ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ໄດ້ລາຍງານໃນກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດ ຊຸດທີ VIIIກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ, ແຜນງົບປະມານແຫ່ງລັດ ແລະ ແຜນເງິນຕາ ປະຈໍາປີ 2020 ແລະ ທິດທາງແຜນການປີ 2021

ໂດຍທ່ານໄດ້ລາຍງານເຖິງການຂະຫຍາຍຕົວຂອງເສດຖະກິດມະຫາພາກ ວ່າ: ຍ້ອນມີຜົນກະທົບຈາກຫຼາຍປັດໄຈເປັນທີ່ປະຈັກໃນໄລຍະ 1 ປີ ຜ່ານມາ ເຮັດໃຫ້ອັດຕາການເຕີບໂຕເສດຖະກິດຂອງປະເທດເຮົາ (GDP) ຄາດວ່າຈະບັນລຸໄດ້ພຽງ 3,3% (ແຜນດັດແກ້ 3,3% ຫາ 3,6%), ມູນຄ່າຕາມລາຄາໃນປີ ປະມານ 173.138 ຕື້ກີບ ໃນນີ້:

  • ຂະແຫນງກະສິກໍາ: ຂະຫຍາຍຕົວຕາມແຜນດັດແກ້ 2,3% ກວມເອົາ 16,6% ຂອງ GDP
  • ຂະແຫນງອຸດສາຫະກໍາ: ຂະຫຍາຍຕົວ 9,8% ກວມເອົາ 33% ຂອງ GDP (ແຜນດັດແກ້ຂະຫຍາຍຕົວ 6,8%)
  • ຂະແຫນງບໍລິການ: -1,6% ກວມເອົາ 39,5% ຂອງ GDP (ແຜນດັດແກ້ ຂະຫຍາຍຕົວ 1,7%)

ມູນຄ່າການນໍາເຂົ້າ-ສົ່ງອອກສິນຄ້າ: ປະຕິບັດໄດ້ 75.267 ຕື້ກີບ ເທົ່າກັບ 67,79% ຂອງແຜນດັດແກ້, ທຽບໃສ່ໄລຍະດຽວກັນຂອງປີຜ່ານມາ ຫຼຸດລົງ 5,6%, ໃນນັ້ນ, ການສົ່ງອອກ ປະຕິບັດໄດ້ 4.278 ລ້ານໂດລາສະຫະລັດ ເທົ່າ ກັບ 70,84% ຂອງແຜນດັດແກ້ (6.039 ລ້ານໂດລາ), ການນໍາເຂົ້າ ປະຕິບັດໄດ້ 3.824 ລ້ານໂດລາສະຫະລັດ ເທົ່າກັບ 64,68% ຂອງແຜນດັດແກ້ (5.912 ລ້ານໂດລາສະຫະລັດ), ສາມາດເກີນດຸນ 454 ລ້ານໂດລາສະຫະລັດ (ເເຜນການໃຫ້ເກີນ ດຸນ 127 ລ້ານໂດລາສະຫະລັດ). ຄາດວ່າຫມົດປີ ມູນຄ່າການນໍາເຂົ້າ-ສົ່ງອອກ ຈະສາມາດປະຕິບັດໄດ້ບັນລຸແຜນດັດແກ້ 11.951 ລ້ານໂດລາສະຫະລັດ ຫຼື 111.024,79 ຕື້ກີບ.

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ການຈໍລະຈອນສິນຄ້າພາຍໃນ ປະຕິບັດໄດ້ 45.967 ຕື້ກີບ ເທົ່າກັບ 70,34% ຂອງແຜນດັດແກ້, ທຽບໃສ່ໄລຍະດຽວກັນ ຂອງປີຜ່ານມາ ເພີ່ມຂຶ້ນ 6,73%, ຄາດຄະເນຫມົດປີ ຈະສາມາດບັນລຸໄດ້ ຕາມແຜນດັດແກ້ 65.347,02 ຕື້ກີບ. ໄດ້ຕິດຕາມ ແລະ ແກ້ໄຂຫຼາຍບັນຫາ ທີ່ເກີດຂຶ້ນໃນໄລຍະປີດດ່ານຊາຍແດນ ເຮັດໃຫ້ການຂົນສົ່ງສິນຄ້າ ສາມາດດໍາເນີນໄປໄດ້ເປັນປົກກະຕິ; ໄດ້ ເອົາໃຈໃສ່ຕິດຕາມ, ກວດກາ ແລະ ຄຸ້ມຄອງລາຄາສິນຄ້າບໍລິໂພກ-ອຸປະໂພກ ທີ່ຈໍາເປັນ ເຊັ່ນ: ລາຄາເຂົ້າ, ຊີ້ນ, ປາ, ອາຫານ, ຜ້າອັດປາກ-ດັງ, ເຈວລ້າງມື ແລະ ເຫຼົ້າຂ້າເຊື້ອ ເພື່ອບໍ່ໃຫ້ມີການສວຍໂອກາດ ໃນໄລຍະທີ່ມີການລະບາດພະຍາດໂຄວິດ-19.

ຂະເເຫນງພະລັງງານ ແລະ ບໍ່ແຮ່: ການຜະລິດກະແສໄຟຟ້າ ປະຕິບັດໄດ້ 29.787 ລ້ານກິໂລວັດໂມງ, ມູນຄ່າ 15.395 ຕື້ກີບ ເທົ່າກັບ 71,85% ຂອງແຜນດັດແກ້, ທຽບໃສ່ໄລຍະດຽວກັນຂອງປີຜ່ານມາ ເພີ່ມຂຶ້ນ 34%, ຄາດຄະເນຫມົດປີ ຈະສາມາດຜະລິດໄດ້ 40.621 ລ້ານກິໂລວັດໂມງ ມີມູນຄ່າປະມານ 20.964 ຕື້ກີບ. ສໍາລັບດ້ານແຮ່ທາດ :ຜະລິດໄດ້ 7.700 ຕື້ກີບ ເທົ່າກັບ 71% ຂອງແຜນດັດແກ້. ຄາດຄະເນຫມົດປີ ການຜະລິດແຮ່ທາດຈະສາມາດປະຕິບັດໄດ້ 10.851 ຕື້ກີບ, ເຫັນວ່າຈະປະຕິບັດໄດ້ຕາມແຜນດັດແກ້.

LEAVE A REPLY

Please enter your comment!
Please enter your name here