃນ ເດືອນຕຸລາ 2020 ຜ່ານມາ ຕາມທີ່ໄດ້ລະບຸໃນແຈ້ງການຂອງຫ້ອງວ່າການສໍານັກງານນາຍົກລັດຖະມົນ ຕິ ສະບັບເລກທີ 1049/ຫສນຍ, ລົງວັນທີ 30 ກັນຍາ 2020 ຢ່າງເຂັ້ມງວດ, ໃນນັ້ນ ສະເພາະມາດຕະການທີ່ສືບຕໍ່ປິດມີດັ່ງນີ້:

  • ສືບຕໍ່ປີດດ່ານປະເພນີ ແລະ ດ່ານທ້ອງຖິ່ນ ສໍາລັບການເຂົ້າ-ອອກ ຂອງບຸກຄົນທົ່ວໄປ ແລະ ການຂົນສົ່ງສິນຄ້າ, ຍົກເວັ້ນບາງດ່ານປະເພນີ ຫຼື ດ່ານທ້ອງຖິ່ນ ທີ່ໄດ້ຮັບອະນຸຍາດຈາກລັດຖະບານ ໃຫ້ລົດຂົນສົ່ງສິນລົ້າ ເຂົ້າ-ອອກໄດ້. ສ່ວນດ່ານສາກົນສືບຕໍ່ປິດສໍາລັບການເຂົ້າອອກ ຂອງບຸກຄົນທົ່ວໄປ, ຍົກເວັ້ນ ພົນລະເມືອງລາວ ແລະ ຊາວຕ່າງປະເທດ ທີ່ມີຄວາມ ຈໍາເປັນຮີບດ່ວນ ໃນການເດິນທາງເຂົ້າ-ອອກ ສປປ ລາວ ທີ່ໄດ້ຮັບອະນຸຍາດຈາກຄະນະສະເພາະກິດ. ສໍາລັບການຂົນສົ່ງສິນຄ້າຜ່ານດ່ານສາກົນ ແມ່ນສາມາດເຂົ້າ-ອອກໄດ້ຕາມປົກກະຕິ.
  • ສືບຕໍ່ໂຈະການອອກວິຊ່າທ່ອງທ່ຽວ ແລະ ຢ້ຽມຢາມ ສໍາລັບບຸກຄົນ ທີ່ເດີ່ນທາງມາຈາກ ຫຼື ຜ່ານປະເທດ ທີ່ຍັງມີການລະບາດ ຂອງພະຍາດ COVID-19 ຍົກເວັ້ນ ນັກທ່ອງທ່ຽວເປັນ ກຸ່ມ ທີ່ໄດ້ຮັບອະນຸຍາດຈາກຄະນະສະເພາະກິດ. ສໍາລັບ ນັກການທູດ, ພະນັກງານອົງການ ທີ່ມີຄວາມຈໍາເປັນ ແລະ ຮີບດ່ວນ ສາມາດເຂົ້າມາປະຕິບັດວຽກງານ ຢູ່ສະຖານທູດບັນດາ ກິດຈະການ ແລະ ໂຄງການຕ່າງໆ ໄດ້, ແຕ່ຕ້ອງຜ່ານການພິຈາລະນາເຫັນດີຈາກຄະນະສະເພາະກິດ. ສ່ວນຂັ້ນຕອນໃນການປະຕິບັດຕົວຈິງ ແມ່ນໃຫ້ສືບຕໍ່ປະຕຶບັດຕາມຄໍາແນະນໍາ ຂອງຄະນະສະເພາະກິດ ສະບັບເລກທີ 2336/ສພກ, ລົງວັນທີ 31 ກໍລະກົດ 2020 ສໍາລັບຜູ້ທີ່ຈະເດີນທາງ ເຂົ້າ-ອອກ ສປປ ລາວ ໃນໄລຍະດໍາເນີນມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ coVID-19 ຢ່າງເຂັ້ມງວດ.

2. ເຫັນດີໃຫ້ເປີດຮ້ານບັນເທິງ ແລະ ຄາຣາໂອເກະ ເພື່ອຫຼຸດຜ່ອນຜົນກະທົບທາງດ້ານການດໍາເນີນທຸລະກິດ ໂດຍໃຫ້ປະຕິບັດເວລາປິດ ຕາມດໍາລັດ ວ່າດ້ວຍການບັນເທິງສະບັບເລກທີ 315/ລບ, ລົງ ວັນທີ 02 ຕຸລາ 2017 ແລະ ປະຕິບັດມາດຕະການປ້ອງກັນການຕິດເຊື້ອ, ການແຜ່ເຊື້ອ ແລະ ຮັກສາ ຄວາມສະອາດສະຖານທີ່ ຢ່າງເຂັ້ມງວດ.

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

3. ເຫັນດີໃຫ້ສືບຕໍ່ປຶກສາຫາລືນະໂຍບາຍຜ່ອນຜັນການເດີນທາງເຂົ້າ-ອອກປະເທດ ລະຫວ່າງ ສປປ ລາວ ແລະ ສສ ຫວຽດນາມ, ສປປ ລາວ ແລະ ຍີ່ປຸ່ນ ແລະ ກັບບັນດາປະເທດອາຊຽນທີ່ສະເຫນີເຂົ້າມາໃຫມ່.

4. ມອບໃຫ້ກະຊວງປ້ອງກັນປະເທດ, ກະຊວງປ້ອງກັນຄວາມສະຫງົບ ແລະ ທ້ອງຖິ່ນກ່ຽວຂ້ອງ ເພີ່ມທະວີການຕິດຕາມກວດກາ ການເຂົ້າ-ອອກ ຕາມດ່ານຊາຍແດນ ເພື່ອຮັບປະກັ້ນບໍ່ໃຫ້ມີການເຂົ້າອອກແບບຊະຊາຍ ຫຼື ມີການລັກລອບເຂົ້າ-ອອກ ບໍ່ຜ່ານດ່ານຊາຍແດນ ເພື່ອຮັບປະກັນບໍ່ໃຫ້ມີຄວາມ ສ່ຽງໃນການນໍາເຊື້ອພະຍາດເຂົ້າມາແຜ່ລະບາດຢູ່ພາຍໃນປະເທດ

LEAVE A REPLY

Please enter your comment!
Please enter your name here